ឆ្នាំទាំង៣ ដែលរើសគូស្រករខ្លាំង និងតែងត្រូវគេវាយតម្លៃថាលេងឫក

2018-04-10 03:31:25
ចំនួនមតិ 0 | ចំនួនចែករំលែក 0

និយាយរួមទៅឆ្នាំទាំង៣នេះមានស្ដង់ដាខ្ពស់ក្នុងការជ្រើសរើសគូ។ បើសិនជាភាគីម្ខាងទៀតមិនគ្រប់លក្ខណៈដែលគេត្រូវការទេ គេនឹងមិនចង់ជួបជាលើកទី២ឡើយ។

ឆ្នាំឆ្លូវ

អ្នកកើតឆ្នាំឆ្លូវ ទោះជាស្រីឬប្រុសក្ដី តែងមានការរស់នៅបែបជាក់ស្ដែង ពួកគេមិនជឿលើពាក្យផ្អែមល្ហែម ឬទ្រឡើយ។ អាស្រ័យហេតុនេះ រាល់ពាក្យញ៉ែរបស់អ្នកនៅជុំវិញខ្លួនគ្រាន់តែធ្វើឲ្យគេធុញជាងមុនតែប៉ុណ្ណោះ។ អ្នកឆ្នាំឆ្លូវរាងរើសបន្តិចរឿងគូគ្រង ឬពេលខ្លះរាងឫកបន្តិច ដូចនេះទោះពេលខ្លះមានគេចាប់អារម្មណ៍ច្រើន តែសាមីខ្លួននៅតែត្អូញថាអត់គូ។

ឆ្នាំរកា

តាំងពីដើមមក អ្នកកើតឆ្នាំរកាតែងដើររកអ្វីដែលហៅថាជាភាពល្អឥតខ្ចោះ ជាពិសេសក្នុងរឿងមនោសញ្ចេតនា។ ពួកគេតែងរកមនុស្សណាដែលល្អបំផុតសម្រាប់ខ្លួនឯង ដូចនេះទោះបីជាមានមនុស្សល្អល្មមមកសាសងក៏ពួកគេមិនបើកចិត្តទទួលយកដែរ។ ពួកគេតែងដាក់កាលៈទេសៈដើម្បីធ្វើតេស្តភាគីម្ខាងទៀត បើការដោះស្រាយរបស់ដៃគូ មិនត្រូវចិត្តពួកគេ ពួកគេដកដៃគូចេញពីជីវិតគេភ្លាម។ មិនត្រឹមតែប៉ុណ្ណោះ ឆ្នាំនេះក៏តែងរកគូដែលមានចំណង់ចំណូលចិត្ត អត្តចរិត និងការគិតដូចគ្នានៅក្នុងជីវិត។

ឆ្នាំរោង

ឆ្នាំរោងជាមនុស្សរឹងមាំ មិនចេះសាំញ៉ាំច្រើន។ ក្រៅពីនេះ គេក៏ជាមនុស្សរើសច្រើនក្នុងរឿងមនោសញ្ចេតនា។ អ្នកកើតឆ្នាំរោងតែងមានភាពទាក់ទាញសម្រាប់អ្នកដទៃ តែបេះដូងរបស់ពួកគេមិនងាយឲ្យគេយកបានឡើយ។ ទោះបីជាក្នុងចិត្ត មានចិត្តលើគេហើយក្ដី ក៏ពួកគេនៅតែលេងចរិត មិនបង្ហាញអារម្មណ៍ពិតរបស់ខ្លួនចេញក្រៅឡើយ។ ដោយសារតែចរិតបែបនេះ ឆ្នាំមួយនេះក៏មិនដែលសារភាពថាខ្លួនស្រលាញ់នរណាមុនដែរ។ ស្ដង់ដារបស់ដៃគូជីវិតរបស់ពួកគេតែងខ្ពស់ខ្លាំង រហូតដល់ត្រូវគេវាយតម្លៃថាវាយឫក៕