កុំស្លៀករ៉ូបប៉ុន្មានម៉ូដនេះចូលរួមមង្គលការបើមិនចង់ភ្លាវខុសគេ
- 2018-06-29 06:23:26
- ចំនួនមតិ 0 | ចំនួនចែករំលែក 0
កុំស្លៀករ៉ូបប៉ុន្មានម៉ូដនេះចូលរួមមង្គលការបើមិនចង់ភ្លាវខុសគេ
ការចូលរួមពិធីមង្គលការគឺត្រូវប្រយ័ត្នបំផុតចំពោះការស្លៀកពាក់និងផាត់មុខ។ បើអ្នកសិនជាអ្នកស្លៀកមិនសមរម្យអាចនឹងត្រូវគេនិយាយដើមហុយដី ជាពិសេសក្នុងមង្គលការបងប្អូន។ ដើម្បីកុំឱ្យគេរិះគន់ អ្នកគួរជៀសវាងរ៉ូបប៉ុន្មានម៉ូដនេះ៖
១. ស្លៀកពាក់ពណ៌សដូចជាកូនក្រមុំ
មិនថាអ្នកខ្លះខាតរ៉ូបឬស្រលាញ់ពណ៌សយ៉ាងណាទេ អ្នកគួរតែជៀសវៀងការស្លៀករ៉ូបពណ៌នេះ។ ពេលខ្លះមិនមានអ្នករិះគន់ទេ តែកូនក្រមុំអាចនឹងអន់ចិត្ត។
២. រ៉ូបចេញអាវក្នុង
បើអ្នកស្លៀកពាក់បែបនេះ វាដូចជាចង់បានចំណាប់អារម្មណ៍ពេកហើយ។ គ្រប់គ្នានឹងតាមមើលដោយសារភាពសិចស៊ីរបស់អ្នក។
៣. ផាត់មុខក្រាស់ពេក
អ្នកខ្លះចូលចិត្តផាត់មុខក្រាស់ៗដូចតួល្ខោនទៅចូលរួមពិធីមង្គលការ។ ការផាត់មុខក្រាស់ពេកមានតែធ្វើឱ្យអ្នកកាន់តែចាស់ និងមើលទៅមិនសមរម្យ។ ផាត់មុខតិចៗ កុំលាបក្រែមដិតពេកជាជម្រើសល្អបំផុត។
៤. ស្លៀកពាក់ពណ៌ខ្មៅ
ត្រូវចាំថា មង្គលការគឺជារឿងមង្គលដែលគ្រប់គ្នាត្រូវសាទរមិនត្រូវកាន់ទុកនោះទេ។ ការស្លៀកពាក់ពណ៌ខ្មៅប្រៀបដូចជាចូលរួមពិធីបុណ្យសពគឺមិនសមទាល់តែសោះ។
៥.ស្លៀករ៉ូបសិចស៊ីពេក ឬមើលទៅសាហាវពេក
យកល្អក្នុងពិធីមង្គលការអ្នកគួរតែស្លៀកពាក់ឱ្យមើលទៅសុភាពរាបសា ប្រសើរជាងសិចស៊ីព្រោះទីនោះក៏មានចាស់ទុំដែលចាំមើលអ្នកដែរ។
៦. រ៉ូបភ្លើងចែងចាំង
ត្រូវចាំថាអ្នកទៅចូលរួមពិធីមង្គលការ មិនមែនទៅរាំក្នុងបារទេ។ បើមិនចង់ឱ្យគេរិះគន់ ទេគួរតែជៀសវាង៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
