ឡូយ​មែនតើ! តំបន់​សមុទ្រ​ល្អ​សម្រាប់​សុខភាព​ទាំង​ផ្លូវ​កាយ និង ផ្លូវ​ចិត្ត​តែ​ម្តង

  • 2020-01-10 08:35:00
  • ចំនួនមតិ 0 | ចំនួនចែករំលែក 0

សម្រាប់​មនុស្ស​ភាគ​ច្រើន នៅ​ពេល​​ចង់​សម្រាក​ពី​ការងារ ឬ ការ​សិក្សា​មួយ​រយៈ ពួក​គេ​ច្រើន​មាន​ការ​នឹក​ឃើញ​ដល់​កន្លែង​លំហែកាយ​ដែល​រួម​មាន​ ឆ្នេរ​សមុទ្រ ឬ កោះ​ជាដើម ព្រោះ​សុទ្ធ​សឹង​ជា​កន្លែង​លំហែកាយ​ដែល​គ្រប់​គ្នា​ប្រាថ្នា​ចង់​ទៅ​ដើម្បី​សម្រាក​ទាំង​ខ្លួន​ប្រាណ​ និង អារម្មណ៍​តាន​តឹង​ទាំង​ឡាយ។ យ៉ាង​ណា​មិញ​ អ្នក​ប្រហែល​ជា​មិន​ទាន់​បាន​ដឹង​ពី​គុណ​ប្រយោជន៍​របស់​វា​នៅ​ឡើយ​ទេ។ ដូចនេះ​ គ្រប់​គ្នា​គួរ​មក​យល់​ដឹង​ពី​ផល​ប្រយោជន៍​សំខាន់ៗ​នៃ​ការ​លំ​ហែ​កាយ​នៅ​សមុទ្រ​ដូច​ខាង​ក្រោម៖

រូបតំណាង

**១. ជួយ​សម្រួល​ដល់​ផ្លូវ​ដង្ហើម**

លោក​អ្នក​ដឹង​ទេ​ថា លក្ខណៈ​ពិសេស​របស់​តំបន់​សមុទ្រ គឺ​នៅ​ពេល​ដែល​អ្នក​ទៅ​ដល់​ទី​នោះ​ហើយ​ស្រូប​យក​នៅ​ខ្យល់​បរិសុទ្ធ​នៃ​បរិវេណ​នោះ មិន​ត្រឹម​តែ​វា​ជួយ​ផ្តល់​នូវ​ជាតិ​អ៊ីយ៉ូត និង ម៉ាញេស្យូម​ដល់​រាង​កាយ​នោះ​ទេ វា​ថែម​ទាំង​អាច​ជួយ​សម្រួល​ដល់​ផ្លូវ​ដង្ហើម​ទៀត​ផង។ លើស​ពី​នេះ​ទៅ​ទៀត ការ​ស្រូប​យក​បរិយាកាស​នៅ​សមុទ្រ​ក៏​ជួយ​គ្រប់គ្រង​តុល្យភាព​​នៃ​កម្រិត​ជាតិ Serotonin ក្នុង​រាង​កាយ​ ដែល​អាច​កាត់​បន្ថយ​ភាគ​រយ​នៃ​ការ​កើត​ជំងឺ​បាក់​ទឹក​ចិត្ត​បាន​ផង​ដែរ។

២. ជួយ​ឱ្យ​ស្បែក​ម៉ដ្ឋ​រលោង

ក្រៅ​ពី​ជួយ​សម្រួល​ផ្នែក​ផ្លូវ​ដង្ហើម​ជាមួយ​នឹង​ខ្យល់​បរិសុទ្ធ​នោះ ជាតិ​ឆ្នេរ​ខ្សាច់​ដែល​នៅ​តំបន់​សមុទ្រ​ក៏​អាច​ជួយ​ឱ្យ​ស្បែក​នារីៗ​ទន់ និង ម៉ដ្ឋ​រលោង​ថែម​ទៀត​ផង។ ដើម្បី​ចង់​បាន​ប្រសិទ្ធភាព​នេះ អ្នក​គ្រាន់​តែ​តំបន់​ឆ្នេរ​ដែល​គ្មាន​សំរាម សំបក​ ឬ កម្ទេច​នានា​ ហើយ គេង​លេង ឬ ដាក់​ជើង​ជាប់​នឹង​ខ្សាច់​នោះ​មួយ​សន្ទុះ​ ព្រោះ​ថា​ជាតិ​ខ្សាច់​ក៏​អាច​ជួយ​ជម្រុះ​កោសិកា​ចាស់ៗ​នៃ​ស្បែក​​បាន​ផង​ដែរ។ យ៉ាង​ណា​មិញ បើ​អ្នក​ជា​មនុស្ស​ដែល​មាន​ស្បែក​ងាយ​ប្រតិកម្ម ក៏​មិន​គួរ​សាក​ល្បង​ឡើយ។

រូបតំណាង
រូបតំណាង

៣. ជួយ​ពង្រឹង​ប្រព័ន្ធ​ភាព​ស៊ាំ​នៃ​រាង​កាយ

រឹត​តែ​ពិសេស​ទៅ​ទៀត​នោះ ការ​ហែល​ទឹក​សមុទ្រ​អាច​ជួយ​ពង្រឹង​ដល់​ប្រព័ន្ធ​ភាព​ស៊ាំ​នៅ​ក្នុង​រាង​កាយ​អ្នក​បាន​ផង​ដែរ។ អ្នក​ប្រហែល​ជា​ធ្លាប់​បាន​ឮ​ហើយ​ថា​ ទឹក​សមុទ្រ​មាន​ផ្ទុក​ជាតិ​អ៊ីយ៉ូត សូដ្យូម ម៉ាញេស្យូម​ ប៉ូតាស្យូម និង ជាតិ​កាល់ស្យូម ហើយ​បន្ថែម​ពី​នេះ បើ​អ្នក​ចំណាយ​ពេល​ក្នុង​ទឹក​សមុទ្រ​យូរ គឺ​ជួយ​ឱ្យ​ឈាម​រត់​ស្រួល​ទៀត​ផង។

៤. ជួយ​បំបាត់​ភាព​តាន​តឹង និង ការ​ស្រេ្តស

ជាតិ​ម៉ាញេស្យូម​គឺ​នៅ​គ្រប់​ទី​កន្លែង​នៃ​តំបន់​សមុទ្រ ដែល​ជាតិ​នេះ រួម​ផ្សំ​ជាមួយ​ធាតុ​ដទៃ​នៅ​តំបន់​សមុទ្រ​អាច​ជួយ​សម្រួល​ដល់​ផ្លូវ​ដង្ហើម សម្រួល​អារម្មណ៍ បំបាត់​ភាព​តាន​តឹង​ និង នឿយ​ហត់​ពី​ជីវិត​ប្រចាំ​ថ្ងៃ​បាន។ ខ្យល់​អាកាស​នៅ​តំបន់​សមុទ្រ​នេះ​ពិត​ជា​មាន​ប្រសិទ្ធភាព​ណាស់ ជាពិសេស​ទៅ​លើ​ផ្នែក​ផ្លូវ​ចិត្ត និង ស្មារតី​នេះ​តែ​ម្តង៕ ​

រូបតំណាង

អានបន្ត៖ ឈឺប្រអប់ជើង ឈឺជើងដោយសារឈររយៈពេលយូរ តើគួរត្រាំទឹកក្តៅឬទឹកត្រជាក់?

ប្រភព៖ Spiceee ប្រែ​សម្រួល៖ Siyou Tang

អត្ថបទពេញនិយម