សំបុត្រចុងក្រោយរបស់ Jonghyun ពន្យល់ពីហេតុផលធ្វើឲ្យគេជ្រើសរើសផ្លូវស្លាប់

2017-12-19 04:00:12
ចំនួនមតិ 0 | ចំនួនចែករំលែក 0

តាមរយៈសារនេះ Cloud’s 9 ដែលជាមិត្តភក្តិជិតស្និទ្ធិរបស់Jonghyun បានបញ្ចេញសំបុត្រជាផ្លូវការមួយច្បាប់ដែលជាសារចុងក្រោយពី Jonghyun ។ ដំបូងវាត្រូវបានគេបង្ហោះជាភាសាកូរ៉េ។ បន្ទាប់មកវិបសាយ Koreaboo បានបកប្រែវាឱ្យបានត្រឹមត្រូវទៅតាមដែលអាចធ្វើទៅបានដើម្បីរក្សារចនាបថដើមនៃការសរសេររបស់ Jonghyun ។

លិខិតចុងក្រោយរបស់ Jonghyun បានបកប្រែ៖

«ការឈឺចាប់ខ្ញុំគឺចេញពីខាងក្នុង។

ការធ្លាក់ទឹកចិត្តដែលយឺតៗ តែនៅទីបំផុតវាបានលេចត្របាក់ខ្ញុំទាំងមូល។

ខ្ញុំមិនអាចយកឈ្នះវាបានទេ។

ខ្ញុំពិតជាស្អប់ខ្លួនឯងណាស់។ ខ្ញុំបានចាប់យកអានុស្សាវរីយ៍ដ៏ជូរចត់ និងស្រែកដាក់ពួកវាដើម្បីទាញពួកវាឲ្យនៅជាមួយគ្នា តែវាគ្មានចម្លើយនោះទេ។

បើសិនជាខ្ញុំមិនអាចជួយខ្លួនឯងឲ្យដកដង្ហើមបានស្រួលនោះទេ វាជាការប្រសើរបើសិនជាដង្ហើមខ្ញុំឈប់ដកតែម្ដង។

ខ្ញុំសួរខ្លួនឯងថាតើនរណាជាអ្នកទទួលខុសត្រូវចំពោះខ្ញុំ។

តែមានតែខ្ញុំម្នាក់ឯងប៉ុណ្ណោះ!

ខ្ញុំនៅម្នាក់ឯង។

វាងាយស្រួលនិយាយអំពីទីបញ្ចប់សម្រាប់ខ្ញុំ។

វាពិតជាលំបាកណាស់ក្នុងការបញ្ចប់ទាំងបែបនេះ។

ខ្ញុំរស់នៅរហូតមកដល់ពេលនេះទាំងការលំបាកបំផុត។

ខ្ញុំបានប្រាប់ខ្លួនឯងថាខ្ញុំចង់រត់។

បាទខ្ញុំចង់រត់។

ពីខ្លួនខ្ញុំ

ពីអ្នក

ខ្ញុំបានសួរថាតើនរណានៅទីនោះ។ វាជាខ្ញុំ។ វាជាខ្ញុំម្តងទៀត។ ហើយវាជាខ្ញុំម្តងទៀត។

ខ្ញុំសួរខ្លួនឯងថា ហេតុអីខ្ញុំត្រូវរក្សាការបាត់បង់ការចងចាំរបស់ខ្ញុំ។ វាគឺព្រោះបុគ្គលិកលក្ខណៈរបស់ខ្ញុំ។ ខ្ញុំយល់ វាគឺជាកំហុសរបស់ខ្ញុំទាំងអស់នៅក្នុងការបញ្ចប់នេះ។ ខ្ញុំចង់ឲ្យគ្រប់គ្នាខ្វល់ពីខ្ញុំ តែគ្មាននរណាម្នាក់ឡើយ។ ពួកគេមិនដែលសូម្បីតែជួបខ្ញុំ ដូច្នេះពួកគេប្រហែលមិនបានដឹងតែថាពេលនេះខ្ញុំនៅមានជីវិតទេ។

ខ្ញុំសួរថា ហេតុអីពួកគេរស់នៅ។ ពួកគេរស់នៅ គឺដើម្បីរស់។

ហើយបើសិនជាសួរខ្ញុំថា ហេតុអីខ្ញុំស្លាប់? ខ្ញុំនឹងឆ្លើយថា ខ្ញុំពិតជាហត់ខ្លាំងណាស់។

ខ្ញុំឈឺចាប់ ហើយខ្ញុំបានពិចារណាយ៉ាងច្បាស់ ប៉ុន្តែខ្ញុំមិនអាចបង្វែរការឈឺចាប់ទាំងនោះមកជាសេចក្តីសុខវិញបានឡើយ។

ការឈឺចាប់វានៅតែជាការឈឺចាប់!

ពួកគេបានស្តីបន្ទោសខ្ញុំមិនឱ្យធ្វើដូច្នេះ។

ហេតុអ្វី? ហេតុអ្វីបានជាខ្ញុំមិនអាចធ្វើអ្វីៗតាមរបៀបដែលខ្ញុំចង់បាន?

ពួកគេបានប្រាប់ខ្ញុំឱ្យរកមូលហេតុដែលធ្វើខ្ញុំឈឺចាប់។

ខ្ញុំដឹងយ៉ាងច្បាស់។ ខ្ញុំឈឺចាប់ដោយសារតែខ្ញុំ។ វាជាកំហុសរបស់ខ្ញុំហើយទាំងអស់ព្រោះខ្ញុំខ្វះខាត។

វេជ្ជបណ្ឌិត, នេះគឺជាអ្វីដែលអ្នកចង់ឮ?

ទេខ្ញុំមិនបានធ្វើអ្វីខុសនោះទេ។

នៅពេលសម្លេងដ៏សុភាពមួយរិះគន់បុគ្គលិកលក្ខណៈរបស់ខ្ញុំ ខ្ញុំគិតថា "ជាគ្រូពេទ្យគឺងាយស្រួលណាស់" ។

វាពិតជាឈឺចាប់ ហើយចម្លែកខ្លាំងណាស់ អ្នកដែលមានបញ្ហាអាក្រក់ជាងខ្ញុំ គេរស់នៅល្អជាងខ្ញុំ អ្នកដែលខ្សោយជាងខ្ញុំនៅតែបន្តរស់នៅយ៉ាងល្អ។ ប្រហែលជាមិនពិតទេ។ គ្មាននរណាម្នាក់ដែលនៅរស់រានមានជីវិតអាក្រក់ជាងខ្ញុំ ឬខ្សោយជាងខ្ញុំឡើយ។

ប៉ុន្តែតើខ្ញុំគួររស់នៅរបៀបណា

ខ្ញុំព្យាយាមសួរខ្លួនឯងរាប់រយដងថា ខ្ញុំរស់នៅមិនមែនដើម្បីខ្លួនឯងទេ តែដើម្បីគេ។

សូមកុំនិយាយបើអ្នកមិនយល់។

ស្វែងយល់ថាហេតុអ្វីបានជាខ្ញុំឈឺចាប់? ខ្ញុំបានប្រាប់អ្នកថាហេតុអ្វីរួចហើយ។ តើធ្វើឱ្យខ្ញុំឈឺចាប់ខ្លាំងពេកដោយសារតែរឿងនេះ តើខ្ញុំត្រូវមានហេតុផលដ៏អស្ចារ្យជាងនេះទេ? មូលហេតុជាក់លាក់បន្ថែមទៀត?

ខ្ញុំបានប្រាប់អ្នករួចទៅហើយ។ តើអ្នកមានស្តាប់ខ្ញុំទេ? អ្វីដែលអ្នកអាចយកឈ្នះមិនបានធ្វើឱ្យអ្នកអស់កម្លាំងអស់មួយជីវិត។

ការប៉ះទង្គិចជាមួយពិភពលោកមិនដែលមានន័យសម្រាប់ខ្ញុំទេ។

ជីវិតនៃកិត្តិនាមដ៏ល្បីល្បាញមិនដែលមានន័យសម្រាប់ខ្ញុំទេ។

នោះហើយជាមូលហេតុដែលវាធ្វើឲ្យខ្ញុំឈឺខ្លាំង។ ពីព្រោះខ្ញុំល្បីល្បាញ។ ហេតុអ្វីបានជាខ្ញុំជ្រើសរើសរឿងនេះ។ វាគួរឱ្យអស់សំណើចណាស់។

វាជារឿងដ៏រអស្ចារ្យមួយដែលខ្ញុំបានបន្តមកជាយូរបែបនេះ។

អ្វីដែលខ្ញុំអាចនិយាយបាន។ គ្រាន់តែប្រាប់ខ្ញុំថាខ្ញុំបានធ្វើបានយ៉ាងល្អ។ ថានេះគឺល្អគ្រប់គ្រាន់ហើយ។ ថាខ្ញុំបានខំប្រឹងធ្វើការរួចហើយ។ ទោះបីអ្នកមិនអាចញញឹម តែកុំធ្វើបាបខ្ញុំតាមផ្លូវរបស់ខ្ញុំ។ អ្នកធ្វើបានល្អ អ្នកបានប្រឹងប្រែធ្វើការយ៉ាងអស្ចារ្យ។ លាហើយ។»- Jonghyun ក្រុម SHINee

ប្រភព៖ Koreaboo ប្រែសម្រួល៖ ផេង ផលធិតា