បើបុរសៗពូកែលាក់អារម្មណ៍ ធ្វើម៉េចទើបដឹងថាគេលួចស្រឡាញ់យើងទៅ?

2017-03-23 03:00:05
ចំនួនមតិ 0 | ចំនួនចែករំលែក 0

ចំណុចមួយដែលយើងគួរដឹង គឺថាមិនមែនបុរសទាំងអស់សុទ្ធតែហ៊ានប្រាប់ត្រង់ៗថាស្រឡាញ់យើងទេ។ តែទោះខំលាក់បាំងយ៉ាងណាយើងនៅតែអាចសង្កេតបានតាមវិធីខាងក្រោមនេះ៖

១. តែងចងចាំរឿងរបស់យើង៖ អ្វីដែលយើងប្រាប់គេ មិនថាតិចឬច្រើន គេចងចាំជានិច្ច។ បើយើងមិនមែនពិសេសក្នុងកែវភ្នែកគេ គេក៏មិនស្ដាប់ហើយចាំគ្រប់រឿងដែរ។

២. មិននិយាយច្រើនតែពេលយើងចង់បានអីគេតែងរកឲ្យទាល់តែបាន៖ មិនមែនសំដៅលើរបស់មានតម្លៃអីទេតែអាចជាភេសជ្ជៈ ឬកាហ្វេដែលយើងចូលចិត្ត។

៣. ស្រីផ្សេង?៖ ធ្លាប់ឮគាត់និយាយពីស្រីផ្សេងដែរទេ? អត់ទេ? ព្រោះតែគាត់មិនចង់ឲ្យយើងគិតថាគាត់មានស្រីផ្សេងនោះឯង។

៤. ចាប់បានពេលគាត់លួចមើលយើង៖ នោះព្រោះតែគាត់មិនអាចទប់អារម្មណ៍បានតែក៏ត្រូវបង្ខំចិត្តធ្វើធម្មតាពេលយើងចាប់បាន។ នេះជាតម្រុយសំខាន់បំផុត។

៥. មានពេលខ្លះផ្អែមល្ហែម ហើយពេលខ្លះធម្មតា៖ មានសម្គាល់ទេថាគាត់ដូចជា រ៉ូមែនទីក ប្លែក ហើយក៏ផ្លាស់ប្ដូរភ្លាមៗ។ ហេតុផលសំខាន់គឺគាត់មិនចង់បង្ហាញអារម្មណ៍គាត់ឲ្យយើងដឹង។ អាចថាគេភ្លេចខ្លួនមួយពេលៗប៉ុណ្ណោះ។

៦. តែងសម្គាល់ពេលយើងផ្លាស់ប្ដូរអ្វីមួយ៖ ដូចជាពេលកាត់សក់ ឬស្លៀកពាក់ខុសពីមុនជាដើម។ ច្បាស់ណាស់ថាទាល់តែគាត់ចាប់អារម្មណ៍យើងយូរគួរសមហើយទើបអាចដឹងថាយើងផ្លាស់ប្ដូរអ្វី។

៧. ឲ្យយើងសម្រេច៖ គេមិនរើសច្រើននោះទេ ដរាបណាយើងពេញចិត្តទៅដើរលេងកន្លែងណាគេក៏រីករាយទៅជាមួយ។

៨. តែងគាំទ្រគោលដៅយើងជានិច្ច៖ មិនថាចង់ធ្វើអ្វី ចង់បានធ្វី គេគាំទ្រយើង ១០០% មិនដែលថាទេ ឬនិយាយបង្អាក់យើងទេហើយថែមទាំងជួយជំរុញទៀតផង។

ទាំងនេះហើយជាសញ្ញាដែលគេលួចស្រឡាញ់យើងតែព្យាយាមលាក់អារម្មណ៍។ វាអាចមានមូលហេតុច្រើននៅពីក្រោយនោះ។ ពេលខ្លះអាចមកពីគាត់អៀន ឬ គិតថាមិនអាចទៅរួចជាដើម។ បើយើងក៏ចាប់អារម្មណ៍គេដែលនោះ អាចចាត់ចែងតាមការគួរបាន៕

ប្រភព៖ Lovepanky ប្រែសម្រួល៖ Chhai Yarith