៣ វិធីក្នុងការដោះស្រាយពេលអ្នកពុលអាហារ

  • 2021-04-09 12:00:00
  • ចំនួនមតិ 0 | ចំនួនចែករំលែក 0

ការពុលអាហារគឺជាជំងឺដែលបណ្តាលមកពីការបរិភោគអាហារដែលមិនមានការលាងសម្អាត ឬចម្អិនឲ្យបានល្អ អាហារដែលមានផ្ទុកវីរុស និងអាចបណ្ដាលមកពីការប្រតិកម្មរវាងប្រភេទអាហារទាំងនោះជាមួយនឹងសរីរាង្គកាយរបស់អ្នក។ ហើយវាក៏មិនមែនជារឿងលេងសើចដែរ អ្នកខ្លះអាចបានធូរស្រាលបន្ទាប់ពីរយៈពេលខ្លីដោយមិនមានការព្យាបាល តែចំពោះអ្នកខ្លះទៀតអាចបណ្ដាលឲ្យឈឺខ្លាំង និងអាចបណ្ដាលឲ្យមានគ្រោះថ្នាក់ប្រសិនបើអ្នកមិនរិះរកវិធីដោះស្រាយ ឬក៏ទៅជួបគ្រូពេទ្យនោះ។

រោគសញ្ញានៃការពុលអាហារជាទូទៅចាប់ផ្តើមក្នុងថ្ងៃតែមួយបន្ទាប់ពីរបីម៉ោងក្រោយមកប្រសិនបើអ្នកមានសុខភាពមិនល្អ ហើយខ្លះទៀតនឹងកើតឡើងនៅថ្ងៃបន្ទាប់ក្រោយពីបរិភោគអាហារដែលមានជាតិកខ្វក់ ឬវីរុសនៅក្នុងអាហារនោះ។ ហើយរោគសញ្ញាសំខាន់ៗមានដូចជា អារម្មណ៍ចង់ក្អួតចង្អោរ (ឬក្អួត) រាករូសដែលអាចមានឈាម រមួលក្រពើឈឺពោះ និងឡើងកម្ដៅខ្លាំងជាដើម។

អ្នកគួរធ្វើរឿងទាំង ៣ ប្រភេទនេះនៅផ្ទះដើម្បីព្យាបាលដោយខ្លួនឯងមុននឹងទៅជួបគ្រូពេទ្យ៖

  • អ្នកគួរតែសម្រាក ព្យាយាមផឹកទឹកឲ្យបានច្រើនទោះបីជាអ្នកមិនស្រេកក៏ដោយ ដើម្បីការពារការខ្វះជាតិទឹកដែលបណ្ដាលមកពីការ រាករូសនឹងក្អួតចង្អោររហូតដល់អ្នកមានអារម្មណ៍ធូរស្រាល។
  • ញ៉ាំប្រភេទអាហារដែលអាចបំពេញនឹងលាងសម្អាតក្រពះរបស់អ្នកបានដូចជា បាយ ផ្លែចេក ផ្លែល្ហុងទំ និងប្រភេទអាហារសាបៗមួយចំនួនទៀត ហើយញ៉ាំបន្តិចបន្ដួចបានហើយរហូតដល់អ្នកមានអារម្មណ៍ធូរស្រាលចាំញ៉ាំបន្តិចទៀត។
  • គួរមានប្រភេទម្សៅថ្នាំដែលផ្ដល់ជាតិទឹកនឹងកម្លាំង Oral Rehydration Solutions (ORS) ដែលត្រូវបានណែនាំសម្រាប់អ្នកដែលងាយរងគ្រោះនឹងបញ្ហាពុលអាហារ និងអ្នកដែលមានស្ថានភាពសុខភាពមិនសូវល្អ។

ប្រសិនបើអ្នកព្យាយាមសាកវីធីទាំងប៉ុន្មានខាងលើហើយនៅតែមិនបានធូរស្រាលនោះ តែនៅមានអាការរាករូសក្អួតចង្អោរក្នុងរយៈពេលពីរបីថ្ងៃនោះ អ្នកគួរតែទៅជួបគ្រូពេទ្យភ្លាមៗដើម្បីការការពារ និងទទួលបានការព្យាបាលឲ្យបានជាសះស្បើយ៕

ប្រភពរូបភាព៖ Freepik

ចុចអានបន្ត៖

ប្រភព៖ NHS inform ប្រែ​សម្រួល៖ Chrel Den

អត្ថបទពេញនិយម