ការទិញកាដូសម្រាប់ក្រុមគ្រួសារ គូស្នេហ៍ ឬមិត្តភក្តិអាចជាការពិបាកមួយ។ មនុស្សគ្រប់គ្នាមានចំណង់ចំណូលចិត្ត និងចំណាប់អារម្មណ៍ខុសៗគ្នាជាពិសេសទៅលើភេទនឹងអាយុខុសគ្នា។ ក្នុងករណីនេះកាដូដែលមានអត្ថន័យពិសេសសម្រាប់ពួកគាត់អាចជា (ការបោះពុម្ពឈ្មោះ ឬរូបផ្ទាល់ខ្លួននៅលើវត្ថុអ្វីមួយ) ហើយប្រហែលជារបស់ធ្វើដោយដៃ។ វាល្អបំផុតព្រោះជាទឹកចិត្តរបស់អ្នកចំពោះគេ។

ដឹងហើយថាមនុស្សជាទីស្រឡាញ់របស់អ្នកពិតជាសមនឹងទទួលបាននូវក្តីស្រឡាញ់ និងកាដូដែលអ្នកត្រូវផ្តល់ឲ្យ។ ប៉ុន្តែពេលខ្លះថវិកាអ្នកមិនគ្រប់គ្រាន់ដើម្បីធ្វើវាឡើយ តែការទិញកាដូដ៏អស្ចារ្យមិនចាំបាច់ត្រូវតែចំណាចលុយឲ្យអស់ពីខ្លួន ឬរហូតដល់ជំពាក់ធានាគានោះទេ។ នេះគឺជាការជ្រើសរើសរបស់យើង ទឹកចិត្តរបស់យើងដែលចង់ធ្វើអោយគាត់ ទោះបីជាវាមិនមានតម្លៃថ្លៃ ឬក៏ត្រឹមពីបីដុល្លាក៏ដោយ។

ទាំងនេះគឺជាកាដូពិសេសៗ ហើយតម្លៃសមរម្យសម្រាប់ថ្ងៃបុណ្យណូអែលខាងមុខ៖

១- សៀវភៅសរសេរ ឬជាសៀវភៅអាន

ជាប្រភេទកាដូដែលងាយស្រួលរកទិញបានគ្រប់ទីកន្លែង ហើយងាយស្រួលក្នុងការវេចខ្ចប់ដោយខ្លួនឯងបាន។ អ្នកអាចទិញជាសៀវភៅទទេស្អាត ដែលវាល្អសម្រាប់ការកត់ត្រាព័ត៌មានផ្ទាល់ខ្លួន អាចសម្រាប់ជាការគូររូបលេងជាដើម ឬក៏អាចរកទិញជាសៀវភៅអានដែលមានប្រយោជន៍ជាច្រើនប្រភេទ។

២- ទៀនដែលមានក្លិនក្រអូប

ការកាដូជាទានក្រអូបគឺជាជម្រើសដ៏ល្អសម្រាប់មនុស្សគ្រប់រូប ជាពិសេសសម្រាប់ឪពុកម្តាយ ឬមិត្តភក្តិសម្លាញ់។ វាក៏ងាយស្រួលក្នុងការរកទិញ និងវេចខ្ចប់ដោយខ្លួនឯងបានផងដែរ។

៣- គ្រឿងសម្អាងមួយឆុតសម្រាប់នារីៗ

វាក៏ប្រហែលជាពិបាកក្នុងការជ្រើសរើសម៉ាកប្រសិនបើអ្នកមិនមែនជាដៃគូស្នេហា ឬមិនដែលដឹងពីផលិតផលរបស់ដៃគូប្រើ។ ក៏ប៉ុន្តែម៉ាកល្បីៗជាច្រើនត្រូវបានដាក់លក់ ហើយក៏ពេញនិយមសម្រាប់នារីៗប្រើ ដូច្នេះគ្រាន់តែទិញពីឬបីដូចជាគ្រែមលាបបបូរមាត់ ទឹកអប់ជាដើម ហើយដាក់ក្នុងប្រអប់ឲ្យស្អាតជាការស្រេច។

៤- គ្រឿងប្រើប្រាស់មួយឆុតសម្រាប់បុរសៗ

ចំពោះបុរសៗវិញគឺងាយស្រួលក្នុងការជ្រើសរើសជាងស្រ្តី ជាទូទៅអ្នកប្រហែលជាទិញ ទឹកអប់ ជាកាបូបដៃ ឬនាឡិកាជាដើម។ សាកមករៀបជាលក្ខណៈប្រអប់វិញមើល អាចទិញជាក្រវាត់ក ក្សែក្រវាត់ លីអូ និងស្រោមជើងជាដើម ហើយដាក់ក្នុងប្រអប់ឲ្យស្អាតជាកាដូ។

៥- រូបផ្ទាំងគំនូរ

អ្នកក៏អាចសាកល្បងទិញជារូបគំនូរស្អាតៗសម្រាប់ការលំអនៅក្នុងបន្ទប់ និងក្នុងផ្ទះជាកាដូបានផងដែរ។ មិនថាជាគំនូរគូរដោយដៃ ឬក៏ជារូបភាពដែលអ្នកបានបោះពុម្ពចេញពីរូបផ្ទាល់ខ្លួនឡើយ ហើយវាក៏ពេញនិយមឲ្យនៅថ្ងៃបុណ្យណូអែលដែរ។

អ្វីដែលសំខាន់នៅក្នុងការឲ្យកាដូនោះគឺការមិនព្យាយាមបង្ហាញថាតើអ្នកចំណាយប្រាក់ប៉ុន្មានទៅលើកាដូនោះ តែជាការបង្ហាញថាអ្នកព្យាយាមរកនឹងធ្វើវាដើម្បីគាត់ ហើយវាចំបាច់សម្រាប់គាត់ ឬជាអ្វីដែលគាត់ចូលចិត្ត បើទោះបីជាកាដូនោះមានតម្លៃត្រឹមមួយដុល្លាក៏ដោយ។

រូបភាព៖ Pixabay, Pinterest

• តើពាក្យពេចន៍អ្វី មានន័យបំផុតដែលគេធ្លាប់សរសើរអ្នកកន្លងមក?
• តោះ! រីករាយចុងសប្តាហ៍