Jackson Yi ក្លាយជាអធិរាជភាពយន្តនៅអាយុ ២១ឆ្នាំ

2022-02-11 02:27:00
ចំនួនមតិ 0 | ចំនួនចែករំលែក 0

ជាមួយនឹងការមានវត្តមាននៅក្នុងកំពូលខ្សែភាពយន្ត២ខ្សែ តារាសម្ដែង និងចម្រៀងលំដាប់ A ចិនបានក្លាយជាអធិរាជភាពយន្តរដូវកាលចូលឆ្នាំចិននេះ។

កាលពីថ្ងៃទី ៨ ខែកុម្ភៈមុននេះ បណ្ដាញព័ត៌មាន Sohu បានរាយការណ៍ថា ទិន្នន័យរបស់ Professional Edition បានបង្ហាញឲ្យឃើញថា ចំណូលពីការលក់សំបុត្រភាពយន្តសរុបនៅរដូវចូលឆ្នាំចិននេះ គឺ៩៤៧លានដុល្លារ ដោយរឿង The Battle at Lake Changjin ម្នាក់ឯងទទួលបានចំណូល ៤១០លានដុល្លារ។

ប្រភពដដែលបានឲ្យដឹងថា ការដែល តារាសម្ដែង និងចម្រៀងប្រុសវ័យក្មេង Jackson Yi មានវត្តមានក្នុងខ្សែភាពយន្តខាងលើបានធ្វើឲ្យលោកក្លាយជាអធិរាជភាពយន្តទាំងនៅវ័យក្មេងបំផុតគឺមានអាយុទើបតែ ២១ឆ្នាំ។ បូកសរុបចំណូលទាំងអស់ពីការលក់សំបុត្ររឿងនានារបស់ប្រុសស្អាតកើតឆ្នាំ ២០០០ គឺបានឡើងដល់ ១៥០០ពាន់លានដុល្លារ គឺវ៉ាមុខតារាជើងចាស់ជាច្រើនដូចជា ឈិន ឡុង និងលី លានជា ជាដើម។ លោកគឺជាតារាទី១ដូចគ្នាដែលកើតក្រោយឆ្នាំ២០០០ ហើយទទួលបានលទ្ធផលបែបនេះ។

Jackson Yi មានប្រភពជាអ្នកចម្រៀងក្នុងក្រុមចម្រៀង TFBOYS តែក្រោយមកក៏ចាប់អាជីពជាតារាសម្ដែងវិញ៕