រឿង F4 2018 ទទួលបានពិន្ទុទាបបំផុតក្នុងប្រវត្តិសាស្ត្រ និងអាចត្រូវឈប់បញ្ចាំង

2018-07-19 02:39:07
ចំនួនមតិ 0 | ចំនួនចែករំលែក 0

បង្ហាញមុខកាលពីថ្ងៃទី៩ ខែកក្កដា ខ្សែភាពយន្តភាគចិន “Meteor Garden” ២០១៨ អាចមានលទ្ធភាពត្រូវឈប់បញ្ចាំងព្រោះចំនួនអ្នកទស្សនាទាបបំបែកកំណត់ត្រា។

តួអង្គ F4 និងសាន់ឆាយថ្មី

“ទោះជាយល់សប្ដិក៏ខ្ញុំមិននឹកស្មានថារឿងអន់ដល់ថ្នាក់នេះដែរ” “តើខ្ញុំកំពុងមើលរឿងស្នេហាបួនដួងមែនឬអត់ហ្នឹង?” ទាំងនេះគឺជាមតិរបស់ទស្សនិកជននៅលើគេហទំព័រភាពយន្ត Douban សម្រាប់រឿងភាគ “ស្នេហាបួនដួង” ឆ្នាំ២០១៨។ តាមមតិរបស់ពួកគេ រឿងលើកនេះគឺធ្វើឡើងខុសច្បាប់ដើមទាំងស្រុងតែម្ដង។ ក្រុម F4 គឺមិនកាចដូចកាលពីមុន បែរជាស្លូត។ សូម្បីតែរឿងជំនាន់ ២០០១របស់តៃវ៉ាន់ ក៏គ្រាន់បើជាងស៊េរីឆ្នាំ២០១៨នេះដែរ។

នៅលើ Douban ក្រោយពេលចាក់ផ្សាយបាន៦ភាគរឿងនេះត្រូវបានគេដាក់ពិន្ទុ ២,៩ លើ ១០។ នេះគឺជាតួលេខទាបបំផុតសម្រាប់រឿងទាំង៤ជំនាន់ដែលធ្លាប់បានផលិតឡើយ។ ស៊េរីរបស់តៃវ៉ាន់ផលិតឆ្នាំ២០០១ ទទួលបាន ៨,២ ពិន្ទុ របស់ជប៉ុនផលិតទទួលបាន ៧,៩ ពិន្ទុ របស់កូរ៉េផលិតទទួលបាន ៧,៣ ពិន្ទុ។ បណ្ដាញព័ត៌មាន Phoenix បានឲ្យដឹងថាប៉ុស្តិ៍ទូរទស្សន៍ Hunan គឺជាប៉ុស្តិ៍ដែលល្បីឈ្មោះខាងឈប់បញ្ចាំងកម្មវិធីណាដែលមានចំនួនអ្នកទស្សនាទាប អាស្រ័យហេតុនេះ ប៉ុន្មានភាគខាងមុខ ប្រសិនបើចំនួនអ្នកមើលគ្មានអ្វីប្រែប្រួលទេ រឿងនេះនឹងត្រូវឈប់បញ្ចាំង។ គួរបញ្ជាក់ផងដែររឿងនេះ មានប្រវែង៤៨ភាគ ហើយទើបតែបញ្ចាំងបាន៦ភាគប៉ុណ្ណោះ៕

អ្នកទស្សនាប្រៀបធៀបឈុតឆាកមួយចំនួននឹងស៊េរីចាស់ៗ៖