ប្រុសៗ មើលមនុស្សស្រីយកជាគូអនាគតផ្តោតលើ៧ចំណុចនេះ

2018-02-02 04:50:37
ចំនួនមតិ 0 | ចំនួនចែករំលែក 0

ទទួលស្គាល់ថា មនុស្សស្រីម្នាក់ៗភាពទាក់ទាញខុសៗគ្នា! ទំាងសម្រស់ សម្បុរស្បែកសំឡេងចចារ ភាពទាក់ទាញក្នុងអាកប្បកិរិយារបស់នាង។ប៉ុន្តែធ្លាប់ឮពាក្យមួយអត់? សម្រស់ធ្វើឱ្យចាប់អារម្មណ៍ភ្លាម តែចំណុចពិសេសៗធ្វើឱ្យប្រុសៗទៅវិញដេកគិត ចង់បានគាត់មកជាគូអនាគតគឺលើចំណុច៧យ៉ាងនេះទៅវិញទេ។

១-មានទំនុកចិត្ត

មនុស្សប្រុសស្ទើរតែទាំងអស់ចូលចិត្ត ចង់ដឹង ចង់និយាយរក ចង់មើល ចង់ទាក់ទងជាមួយនារីណាដែលមានទំនុកចិត្ត។ អូកុំយល់ខុសណា! កុំយល់ខុសថាទំនុកចិត្តកើតឡើងពីចរិតឆ្មើងកន្ទ្រើងណា៎! ដែលឮពាក្យថាទំនុកចិត្តតែងឱ្យយើងក្លាយជាមនុស្សគួរឱ្យស្រលាញ់ដែរអត់?

អាថ៌កំបាំងនៃការធ្វើឱ្យមានទំនុកចិត្តគឺ មនុស្សស្រីមានទំនុកចិត្តជាប្រភេទមនុស្សមិនចេះច្រណែនអ្នកណាងាយៗ។ គាត់តែងមានមិត្ត គាត់តែងជួយគេ គាត់ចេះអត់ឱន ចេះយោគយល់ ចេះចែករំលែក គាត់មិនខ្លាចអ្នកណាឡូយជាង ហើយពិសេសមួយទៀត គាត់ទុកចិត្តខ្លួនឯង អ៊ីចឹងហើយ គាត់មានរឿងអីដែលទៅតុបតែងមុខឡើងដូចហ៊ី អស់ក្រែមម្សៅសន្ធឹកសន្ធាប់នោះ?

២-សម្តីគួរឱ្យស្រលាញ់

ការនិយាយសំខាន់ណាស់ អាចឱ្យមនុស្សប្រុសដឹងពីសន្តានរបស់យើងបាន។ ប្រុសៗគេមិនល្ងង់ទេ។ គេឈ្លក់សម្តីទន់ៗ ផ្អែមៗ តែគេដឹងថា សម្តីណាមួយពិត ណាមួយបោកប៉ុន្តែប្រុសៗពូកែណាស់អារុញទុកបណ្តោយទឹកធ្វើមិនដឹង គ្រាន់តែគេមិនចង់បានយើងមកជាភរិយាទេ។

៣-សម្ភារៈក្រៅខ្លួន

ពិតណាស់មនុស្សប្រុសចូលចិត្តចំណាយលុយទៅលើមនុស្សដែលគេស្រលាញ់ តែសូមចាំពាក្យមួយឃ្លាថា មនុស្សប្រុសនឹងឱ្យអ្វីគ្រប់យ៉ាងទៅកាន់នារីណាម្នាក់ដែលគេជឿថា នាងស្រលាញ់គេដោយបេះដូង ស្រលាញ់គេជាគេ មិនមែនស្រលាញ់លុយរបស់គេ។

៤-ចិត្តទូលាយ

គេមិនមែនឱ្យយើងបើកចិត្តឱ្យគេនាំស្រីឡើងផ្ទះទេ ប៉ុន្តែគេចាត់ទុកយើងជាមនុស្សស្រីចិត្តទូលាយអ្នកណាៗក៏ដណ្តើមគ្នាចង់បាន នោះគឺ ទី១ មិនជជីកឫសគល់អតីតកាលរបស់គេ ទី២មិននិយាយដដែលៗរឿងសង្សារចាស់ ឬអ្នកដែលធ្លាប់លួចស្រលាញ់គេ ទី៣មិនងាយប្រចណ្ឌផ្តេសផ្តាស មិនងាយខឹងគ្នារឿងអត់ប្រយោជន៍ ទី៤ ឃើញអ្វីគិតឱ្យច្បាស់មុនពេលវិនិច្ឆ័យ

៥-មានចំណេះ

អ្នកណាមិនចង់បានប្រពន្ធជាអ្នកចេះដឹងទៅអប់រំកូនៗរបស់គេនោះ?

អ្នកណាមិនចង់បានប្រពន្ធដែលចូលទៅក្នុងសង្គមលើកមុខមាត់ប្តី?

អ្នកណាមិនចង់បានប្រពន្ធជាទីប្រឹក្សាជ្រោមជ្រែងប្តី?

អ៊ីចឹងត្រូវចាំ ចំណេះជាអាវុធ កាប់ឆ្ការសុភមង្គលគ្រួសារ ភាពល្ងឹតល្ងង់ នាំមកនូវមានះ ហើយភាពមានះនាំមកនូវជម្លោះ ទីណាមានជម្លោះ ទីនោះគ្មានទេសុភមង្គល។

៦-ការតុបតែង

កុំគិតថា មនុស្សប្រុសមិនចាប់អារម្មណ៍រឿងល្អិតថា កាលជួបដំបូងពាក់អាវពណ៌អី? ហើយស្បែកជើងអី សក់បែបម៉េច? គេអាចថាមិនចាប់អារម្មណ៍អ្នកផ្សេង តែយើងជាមនុស្សដែលគេស្រលាញ់ យើងត្រូវតែមានលក្ខណៈពិសេស បង្កនូវភាពទាក់ទាញ តាមរយៈការស្លៀកពាក់ក្នុងស្ទីលរបស់យើង។ ចាំណា៎ មិនចាំបាច់សិចស៊ី មិនចាំបាច់ដូចអ្នកបង្ហាញម៉ូដ តែត្រូវវិវត្តន៍ទៅតាមសម័យកាល និងស្លៀកពាក់ទៅតាមកាលៈទេសៈ។

៧-ឱ្យតម្លៃគេ

មនុស្សប្រុសគ្រប់គ្នាតែងចង់ឱ្យមនុស្សស្រីដែលខ្លួនស្រលាញ់ឱ្យតម្លៃយល់ចិត្តទុកកិត្តិយសឱ្យខ្លួន។

ប៉ុណ្ណឹងទេតើ ធ្វើបានអត់ប៉ុណ្ណឹង????

ស្តាប់ លោក Meng Bunlo និយាយរឿងនេះ នៅលើកម្មវិធី Soyo ដោយឥតគិតថ្លៃ!

➡ទាញយកម្មវិធី Soyo ឥឡូវនេះដើម្បីទស្សនារឿងថ្មីៗជាច្រើនឥតគិតថ្លៃនៅលើ Soyo រហូតដល់ថ្ងៃទី២៨ ខែកុម្ភៈ ឆ្នាំ២០១៨។

ទាញយកកម្មវិធី Soyo ដោយឥតគិតថ្លៃឥឡូវនេះតាមរយៈ៖

App Store: https://goo.gl/Fzx11s

Play Store: https://goo.gl/fgJbtB

អត្ថបទ៖ សរ សុគន្ធី