មូលហេតុដែលស្នេហាមិនសូវ Show off តាមបណ្ដាញសង្គមច្រើនតែឋិតថេរ

2018-06-21 09:01:00
ចំនួនមតិ 0 | ចំនួនចែករំលែក 0

គ្រប់គ្នាមានពេលមួយថ្ងៃស្មើៗគ្នា គ្រាន់តែការប្រើប្រាស់ពេលវេលាគឺខុសគ្នា។ នៅពេលដែលអ្នកមានស្នេហាការចំណាយពេលវេលាក៏ទៅតាមហ្នឹង។ បើសិនជាអ្នករវល់តែចំណាយពេលលើបណ្តាញសង្គម នោះពេលវេលាដែលចំណាយឱ្យគ្នាក៏កាន់តែតិច។ ទាំងនេះជាចំណុចដែលបញ្ជាក់ថាស្នេហាស្ងប់ស្ងាត់អាចនឹងឋិតថេរជាស្នេហាបង្ហាញតែក្នុងបណ្តាញសង្គម៖

១. ចំណាយពេលឱ្យគ្នាបានច្រើន

នៅពេលដែលគេរវល់ គូស្នេហ៍មិនមានពេលចាប់អារម្មណ៍ពីពិភពលោក ឬបណ្តាញសង្គមទេ និយាយរួមពិភពលោកមានតែបងនិងអូន។ គេពេញចិត្តនូវរាល់វិនាទីដែលគេនៅជាមួយគ្នា។

២. គេគ្មានអារម្មណ៍អីទាំងអស់នៅពេលឃើញគេSweetនៅក្នុងបណ្តាញសង្គម

គេគិតថាការបង្ហាញពីអារម្មណ៍ពិតមិនចាំបាច់ប្រើបណ្តាញសង្គមទេ។ បើសិនជាស្នេហាជោគជ័យនោះគឺមិនអីទេ តែបើស្នេហាជួបឧបសគ្គនោះច្បាស់ជាមានគេសើចចំអកជាមិនខាន។

៣. គេដោះស្រាយបញ្ហាដោយផ្ទាល់មិនមែនដោះស្រាយដោយប្រើបណ្តាញសង្គម

នៅពេលដែលគេឈ្លោះគ្នាគេច្រើនតែរួមគ្នាដោះស្រាយ ឬដោះស្រាយផ្ទាល់ជាជាងប្រើការបង្ហោះពីបញ្ហានៅក្នុងបណ្តាញសង្គមឱ្យគេបានដឹង។

៤. សុភមង្គលគឺពេលនៅជាមួយគ្នា

ពេលដែលអ្នកជួបស្នេហាពិតអ្នកនឹងមានអារម្មណ៍បែបនេះ។ សុភមង្គលមិនមែនទាល់តែបង្ហាញនៅក្នុងបណ្តាញសង្គមទេ។ ពួកគេចូលចិត្តចំណាយពេលវេលាជាមួយគ្នាជាងអ្វីៗទាំងអស់ ហើយសុភមង្គលទាំងនោះក៏មិនចាំបាច់បញ្ចេញឱ្យគ្រប់គ្នាបានដឹង។

៥. បង្ហាញសេចក្តីស្រលាញ់ដោយកាយវិការប្រសើរជាងពាក្យសំដី

ការស្រាវជ្រាវបានឱ្យដឹងថា គូស្នេហ៍ដែលមិនសូវប្រើបណ្តាញសង្គមសប្បាយចិត្តច្រើនជាងគូរស្នេហ៍ដទៃ ពីព្រោះពួកគេមិនបានប្រៀបធៀបស្នេហារបស់ពួកគេជាមួយអ្នកដទៃ។ ពួកគេធ្វើច្រើនជាងសរសេររៀបរាប់ពីស្នេហានៅក្នុងបណ្តាញសង្គម៕