រឿងរ៉ាងគួរឲ្យរន្ធត់បន្ទាប់ពីបាន៨ឆ្នាំ ក្រោយពេលវះកាត់ពង្រីកសុដន់

2019-04-25 04:30:00
ចំនួនមតិ 0 | ចំនួនចែករំលែក 0

ដោយសារតែមានមនុស្សមិនស្ងប់ចិត្តនឹងសម្រស់ធម្មជាតិរបស់ខ្លួនឯងទើបសុខចិត្តទៅវះកាត់កែសម្ផស្ស ដាក់របស់សិប្បនិម្មិតចូល ទាំងមិនខ្វល់ពីហានិភ័យអ្វីទាំងអស់ទៅថ្ងៃអនាគត។ ហាងកែសម្ផស្សក៏បើកហូរហែរីកដូចផ្សិត ប៉ុន្តែមានកន្លែងមួយចំនួន គ្មានជំនាញច្បាស់លាស់ មិនគិតពីគុណភាព គ្មានស្តង់ដារត្រឹមត្រូវ ជាហេតុបង្កឲ្យមានគ្រោះថ្នាក់ធំដោយមិនដឹងខ្លួន។

ដូចរឿងរ៉ាងរបស់នារីម្នាក់ខាងក្រោមនេះ នាងបានដាក់បញ្ចូលស៊ីលីកូនដើម្បី ពង្រីកសុដន់អស់រយៈពេល៨ឆ្នាំហើយ។ រហូតមកដល់ឥឡូវ សុដន់របស់នាងឡើងរឹងដូចដុំថ្ម ទើបនាងសម្រេចចិត្តសុំឲ្យប្តីជូនទៅវះកាត់នៅមន្ទីរពេទ្យ។ ក្រោយពីបានតស៊ូជាមួយនឹងដំណើរការតាមដានវះកាត់ ៦ខែ ការពិតត្រូវបានលាតត្រដាងចេញមក។

វេជ្ជបណ្ឌិតបានកត់ត្រាទុកនិងបង្ហាញរឿងរ៉ាវដូចខាងក្រោម៖

ព្រឹកនេះខ្ញុំបានជួបករណីវះកាត់ដាក់ស៊ីលីកូនពង្រីកដើមទ្រូងទាំងសងខាងរបស់នារីម្នាក់។ បន្ទាប់ពីដាក់បាន៨ឆ្នាំ សុដន់នាងរឹងដូចដុំថ្មពេលប៉ះទៅ។ នាងរៀបការរួចថែមទាំងមានកូនទៀត ដូច្នេះហើយបានជានាងសម្រេចចិត្ត វះកាត់ដុំរឹងទាំងសងខាងនោះចេញ ដែលត្រូវចំណាយពេល៦ម៉ោងទើបរួចរាល់។

ក្រោយពីយកស៊ីលីកូនចេញ សុដន់នឹងខូចទ្រង់ទ្រាយ ដោយសារស៊ីលីកូនបានរលាយ និងជាប់ជាមួយក្រពេញញី ធ្វើឲ្យក្រពេញខូចខាត សុដន់រាបស្មើ ហើយមិនអាចវិលទៅរកសភាពបានឡើយ។ ការវះកាត់ដោយធ្វេសប្រហែស មិនប្រឹក្សាយោបល់ត្រឹមត្រូវ លទ្ធផលចុងក្រោយ មានតែឈឺចាប់ សោកស្តាយ មានស្នាមរបួស និងបាត់បង់មនុស្សជាទីស្រលាញ់ជាដើម។

ហេតុនេះហើយ កុំគិតថាឲ្យតែការវះកាត់ គឺសុទ្ធតែស្អាតហើយធ្វើឲ្យអ្នកសប្បាយរីករាយនោះ។ វាគ្រាន់តែជាវត្ថុក្លែងក្លាយលម្អភ្នែកអ្នកដទៃបានមួយពេល ប៉ុន្តែយកទុកដាក់ខ្លួននិងក្រុមគ្រួសារអស់មួយជីវិត។ អ្នកក៏ជាមនុស្សតែម្នាក់គត់ ដែលបានបង្កើតបញ្ហានេះឡើង។

ក្រៅពីបានស្តាប់រឿងរ៉ាវខាងលើរួចមក ទាំងនេះគឺជារូបភាពបន្ទាប់ពីវះកាត់ចេញមក។ រូបទី១ ស៊ីលីកូនមានរូបរាងដូចតែគុជ ចំណែកឯរូបទី២វិញ គឺជាលិកាខ្លាញ់ ជាលិកាក្រពេញ ដែលបានយកចេញពីសុដន់ទាំងពីរ។

រឿងរ៉ាងដែលគូរឲ្យរន្ធត់មួយនេះ សង្ឃឹមថាស្រីៗដែលមានបំណងវះកាត់ ជាពិសេសគឺសុដន់ដែលជាតំបន់សំខាន់តែម្តង គួរគិតពិចារណាឲ្យបានវែងឆ្ងាយ គិតពីហានិភ័យគ្រោះថ្នាក់ផ្សេងៗមុននឹងសម្រេចចិត្ត។ ចូរស្រលាញ់អ្វីដែលជាសម្រស់ធម្មជាតិរបស់អ្នកឲ្យបានច្រើន ជាងរបស់កែច្នៃ៕