របៀបហាត់ប្រាណយកគូទមូលធំត្រឹមតែ ៣ សប្តាហ៍តែប៉ុណ្ណោះ

2021-03-10 09:00:00
ចំនួនមតិ 0 | ចំនួនចែករំលែក 0

នៅពេលដែលអ្នកចេះស្រឡាញ់រូបរាងកាយរបស់ខ្លួនឯងវាជារឿងមួយដែលធ្វើឲ្យអ្នកមានភាពជឿជាក់ និងទំនុកចិត្តខ្ពស់រាល់ពេលអ្នកទៅណាមកណា។ ប៉ុន្តែមានមនុស្សជាច្រើនណាស់ដែលកំពុងតែមានបញ្ហាទៅលើរឿងរូបរាងកាយរបស់គេ ធាត់ឬស្គមជ្រុល គ្មានសាច់ដុំ គ្មានដើមទ្រូងគូទធំ ឬក៏កម្ពស់មិនខ្ពស់ដូចជាគេ វាបានជៈឥទ្ធិពលយ៉ាងខ្លាំងដែលបណ្តាលឲ្យអ្នកស្អប់ខ្លួនឯង។ យ៉ាងណាមិញចំពោះស្ត្រី ការមានរូបរាងស្តើងខ្ពស់ស្រឡូន មានដើមទ្រូងនឹងគូទទយគឺជារឿងចាំបាច់ ពីព្រោះវាជាផ្នែកដែលទាក់ទាញបុរសៗខ្លាំងណាស់។

ជាទូទៅអ្នកដែលកំពុងតែហាត់ប្រាណមិនថាបុរសឬស្ត្រីឡើយ ពួកគេតែងតែចង់បានវា ពីព្រោះវាជាផ្នែកដែលទាក់ទាញ និងធ្វើឲ្យអ្នកមើលទៅស្រស់ស្អាតជានិច្ចគ្រប់សម្លៀកបំពាក់ដែលអ្នកបានស្លៀក។ ភាគច្រើននោះគឺការហាត់អង្គុយងើមៗ ដើម្បីទទួលបានគូទមូលក្រឡំធំស្អាត។ វាមិនត្រឹមតែជួយបង្កើនសាច់ដុំគូទតែប៉ុណ្ណោះទេ តែវាក៏ជួយឲ្យអ្នកមានកម្លាំងរឹងមាំផ្នែកខាងក្រាម និងសាច់ដុំតឹងណែនល្អផងដែរ។

ដូចច្នេះមកសាកក្បួនហាត់ប្រាណ ៣ សប្តាហ៍នេះដើម្បីទទួលបានរាងនឹងគូទដ៏ស្រស់ស្អាត៖

សប្តាហ៍ទី ១៖

អង្គុយងើបៗចំនួន ១៥ ដង
ការងើបដើរមួយជំហាននឹងថយក្រោយចំនួន ២៤ ដងសម្រាប់ជើងទាំងសងខាង
ការអង្គុយងើបៗដោយជើងមួយជំហៀងនៅលើកៅអី ឬអ្វីខ្ពស់បន្តិចចំនួន ២៤ ដងសម្រាប់ជើងទាំងសងខាង -ការលោតឈរៗមួយកន្លែងចំនួន ១០ ដង

ធ្វើការសំរាកប្រហែលជាមួយនាទី ហើយធ្វើពួកវាសារឡើងវិញឲ្យគ្រប់ចំនួន ៣ ដងក្នុងមួយថ្ងៃ។

សប្តាហ៍ទី ២៖

អង្គុយងើបៗចំនួន ២០ ដង
ការឈរលើកដុំដែកឱនងើបៗចំនួន ១២ ដង
ការងើបដើរមួយជំហាននឹងថយក្រោយចំនួន ២៤ ដងសម្រាប់ជើងទាំងសងខាង
ការលោតឈរៗមួយកន្លែងចំនួន ១០ ដង
ការឱនក្រាបជង្គង់នឹងដៃទាំងពីរនៅលើកម្រាលហើយលើកជើងទាត់ថយក្រោយទៅលើចំនួន ៥០ ដងសម្រាប់ជើងទាំងសងខាង

សប្តាហ៍ទី ៣៖

អង្គុយងើបៗចំនួន ២៥ ដង
ការងើបដើរមួយជំហាននឹងថយក្រោយចំនួន ២៥ ដងសម្រាប់ជើងទាំងសងខាង
ការអង្គុយងើបៗដោយជើងមួយជំហៀងនៅលើកៅអី ឬអ្វីខ្ពស់បន្តិចចំនួន ២៤ ដងសម្រាប់ជើងទាំងសងខាង
ការឱនក្រាបជង្គង់នឹងដៃទាំងពីរនៅលើកម្រាលហើយលើកជើងទាត់ថយក្រោយទៅលើចំនួន ៥០ ដងសម្រាប់ជើងទាំងសងខាង
ការលោតឈរៗមួយកន្លែងចំនួន ១៥ ដង