លេងបិទម៉ាសមួយតម្លៃ ៦៤ដុល្លារ សួរម៉េចថា Liu Yifei មិនស្អាតបានចម្លែក

2020-04-28 06:30:00
ចំនួនមតិ 0 | ចំនួនចែករំលែក 0

ក្នុងវ័យ៣២ឆ្នាំ ដើម្បីរក្សារបស់ខ្លួនកុំឲ្យចាស់តាមវ័យ កំពូលតារាសម្ដែងស្រីចិន Liu Yifei ក្រៅពីបរិភោគអាហារសមស្រប និងហាត់ប្រាណនោះ ក៏ត្រូវចំណាយថវិការច្រើនដើម្បីរក្សាសម្រស់ផងដែរ។

ទោះបីជាចូលសិល្បៈជាង ១០ឆ្នាំហើយក៏ដោយ តែសម្រស់របស់តារាសម្ដែងស្រីជួរមុខចិន Liu Yifei ហាក់មិនប្លែកច្រើនបើធៀបនឹងពេលនាងទើបចូលសិល្បៈឡើយ។ ដោយសារតែមានសម្រស់អំណោយផលពីធម្មជាតិ ដូចនេះហើយ ស្រីស្អាតវ័យ៣២ឆ្នាំ ក៏ឧស្សាហ៍បង្អួតមុខអត់ផាត់មុខរបស់ខ្លួនលើបណ្ដាញសង្គមដែរ។

នៅក្នុងរូបភាពថ្មីបំផុតរបស់ខ្លួនលើបណ្ដាញសង្គម Weibo តួរឿង Mulan បានបង្ហើបថា ដើម្បីកុំឲ្យសម្រស់ជ្រេទៅតាមវ័យនោះ នាងត្រូវឧស្សាហ៍បិទម៉ាសដើម្បីថែរក្សាសម្រស់។ ភ្ជាប់ជាមួយនោះគឺ រូបភាពតារាស្រីនេះបិទម៉ាសមួយដែលមានពណ៌ខ្មៅ ដែលមិនត្រឹមតែបិទមុខទេ គឺបិទដល់កទៀត។

តាមការស្រាវជ្រាវ អ្នកគាំទ្ររកឃើញថា ម៉ាសដែលសៀវ ឡុងនីកំពុងបិទនេះ គឺមកពីម៉ាកគ្រឿងសំអាងល្បីឈ្មោះមួយ ដែលមានតម្លៃ ៦៤ដុល្លារក្នុងមួយបន្ទះ។ ម៉ាសនេះគឺជួយបន្តឹងស្បែកកុំឲ្យយារធ្លាក់។ ក្រោយពេលឃើញដូចនេះ ទស្សនិកជនបានលាន់មាត់ថា Liu Yifei មានសម្រស់លេចធ្លោក៏មិនចម្លែកដែរ បើនាងហ៊ានបោះទុនលើសម្រស់ដល់ថ្នាក់នេះនោះ៕