ចំណុចតូចតាច ៤ យ៉ាង មនុស្សស្រីមិនបានដឹងថាខ្លួនធ្លាប់ឆ្លងកាត់ពីមុនមក

2019-07-18 10:05:00
ចំនួនមតិ 0 | ចំនួនចែករំលែក 0

នៅពេលអ្នកឆ្លងកាត់រឿងរ៉ាវឈឺចាប់ច្រើនពេក អ្នកពិតជាមិនបានដឹងឡើយ ថាខ្លួនឯងមានភាពរ៉ឹងមាំយ៉ាងណា ហើយអាចជួយខ្លួនឯងបានច្រើនប៉ុណ្ណានោះ។ ជាក់ស្ដែង ពីបទពិសោធន៍ស្នេហា ពិតណាស់ អ្នកណាក៏មានចិត្តស្រលាញ់ អ្នកណាក៏មានស្នេហាដែរ ចុះមានប៉ុន្មានបានកត់សម្គាល់ថា ខ្លួនឯងរ៉ឹងមាំប៉ុណ្ណាអាចឆ្លងកាត់បទពិសោធន៍ស្នេហាទាំងនេះបាន?

ខាងក្រោមនេះ ជាប្រភេទស្នេហាដែលយើងមិនបានសង្កេតថាយើងមានបទពិសោធន៍នឹងចំណុចទាំងនេះ៖

១. ជួបស្នេហាដំបូង

មនុស្សស្រីជាច្រើន គ្រាន់តែលឺពាក្យថាស្នេហាដំបូង សង្សារដំបូងគេរបស់ខ្លួន នាងអាចនឹងមានអារម្មណ៍មិនល្អឡើយខណៈពេលនោះ។ អីច៊ឹងមានន័យថា នាងនៅស្រលាញ់បុរសនោះមែនទេ! ពិតមែន តែពេលនេះក៏គ្មានសល់ក្ដីស្រលាញ់អ្វីសម្រាប់អ្នកមុននោះដែរ។ តើមានប៉ុន្មាននាក់ដែលអាចជោគជ័យបានក្នុងស្នេហាដំបូងរបស់ខ្លួន? ហើយចុះមានប៉ុន្មាននាក់ដែលស្នេហាដំបូងរបស់ខ្លួនជាស្នេហាបរាជ័យ? ដូច្នេះហើយ មនុស្សម្នាក់នោះជាកាចងចាំមួយដែលមិនអាចបំភ្លេចបានឡើយ ទោះពេលនេះអ្នកលែងស្រលាញ់គេក៏ដោយ។ ជាពិសេសទៀតនោះ បុរសម្នាក់នោះជាមេរៀនមួយដ៏សំខាន់ដែលបានបង្រៀនអ្នកឲ្យរ៉ឹងមាំដួចសព្វថ្ងៃ។

២. ជូបមនុស្សដែលគេបានចាកចេញពីអ្នក

វាជាបទពិសោធន៏ដែលឈឺចាប់ណាស់ ប៉ុន្តែទន្ទឹមនឹងការឈឺចុកចាប់មួយនេះ វាក៏ជាចំណុចមួយដែលជម្រុញឲ្យអ្នកក្រោកឈរ ហ៊ានប្រឈមរាល់បញ្ហាដែលកើតមានឡើង និងមានសេក្ដីអំណត់អត់ធ្មត់ខ្ពស់ក្នុងការដោះស្រាយអ្វីមួយ។ ពេលអ្នកធ្វើវាបាន ឆ្លងកាត់ភាពឈឺចាប់បានហើយ នេះសរបញ្ជាក់ឲ្យឃើញថា អ្នកពិតជាជនគំរូម្នាក់សម្រាប់ខ្លួនឯង គ្រួសារ ក៏ដូចជាមិត្តភក្តិ ដោយសារបញ្ហាទាំងនេះជាកញ្ចក់ឆ្លុះបញ្ចាំងពីការតស៊ូរបស់អ្នក។ ៣. ជួបមនុស្សស្រលាញ់តែគេមកខុសពេល

អ្នកណាធ្លាប់ជួបរឿងរ៉ាវមួយនេះ? វាជាមេរៀនដែលបានបង្រៀនយើងឲ្យមានភាពម៉ត់ចត់ទៅលើកិច្ចការអ្វីមួយ ជាពិសេសក្នុងការជ្រើសរើសនរណាម្នាក់មកធ្វើជាគូរជាជីវិត។

៤. ជួបស្នេហាពិត

ទម្រាំបានមកដល់ចំនុចនេះ ពិតជាមិនងាយស្រួលឡើយ តាមផ្លូវឆ្លងកាត់មកមានឧបសគ្គច្រើនខ្លាំងណាស់ យំផងសើចផង ធ្វើដំណើរវែងឆ្ងាយ មើលកោះមើលត្រើយស្ទើរមិនឃើញ តែដរាបណាយើងនៅមានក្ដីសង្ឃឹម យើងអាចធ្វើបានគ្រប់យ៉ាងនូវអ្វីដែលយើងបានដាក់ចិត្តក្នុងការធ្វើវា។