តិចនិកងាយៗជួយឱ្យធ្មេញសភ្លឺ ញញឹមស្អាត ដោយមិនពឹងពេទ្យ

2018-07-23 06:15:45
ចំនួនមតិ 0 | ចំនួនចែករំលែក 0

ធ្មេញគឺជាផ្នែកមួយនៃការបង្កើនសម្រស់ ហេតុនេះហើយទើបគ្រប់គ្នាជាពិសេសស្រីៗតែងយកចិត្តទុកដាក់បំផុត។ គ្មានអ្នកណាចង់បានធ្មេញខ្មៅនោះទេ។ អ្នកខ្លះក៏សម្រេចចិត្តបិទធ្មេញស ឬប្រើប្រាស់ឧបករណ៍ជំនួយឱ្យធ្មេញសផ្សេងៗដោយភ្លេចគិតពីរូបមន្តធម្មជាតិ។ បើអ្នកមានធ្មេញមិនសូវសស្អាតនោះទេ គួរតែសាកវិធីងាយៗពីធម្មជាតិទាំងនេះសិនមុននឹងសម្រេចចិត្តប្រើប្រាស់ឧបករណ៍ធ្វើឱ្យសផ្សេងៗ៖

១. ញ៉ាំឈីសជាប្រចាំ

តើឈីសពិតជាជួយឱ្យធ្មេញសបានមែនឬ? អ្នកវិទ្យាសាស្រ្តបានរកឃើញហើយថាឈីសជួយការពារមិនឱ្យធ្មេញពុក ហើយថែមទាំងសភ្លឺចែងចាំងថែមទៀតផង។ បើអ្នកចង់ឱ្យធ្មេញរឹងមាំហើយសគួរតែញ៉ាំឈីសជាប្រចាំ តែកុំភ្លេចគិតពីរឿងគីឡូផង។

២. ប្រើប្រាស់បំពង់បឺត

ដូចដែលអ្នកធ្លាប់ដឹងហើយថា ការញ៉ាំកាហ្វេនិងតែធ្វើឱ្យធ្មេញអ្នកលឿងមើលទៅស្រអាប់។ ហេតុនេះហើយ នៅពេលដែលអ្នកផឹកតែឬកាហ្វេឬប្រភេទភេសជ្ជៈដែលប្រើពណ៌គួរតែប្រើប្រាស់បំពុងបឺតដើម្បីជាជំនួយ។ នៅពេលអ្នកប្រើប្រាស់បំពង់បឺត អ្នកអាចការពារទឹកទាំងនោះមិនឱ្យប៉ះធ្មេញបាន។ វាអាចជួយឱ្យធ្មេញអ្នកមិនសូវលឿង។

៣. ទំពារស្ករកៅស៊ូ

មានស្ករកៅស៊ូជាច្រើនដែលជួយឱ្យធ្មេញរឹងមាំហើយស។ ប៉ុន្តែអ្នកគួរតែជ្រើសរើសស្ករកៅស៊ូណាដែលមានជាតិស្ករទាបដើម្បីជៀសវាងការពុកធ្មេញ។

៤. ញ៉ាំផ្លែប៉ោម និងការ៉ុត

អ្នកគ្រប់គ្នាសុទ្ធតែបានដឹងហើយថា ការ៉ុតនិងផ្លែប៉ោមគឺល្អបំផុតសម្រាប់សុខភាព។ ប៉ុន្តែលើសពីនេះទៅទៀតវាក៏ជួយដល់ធ្មេញអ្នកឱ្យសជាងមុន។ ជំនួសដោយការញ៉ាំអាហារមិនល្អ គួរតែញ៉ាំបន្លែវិញល្អជាង។

៥. ក្រូចឆ្មារ

ក្រូចឆ្មារមានមុខងារជួយកម្ចាត់និងសម្អាតបានយ៉ាងល្អ។ អញ្ចឹងកុំឆ្ងល់អីថាក្រូចឆ្មារជួយឱ្យធ្មេញសភ្លឺបាននោះ។ គ្រាន់តែយកក្រូចឆ្មារមួយចំណិតស្តើងមកដុសខាត់នៅលើធ្មេញជាការស្រេច។ តែកុំធ្វើវាញឹកញាប់លើសពីពីរដងក្នុងមួយសប្តាហ៍។

៦. ស្រ្តប៊ែរី

ស្រ្តប៊ែរីក៏ដូចជាក្រូចឆ្មារដែរ ប៉ុន្តែវិធីប្រើគឺខុសគ្នា។ យកស្រ្តប៊ែរីមកកិនហើយដាក់លើធ្មេញចំនួន ១ទៅ៣នាទី បន្ទាប់មកខ្ពុលទឹកចេញ។ អ្នកនឹងទទួលបានធ្មេញសស្អាតទាក់ទាញ។