អាហារ ៩យ៉ាងមិនគួរញ៉ាំដំណាលគ្នាដាច់ខាត ព្រោះអាចមានគ្រោះថ្នាក់ច្រើនដល់សុខភាព

2020-04-23 10:10:00
ចំនួនមតិ 0 | ចំនួនចែករំលែក 0

អាហារប្រភេទខុសគ្នាមួយចំនួនអាចមានសារធាតុប្រឆាំងគ្នា ដែលធ្វើឲ្យពេលយើងញ៉ាំវាចូលក្នុងពោះដំណាលគ្នា អាចបង្កឲ្យមានបញ្ហាផ្សេងៗ និងអាចមានគ្រោះថ្នាក់ដល់ជីវិតផងក៏មាន។ ដូច្នេះហើយថ្ងៃនេះ កញ្ញា នឹងនាំប្រិយមិត្តទាំងអស់គ្នាមកដឹងពីអាហារចំនួន ៩គូដែលមិនគួរទទួលទានរួមក្នុងពេលវេលាជាមួយគ្នាឡើយ ដោយសារវាអាចនាំឲ្យមានបញ្ហានានាដូចខាងក្រោមនេះ៖

១. គ្រឿងស្រវឹង ជាមួយទុរេន នឹងធ្វើឲ្យកើតអាការៈក្ដៅក្នុង

នៅក្នុងផ្លែទុរេនមានសារធាតុស្ពាន់ធ័រជាច្រើន ដូច្នេះនៅពេលទទួលទានផ្សំគ្នាជាមួយស្រាប្រភេទមួយចំនួនដែលមានភាពក្ដៅដូចគ្នា នឹងធ្វើឲ្យមានបញ្ហាក្ដៅខ្លាំងក្នុងក្រពះ។ បើមានបញ្ហានេះត្រូវផឹកទឹកត្រជាក់ៗឲ្យបានច្រើនតាមក្រោយ។

២. គ្រឿងស្រវឹងជាមួយម្ហូបហឹរធ្វើឲ្យលើសឈាម

ជាតិអាល់កុល និងម្ទេសមានសារធាតុដែលពន្លឿនចរន្តឈាម ដែលបើសិនទទួលទានរួមគ្នាអាចនឹងបង្កឲ្យមានការឡើងសម្ពាធឈាមខ្ពស់ ឬលើសឈាម។

៤. អាហារបំពងជាមួយផ្លែឪឡឹកអាចបង្កឲ្យរាគ

អាហារបំពងមានជាតិខ្លាញ់ច្រើនស្រាប់ទៅហើយ បើយកមកញ៉ាំជាមួយផ្លែឪឡឹកដែលមានទឹកច្រើនទៀតអាចធ្វើឲ្យក្រពះមានខ្លាញ់ និងទឹកច្រើនជ្រុល អាចបង្កជាអាការៈរាគបាន។

៥. ក្ដាមជាមួយផ្លែទន្លាប់

អាហារពីរយ៉ាងនេះអាចធ្វើឲ្យរាងកាយចុះត្រជាក់ខ្លាំងរហូតទៅជារងា ដូច្នេះសម្រាប់អ្នកចាញ់រងានឹងអាចបង្កឲ្យមានអាការៈចុកពោះ និងរាករូសបាន។

៦. ក្ដាមជាមួយទឹកកកឈូសអាចបង្កឲ្យរាករូស

ក្ដាមធ្វើឲ្យសីតុណ្ហភាពក្នុងរាងកាយកាន់តែត្រជាក់ ហើយបើយើងញ៉ាំរបស់ត្រជាក់ទៅបន្ថែមទៀត វានឹងធ្វើឲ្យកើតការរាករូសដូចគ្នា។

៧. សាច់ជ្រូកជាមួយការ៉េម ធ្វើឲ្យពិបាករំលាយអាហារ

សាច់ជ្រូកមានជាតិប្រូតេអ៊ីនដែលក្រពះត្រូវការពេលវេលាយូរដើម្បីរំលាយ ដូច្នេះបើអ្នកទទួលទានរបស់ត្រជាក់ទៅជាមួយគ្នាទៀតនោះនឹងធ្វើឲ្យក្រពះធ្វើការកាន់តែពិបាក និងឈានទៅដល់ការមានបញ្ហាក្រពះ។