ឲ្យតែនៅមានទម្លាប់អាក្រក់ ៥ យ៉ាងនេះទៀត ដឹងតែមុខឆាប់ចាស់ដូចយាយអ៊ីចឹង!

2018-03-06 01:00:00
ចំនួនមតិ 0 | ចំនួនចែករំលែក 0

គ្មានមនុស្សស្រីណាចង់ឲ្យមុខខ្លួនឯងចាស់ជ្រីវជ្រួញទេ តែបើអ្នកមានទម្លាប់មិនល្អវាក៏មិនអាចប្រកែកបានដែរ។ ដូច្នេះអ្នកគួរមានទម្លាប់ល្អ ហើយបើមានទម្លាបដូចខាងក្រោមហើយ ភាពចាស់មុនអាយុនោះវានឹងរត់មករកអ្នកទោះបីមិនទាន់ដល់អាយុក៏ដោយ ៖

១. មិនសម្អាតការ makeup ចេញ

ស្រីៗគ្រប់គ្នាដឹងច្បាស់ហើយថា ពេលដែលមិនលាងសម្អាតមុខពីការ Make up មុខវានឹងទៅជាយ៉ាងណាហើយ។ ពេលដែលអ្នកប្រើប្រាស់គ្រឿងសម្អាង និងមិនលាងសម្អាតចេញនោះ គឺវាធ្វើឲ្យស្បែកមុខរបស់អ្នកខូច ព្រោះម្សៅនឹងទៅបិទរន្ធញើសដែលមិនអាចឲ្យស្បែកមុខបញ្ចេញជាតិពុល ហើយធ្វើឲ្យសារធាតុគីមីជ្រាបចូលស្បែកបានយ៉ាងងាយ។

រូបតំណាង

**២. របបអាហារ**

បើអ្នកចង់ឲ្យខ្លួនឯងមានភាពស្រស់ស្អាត និងក្មេងជាងវ័យអ្នកត្រូវយកចិត្តទុកដាក់លើអាហារដែលទទួលទានជាប្រចាំ។ ពេលជ្រើសរើសមិនត្រឹមត្រូវ នោះវាធ្វើឲ្យអ្នកចាស់ គ្មានភាពស្រស់ថ្លា ហើយធ្វើឲ្យរូបរាងមិនស្រស់ស្អាត។ អាហារដែលគួរញ៉ាំ គឺបន្លែ ផ្លែឈើ ជាជាងញ៉ាំ fast food ។

៣. ផឹកគ្រឿងស្រវឹង

ការទទួលទានជាតិអាល់កុល គឺវាទៅបំផ្លាញមិនឲ្យកោសិកាថ្មីលូតលាស់ បាត់បង់សំណើមដែលត្រូវទ្រទ្រង់ដល់ស្បែក និង បង្អាក់សារជាតិចិញ្ចឹមក្នុងស្បែក ឬរាងកាយ។

៤. មិនប្រើឡេការពារកម្ដៅថ្ងៃ

ទោះជាធម្មជាតិល្អយ៉ាងណាក៏ដោយក៏មិនអាចទប់ជាប់ពីការបំផ្លាញរបស់កម្ដៅថ្ងៃឡើយ ដូច្នេះអ្នកត្រូវរកឡេការពារកម្ដៅថ្ងៃមកជំនួយ បើមិនអីចឹងទេគឺស្បែកមុខអ្នកនឹងរងការខូចខាត។

៥. គេងមិនបានគ្រប់គ្រាន់

ជារឿងមួយដែលអ្នកត្រូវយកចិត្តទុកដាក់ បើអ្នកទម្លាប់គេងមិនគ្រប់គ្រាន់នោះគឺអ្នកមិនអាចចៀសផុតពីការចាស់មុនអាយុនោះទេ ហើយស្បែកអ្នកក៏មិនភ្លឺថ្លា និងស្រស់បស់នោះដែរ ដូច្នេះអ្នកគួរតែព្យាយាមគេងឲ្យបានត្រឹមត្រូវ។