តិចនិកថតរូបឱ្យចេញរាងស្អាត ពេលស្លៀកប៊ីគីនី

2018-06-12 08:40:11
ចំនួនមតិ 0 | ចំនួនចែករំលែក 0

សម័យនេះទៅហើយ ការស្លៀកឈុតប៊ីគីនីទៅហែលទឹកគឺជារឿងសាមញ្ញ។ ប៉ុន្តែការបង្ហាញរូបរាងស្អាត ឬចង់ឱ្យរូបថតដែលថតចេញមកឃើញរាងស្អាត ទើបជារឿងពិបាកសម្រាប់នារីៗ ព្រោះតែមេឃក្ដៅផង ហើយថតឈរឬអង្គុយមិនស្រួលអាចមើលឃើញសាច់ធ្លាក់តាមប៊ីគីនីនោះមិនខាន។ដូច្នេះអ្នកគួរយល់ដឹងពីវិធីកាច់រាងពេលថត ដើម្បីបានរូបថតដ៏ទាក់ទង ផុសម្ដងៗមានអ្នកចូលចិត្តច្រើន។

១. ប្លង់ងើបពីទឹក

មិនថាពេលទៅលេងសមុទ្រ ឬហែលទឹកក្នុងអាងទេ អ្នកមិនគួររំលងប្លង់ក្រោមទឹក ឬងើបពីទឹកនេះឡើយ។ វាជួយឱ្យមើលទៅឃើញស្បែកអ្នកឆ្លុះភ្លឺថ្លា ដោយសារចំណាំងទឹកនិងពន្លឺថ្ងៃ ហើយវាអាចជួយឱ្យមើលទៅមិនឃើញរាងទាំងស្រុងរបស់អ្នក។

២. ឈរដាក់ជើងឱ្យមើលឃើញវែង

សាកស្រមៃថាអ្នកកំពុងឈរលើស្បែកជើងកែងដ៏មានទំនុកចិត្ត។ ការឈរជើងឱ្យត្រង់ ឬឈានជំហានដូចពេលពាក់ស្បែកជើងកែង ធ្វើឱ្យរាងនារីមើលទៅឃើញពីភាពជឿជាក់និងទាក់ទាញជាងពេលឈរធម្មតា។

៣. អង្គុយរាងបញ្ឆិតបន្តិច ហើយលើកដៃជ្រោងសក់ ឬលើកដៃមួយចំហៀង

ពេលពាក់ប៊ីគីនី ដងខ្លួនអ្នកនឹងត្រូវបង្ហាញចេញស្ទើរតែគ្រប់កន្លែង។ ដូច្នេះការអង្គុយបែបបញ្ឆិតខ្លួនពីកាមេរ៉ាបន្តិច ហើយលើកដៃមួយចំហៀង វាធ្វើឱ្យមើលទៅឃើញរាងដ៏ល្វន់ល្វៃ និងសិចស៊ី។

៤. ងើបមុខឡើងបន្តិច

ជាមួយស្ទីលនេះ វានឹងធ្វើឱ្យអ្នកកាន់តែសិចស៊ី។ អង្គុយបែរមុខទៅថ្ងៃ ហើយងើបមុខឡើងបន្តិច ដើម្បីឱ្យពន្លឺជះមកចំមុខ ឃើញស្រមោលខ្លះៗផង អ្នកនឹងទទួលបានរូបដ៏ឥតខ្ចោះជាមិនខាន៕

ប្រភព៖ bestie ប្រែសម្រួល៖ សរ សុគន្ធី