ការងារក្នុងផ្ទះដែលមនុស្សស្រីពូកែ និងរឹងមាំតែងតែចេះធ្វើដោយខ្លួនឯង

2018-08-05 01:40:00
ចំនួនមតិ 0 | ចំនួនចែករំលែក 0

ការងារផ្ទះគឺជាការងារមួយដែលស្ត្រីគួរតែចេះមិនថាតិចឬក៏ច្រើននោះទេ ហើយបន្ថែមពីលើនេះបើអ្នកចេះការងារដែលចាំបាច់ធ្វើនៅក្នុងផ្ទះទៀតនោះវារឹតតែធ្វើឲ្យអ្នកងាយស្រួលដោយមិនចាំបាច់ពឹងអ្នកណាមកជួយឡើយ។ ម្យ៉ាងទៀតវាជួយធ្វើឲ្យអ្នកដទៃសរសើរអ្នកទៀតផង បែបនេះហើយរឿងខាងក្រោមនេះអ្នកគួរតែចេះធ្វើដោយខ្លួនឯង៖

១. ចម្អិនអាហារ

មនុស្សស្រីដែលពូកែគឺភាគច្រើននាងចេះធ្វើម្ហូបដោយខ្លួនឯង ទោះបីមិនច្រើនក៏អាចធ្វើញ៉ាំខ្លួនឯងបានរាល់ថ្ងៃដែរ។ នាងមិនចាំបាច់ពិបាកក្នុងការចម្អែតក្រពះខ្លួនឯង ហើយត្រូវពឹងអ្នកណានោះទេ។

រូបតំណាង

**២. ផ្លាស់ប្ដូរអំពូល**

មានមនុស្សស្រីប៉ុន្មាននាក់ដែលអាចប្ដូរអំពូលដោយខ្លួនឯងបាន? វាពិតជាល្អណាស់បើសិនអ្នកអាចធ្វើបានដោយមិនបាច់ពឹងមនុស្សប្រុស។ មនុស្សស្រីដែលរស់នៅម្នាក់ឯង ភាគច្រើនគឺចេះរឿងបែបនេះស្រាប់ទៅហើយ ដោយនាងមិនបាច់ចាំតេហៅជាងអគ្គិសនីអីនោះទេ។

៣. ផ្ដាច់ចរន្តអគ្គិសនី

នារីជាទូទៅចូលចិត្តប្រើម៉ាស៊ីនផ្លុំសក់ ម៉ាស៊ីនកម្ដៅឬក៏ឧបករណ៍ផ្សេងទៀត ហើយបើសិនជាមានបញ្ហាអ្វីកើតឡើងនោះអ្នកនឹងអរគុណនូវចំណេះដឹងនេះ។ ការដែលចេះផ្ដាច់ចរន្តអគ្គិសនីអាចកាត់បន្ថយហានិភ័យបាន។

៤. សម្លាប់សត្វល្អិត

ទោះសត្វល្អិតនៅទីណាក៏ដោយអ្នកមិនបាច់បារម្ភទៀតទេ ព្រោះអ្នកអាចចាត់ការវាដោយខ្លួនឯងមិនបាច់ស្រែកឲ្យគេជួយទៀតទេ។

៥. ដេគ័រផ្ទះខ្លួនឯង

មិនចាំបាច់ចំណាយច្រើនជួលគេមករៀបចំឲ្យគេ នាងតែងតែរៀបចំ ទិញនេះទិញនោះ មកដេគ័រខ្លួនឯងបានយ៉ាងស្អាត តាមតែនាងស្រឡាញ់។

រូបតំណាង

៦. ជួសជុលកុំព្យូទ័រ

មិនចាំបាច់ចេះច្រើនដូចអ្នកជំនាញនោះទេ គ្រាន់តែដឹងថាអីជាអីទៅបានហើយ ព្រោះវាអាចជួយបានខ្លះនៅពេលមានបញ្ហា។

រូបតំណាង

សរុបមក កុំគិតថាការងារខ្លះជារបស់មនុស្សប្រុសអី បើអាចយើងចេះធ្វើខ្លួនឯងវាពិតជាល្អ ព្រោះពេលខ្លះគេមិនអាចនៅក្បែរយើងរហូតនោះទេ។ ការងារណាដែលយើងធ្វើបានយើងគួរតែធ្វើ ហើយវាក៏ងាយស្រួលជាងការប្រើអ្នកផ្សេងមកធ្វើឲ្យយើងដែរ៕

ចុចអាន៖បើរាល់ថ្ងៃកំពុងធ្វើ ១០យ៉ាងនេះ ធានាថា១០ឆ្នាំក្រោយអ្នកនឹងស្ដាយក្រោយខ្លាំង

អត្ថបទ៖ ផេង ផលធិតា