អាយុក្រោម ២០ ឆ្នាំ ឆ្លងកាត់រឿងរ៉ាវទាំងនេះបាន ធ្វើឲ្យអ្នកមានចរិតចាស់ទុំទាំងវ័យក្មេង
- 2018-06-13 02:00:00
- ចំនួនមតិ 0 | ចំនួនចែករំលែក 0
អាយុក្រោម ២០ ឆ្នាំ ឆ្លងកាត់រឿងរ៉ាវទាំងនេះបាន ធ្វើឲ្យអ្នកមានចរិតចាស់ទុំទាំងវ័យក្មេង
វ័យប៉ុណ្ណោះ មិនទាន់ជាចាស់ចិត្តចាស់គំនិតប៉ុន្មានឡើយ តែបើបានឆ្លងកាត់រឿងរ៉ាវមួយចំនួនដូចខាងក្រោម ទៅថ្ងៃមុខនាងនឹងគំនិតភ្លឺថ្លាជាងមុន។
១.អាចប្រឈមមុខនឹងបញ្ហាកាន់តែច្រើន
មនុស្សគ្រប់គ្នាមានទស្សនវិស័យខុសៗគ្នាលើហានិភ័យ ប៉ុន្តែប្រហែលជាអ្នកគួរតែដឹងថា អ្នកកំពុងរស់នៅក្នុងបរិវេណសុខសាន្តយូរពេក ដោយមិនដែលជួបរឿងភ័យខ្លាចអ្វីសោះ។ នៅពេលដែលជីវិតមិនធ្លាប់ជួបរឿងបែបនេះ ពេលចាស់ទៅអ្នកនឹងដឹងថាការខកខានចំពោះបញ្ហាជាច្រើនក្នុងជីវិត អ្នកនឹងគ្មានបទពិសោធន៍អ្វីអស្ចារ្យបន្សល់ទុក។
២.ខ្វល់ខ្វាយរឿងផ្សេងៗច្រើន
ក្នុងវ័យនេះ ការខ្វល់ខ្វាយមិនអាចជួយអ្វីបានច្រើនទេ តែអ្នកគួរតែមានផែនការប្រចាំថ្ងៃដែលត្រូវធ្វើវិញ ទើបអាចជួយជីវិតអ្នកឲ្យរស់ស្រួលពីមួយថ្ងៃទៅមួយថ្ងៃ។
៣.សង្ឃឹមថាអាចចំណាយពេលច្រើនជាមួយគ្រួសារ
គ្រួសារជាមនុស្សដែលអ្នកមិនអាចខ្វះបាន ដូចនេះហើយមនុស្សម្នាក់ៗពិតជាចង់រស់នៅជិត។ តែបើអ្នកមិនអាចទៅឆ្ងាយពីគ្រួសារ អ្នកនៅតែពឹងផ្អែកលើអ្នកជុំវិញខ្លួន ហើយមិនអាចស្វែងរកទិសដៅទៅថ្ងៃមុខបានដែរ។
៤.ព្យាយាមធ្វើអ្វីដោយខ្លួនឯង
ទម្លាប់ពឹងពាក់អ្នកដទៃ មិនអាចជួយអ្វីឲ្យអ្នករីកចម្រើនបានទេ ផ្ទុយទៅវិញមានតែទាញអ្នកឲ្យធ្លាក់ទៅក្នុងភាពងងឹតល្ងង់។ ពេលខ្លះមនុស្សពិតជាត្រូវការជំនួស ប៉ុន្តែមិនមែនគ្រប់រឿងឡើយ ហើយការទទួលជំនួយនេះទៀតសោត បើអ្នកជាមនុស្សឆ្លាត គួរតែសុំឲ្យគេបង្រៀនវិញ ជាជាងឲ្យគេធ្វើឲ្យ។
៥.កុំគិតពីអ្នកដទៃ
ខួរក្បាលអ្នកមិនមែនកន្លែងផ្ទុករឿងមិនបានការទេ ដូចនេះនៅពេលអ្នកចំណាយពេលគិតអំពីអ្នកដទៃច្រើនប៉ុណ្ណា នោះជាការចំណាយពេលវេលាច្រើនឥតប្រយោជន៍ប៉ុណ្ណឹងដែរ។ វ័យប៉ុណ្ណេះគួរតែគិតអ្វីដែលថ្មី ដែលអាចចំណេញដល់អ្នកទៅបានហើយ។
៦.រៀនបែងចែកពេលវេលាឲ្យបានសមស្រប
អ្នកគួរតែចេះរៀបចំពេលវេលាឲ្យមានតុល្យភាពរវាងការសិក្សា ការសប្បាយ មិត្តភ័ក្ដិ និងក្រុមគ្រួសារ។ ព្រោះបើអ្នកលម្អៀងទៅរកខាងណាមួយ ក៏វាមិនល្អចំពោះអនាគតដែរ។
៧.ព្យាយាមធ្វើខ្លួនឲ្យរីករាយ
វ័យប៉ុណ្ណឹងសោះ កុំអង្គុយតែធ្វើមុខស្អុយ ព្រោះថាវានឹងមិនអាចជួយអ្វីដល់អ្នកបានឡើយ។ ព្យាយាមស្វែងរកសេចក្ដីសុខឲ្យច្រើនដល់ខ្លួនឯង នោះទើបជារឿងល្អបំផុតសម្រាប់អ្នក៕