រឿង “កលល្បិចក្នុងរាជវាំង” វគ្គ២ តួអាក្រក់ត្រូវបានគេស្រលាញ់ជាងតួឯកស្រីទៅទៀត

2018-06-09 03:30:13
ចំនួនមតិ 0 | ចំនួនចែករំលែក 0

គិតមកដល់ពេលនេះ គេសង្កេតឃើញថា តួព្រះនាង Tai Ping ត្រូវបានទស្សនិកជនភាគច្រើនចូលចិត្តជាងតួម្ចាស់ក្សត្រី Wong Zhen ទៅទៀត ទោះបីជាតួម្ចាស់ក្សត្រីទើបជាតួឯកស្រីនៃរឿងក៏ដោយ។

កំពូលខ្សែភាពយន្តភាគប្រចាំឆ្នាំហុងកុង “កលល្បិចក្នុងរាជវាំង” វគ្គ២ដើរបានជិតពាក់កណ្ដាលផ្លូវហើយ ពោលគឺចាក់ផ្សាយបានដល់ភាគទី១២។ នៅក្នុងភាគថ្មីបំផុតគឺជាហេតុការណ៍ដ៏គួរឲ្យចាប់អារម្មណ៍បំផុត ព្រោះព្រះនាង Tai Ping ត្រូវម្ចាស់ក្សត្រី Wong ប្រើល្បិចឲ្យព្រះមហាក្សត្របណ្ដេញខ្លួនចេញពីក្នុងវាំងយ៉ាងឈឺចាប់បំផុត។

ទោះបីជាក្នុងរឿងនេះ តួព្រះនាង Tai Ping សម្ដែងដោយតារាស្រីជួរមុខ Alice Chan គឺជាតួអាក្រក់ជាទីបំផុតក៏ដោយ ក៏តួមួយនេះត្រូវបានទស្សនិកជនស្រលាញ់ចូលចិត្តមិនតិចនាក់ទេ ត្បិតនាងអាក្រក់ដោយបើកចំហ មិនបានលាក់ពុតដូចតួម្ចាស់ក្សត្រី Wong ដែលសម្ដែងកំពូលតារាសម្ដែងស្រី Nancy Wu ឡើយ។

ជាមួយគ្នានេះដែរ ទោះបីជាត្រូវបណ្ដេញចេញពីរាជវាំងមែនពិត តែតារាសម្ដែង Alice Chan បានបង្ហោះនៅលើបណ្ដាញសង្គមរបស់ខ្លួនថា តួរបស់នាងមិនបានបញ្ចប់ងាយស្រួលដូចនេះទេ គឺនាងនឹងត្រលប់មកវិញសាជាថ្មី ហើយអាក្រក់ជាងមុនទៅទៀត ចាំតែមើលទៅ៕

ប្រភព៖ saostar ប្រែសម្រួល៖ Caramel