Jonghyun រស់នៅជាមួយយុវភាពដ៏ឯកា គ្មានមនោសញ្ចេតនា និងភាពកក់ក្ដៅពីឪពុក
- 2017-12-22 02:41:04
- ចំនួនមតិ 0 | ចំនួនចែករំលែក 0
Jonghyun រស់នៅជាមួយយុវភាពដ៏ឯកា គ្មានមនោសញ្ចេតនា និងភាពកក់ក្ដៅពីឪពុក
តារាចម្រៀងកូរ៉េអភ័ព្វ ទើបតែសម្លាប់ខ្លូន Jonghyun រស់នៅដោយខ្វះឪពុកតាំងពីតូច និងសម្បីតែម្ដងក៏មិនដែលចែករំលែកពីឪពុករបស់ខ្លួន។ លោកបានបោះបង់ចោលរាល់រូបភាពពីកុមារភាពរបស់ខ្លួន ហើយមិនចង់និយាយពីស្លាកស្នាមនេះឡើងវិញ។
គ្រប់ Shawol (ឈ្មោះអ្នកគាំទ្រក្រុមចម្រៀង Shinee) ទាំងអស់សុទ្ធតែដឹងថា តារាចម្រៀងសំឡេងឯក Jonghyun កម្រនិយាយពីឪពុករបស់ខ្លួនខ្លាំងណាស់។ ខណៈអ្នកគាំទ្ររបស់តារាដទៃ សុទ្ធតែដឹងពីព័ត៌មានគ្រួសាររបស់អាយដលនោះ គេមិនដែលដឹងអ្វីពីឪពុករបស់ Jonghyun ទាំងអស់។
ពេលរំលឹកដល់រឿងឯកជន តារាវ័យ២៧ឆ្នាំតែងរក្សាភាពស្ងៀមស្ងាត់ និងរៀបរាប់ពីពុករបស់ខ្លួនថា ជាបុរសម្នាក់ដែលតឹងរ៉ឹង។ ខណៈបងស្រី និងម្ដាយតែងបង្ហាញខ្លួននៅក្នុងកម្មវិធីរបស់ Shinee នោះ គេមិនដែលឃើញរូបរាងឪពុករបស់លោកឡើយ។
ខ្ញុំបោះបង់រូបថតកាលពីតូចចោលទាំងអស់
អ្នកគាំទ្រចាប់ផ្ដើមដឹងពីកុមារភាពមិនកក់ក្ដៅរបស់ Jonghyun នៅពេលលោកចូលរួមក្នុងកម្មវិធី 4 Things Show ក្នុងឆ្នាំ២០១៥។ និយាយពីកុមារភាព អតីតសមាជិក Shinee ស្រក់ទឹកភ្នែក៖ "កុំបង្ខំឲ្យខ្ញុំនិយាយពីកុមារភាពទៀត ខ្ញុំគ្មានអនុស្សាវរីយ៍អ្វីទាំងអស់"។
“ខ្ញុំមិនចាំពីអ្វីទាំងអស់ ហើយក៏មិនចង់គិតពីវាដែរ។ ម្ដាយខ្ញុំបានលាក់គ្រប់រូបថតកាលពីតូចរបស់ខ្ញុំ ព្រោះគាត់ដឹងថា បើសិនជាទុក ក៏ខ្ញុំនឹងបោះចោលដែរ"។
ឪពុកប្រឆាំងនឹងកូនចាប់អាជីពអ្នកចម្រៀង ប្រាប់ថាកូនគ្មានទេពកោសល្យ
នៅយុវភាពរបស់ Jonghyun គឺគ្មានស្រមោលរបស់ប៉ារបស់លោកឡើយ។ អ្នកជិតស្និទ្ធនឹងតារាចម្រៀងរូបនេះបានបង្ហើបថា ប៉ាលោកមិនបានគាំទ្រលោកដើរតាមគន្លងតារានេះទេ ដោយគិតថាលោកគ្មានសមត្ថភាពគ្របគ្រាន់។ រឿងនេះបានធ្វើឲ្យតារាកើតឆ្នាំ១៩៩០ពិបាកចិត្តជាខ្លាំងព្រោះចម្រៀងគឺជាអ្វីគ្រប់យ៉ាងសម្រាប់លោក។ ដោយសារតែគ្មានឪពុក ម្ដាយរបស់លោកត្រូវរែកអម្រែកគ្រួសារទាំងមូលដើម្បីចិញ្ចឹម២នាក់បងប្អូនលោក។
ដោយសារតែធ្លាប់ឆ្លងកាត់គ្រាក្រលំបាក ទើបម្ចាស់បទ "Ring Ding Dong” មានការយល់ចិត្ត និងអធ្យាស្រ័យចំពោះអ្នកទ័លក្រខ្លាំងណាស់។ គេនៅចាំយ៉ាងច្បាស់ថា កាលនៅធ្វើជាពិធីករវិទ្យុ នៅពេលមានប្រិយមិត្តទូរសព្ទចូលក្នុងកម្មវិធីហើយចែករំលែកថាខ្លួនកំពុងរស់នៅដោយលុយឧបត្ថម្ភរបស់រដ្ឋនោះ តារាសំឡេងឯកនេះបានចែករំលែកថា ខ្លួនធ្លាប់ស្ថិតក្នុងស្ថានភាពបែបនេះ៤ឆ្នាំ ដូចនេះសូមប្រិយមិត្តរូបនេះត្រូវតស៊ូតទៅមុខទៀត ហើយជឿជាក់ថាលោកនឹងឆ្លងផុតរឿងនេះបាន។ យ៉ាងណាក្ដី គេមិននឹកស្មានថា មនុស្សដែលធ្លាប់តែលើកទឹកចិត្តគេនោះ បែរជាអ្នកចាកចេញរហូតទៅ កាលពីថ្ងៃទី១៨ ខែធ្នូឆ្នាំ២០១៧ទៅវិញ៕
ចុចអាន៖សំបុត្រចុងក្រោយរបស់ Jonghyun ពន្យល់ពីហេតុផលធ្វើឲ្យគេជ្រើសរើសផ្លូវស្លាប់