ស្មានមិនដល់ថា កម្មវិធីសិក្សាមានបញ្ចូលមេរៀន “The 7 Habits” ជួយក្មេងៗច្រើនថ្នាក់ហ្នឹង!
- 2018-06-01 11:12:23
- ចំនួនមតិ 0 | ចំនួនចែករំលែក 0
ស្មានមិនដល់ថា កម្មវិធីសិក្សាមានបញ្ចូលមេរៀន “The 7 Habits” ជួយក្មេងៗច្រើនថ្នាក់ហ្នឹង!
អ្នកប្រហែលធ្លាប់ស្គាល់សៀវភៅដ៏ល្បីលើពិភពលោក “The 7 Habits of Highly Effective People" របស់អ្នកនិពន្ធ Stephen R. Covey ដែលបង្រៀនមនុស្សឲ្យចេះពិចារណាខ្ពស់ ស្គាល់រាក់ជ្រៅ កំណត់គោលដៅ និងចេះអភិវឌ្ឍខ្លួនឯង-ល-។ និយាយរួម មេរៀនទាំងនោះ បង្រៀនឲ្យក្លាយជាមនុស្សពេញលេញយ៉ាងពិតប្រាកដ។
បច្ចុប្បន្ន កម្មវិធីមេរៀន “The 7 Habits” មួយនេះ ត្រូវសាលាអន្តរជាតិឯកជនមួយនៅភ្នំពេញ ទទួលបាន License ពីអាមេរិក យកមកបញ្ចូលជាកម្មសិក្សាបន្ថែម នៅក្នុងកម្មវិធីសិក្សារបស់ខ្លួន ទាំងទ្រឹស្ដី ទាំងការអនុវត្ត ដើម្បីអប់រំសិស្សឲ្យក្លាយជាមនុស្សមានចំណេះដឹង និងក្លាយជាមនុស្សខ្លាំងនាពេលអនាគត។
អ្នកស្រី DISY Nory នាយិកាសាលាអន្តរជាតិ AppleTree ដែលមានបញ្ចូលកម្មវិធីសិក្សាបន្ថែម “The 7 Habits” ដំបូងគេនៅកម្ពុជា បានប្រាប់ Sabay ឲ្យដឹងថា កម្មវិធីពិសេសមួយនេះ មានប្រយោជន៍ខ្លាំងក្នុងការបណ្ដុះក្មេងឲ្យពេញលក្ខណៈទាំងចំណេះដឹង ទាំងភាពជាអ្នកដឹកនាំ និងបំណិនជីវិត ដើម្បីឲ្យក្មេងអាចដើរទាន់គេក្នុងសតវត្សទី២១ នេះ។
នាយិកាដែលទទួលបានអនុបណ្ឌិតផ្នែកអប់រំ និងការអភិវឌ្ឍធនធានមនុស្សរូបនេះ បន្តថា ក្មេងចេះឯករាជ្យខ្លួនឯង មានទំនួលខុសត្រូវ មានគំនិតផ្ដួចផ្ដើម ចេះធ្វើផែនការ កំណត់ និងតាមដានគោលដៅ ធ្វើការងារសាលាជាប្រចាំ កំណត់អាទិភាពពេលវេលាខ្លួន គ្រប់គ្រងអារម្មណ៍ គោរព-អធ្យាស្រ័យដល់អ្នកដទៃ ហ៊ានបញ្ចេញ និងការពារយោល់ខ្លួនឯង ដោះស្រាយបញ្ហា និងប្រើជីវិតឲ្យមានតុល្យភាព (សុខភាពផ្លូវកាយ ចិត្ត និងវិញ្ញាណ)។
ខាងក្រោមនេះជាទម្លាប់ទាំង ៧ យ៉ាងដែលលត់ដំក្មេងឲ្យមានភាពជាអ្នកដឹកនាំ៖
១. ភាពមានម្ចាស់ការ (Be Proactive)
បណ្ដុះក្មេងឲ្យមានទំនួលខុសត្រូវ គំនិតផ្ដួចផ្ដើម មិនទម្លាក់កំហុសលើអ្នកដទៃ និងមានធម៌សុចរិត។
២. គិតហើយសឹមគូរ (Begin With the End in Mind)
ធ្វើឲ្យក្មេងចេះគិតល្អិតល្អន់មុនធ្វើអ្វីមួយ ចេះកំណត់គោលដៅច្បាស់លាស់។
៣. ធ្វើការងារសំខាន់មុន (Put First Things First)
ទម្លាប់នេះនឹងនាំឲ្យកុមារចេះថ្លឹងថ្លែង ធ្វើអ្វីដែលសំខាន់ ធ្វើតែកិច្ចការណាមានប្រយោជន៍ ក្លាយជាមនុស្សមានវិន័យ និងចេះរៀបចំពេលវេលាផ្ទាល់ខ្លួន។
៤. គិតបែបឈ្នះ-ឈ្នះ (Think Win-Win)
បង្រៀនឲ្យក្មេងៗមានគំនិតវិជ្ជមាន គិតពីផលប្រយោជន៍រួម ចេះជួយអ្នកដទៃ ចេះគោរពអ្នកដទៃ មិនយកការប្រកួតប្រជែងជាធំ។
៥. ស្តាប់គេឲ្យយល់សិន មុននឹងឲ្យគេយល់យើង (Seek First to Understand, Then to Be Understood)
ទម្លាប់មួយនេះសំខាន់ខ្លាំងមែនទែន ព្រោះពាក់ព័ន្ធនឹងការសម្រេចចិត្ត។ វាបង្រៀនឲ្យក្មេងសម័យនេះ ចេះស្ដាប់ ឬស្វែងយល់ពីគំនិតយោបល់អ្នកដទៃ ត្រិះរិះពិចារណាត្រឹមត្រូវ ហ៊ានសម្រេចចិត្តដោះស្រាយបញ្ហាបន្ទាប់ពីពិចារណាគ្រប់ជ្រុងជ្រោយ។
៦. សហការគ្នាដើម្បីប្រយោជន៍រួម (Synergize)
មានន័យថា សាមគ្គីភាព។ អ៊ីចឹង ទម្លាប់នេះបង្រៀនឲ្យក្មេងមានអធ្យាស្រ័យ គោរពគ្នា ធ្វើការងារជាក្រុម ជំនាញនិយាយ ដោះស្រាយបញ្ហា និង ឲ្យតម្លៃ និងទទួលស្គាល់ភាពខុសគ្នា។
៧. បន្តការអភិវឌ្ឍខ្លួន (Sharpen the Saw)
បន្ទាប់ពីដុសខាត់ទម្លាប់ទាំង ៦ ខាងលើហើយ ទម្លាប់ចុងក្រោយនេះ ជាផ្នែកសំខាន់ជាងគេ ព្រោះបង្រៀនឲ្យក្មេងៗចេះអភិវឌ្ឍខ្លួនឯង ដោយគេត្រូវចេះថែរក្សាសុខភាពរាងកាយ ផ្លូវចិត្ត និងវិញ្ញាណ។ គេចាប់ផ្ដើមយល់ថា គេអាចរៀនរបស់ថ្មីបានគ្រប់កាលៈទេសៈក្នុងជីវិតរបស់គេ និងតម្លៃពីការចំណាយពេលជាមួយគ្រួសារ និងមិត្តភ័ក្ដិ ព្រមទាំងតម្លៃសុខភាព។
បើចង់ឲ្យកូនតូចៗមានមូលដ្ឋានទាំងអស់ខាងលើ ឪពុកម្ដាយគួរបញ្ជូនកូនទៅរៀននៅសាលាណាដែលមិនត្រឹមតែបង្រៀនចំណេះដឹងនោះតែ តែបង្រៀនទាំងជំនាញទន់អភិវឌ្ឍខ្លួនឯងក្នុងសតវត្សទី២១ ដូចជា “The 7 Habits” អ៊ីចឹង។
សាលាអន្តរជាតិ AppleTree ជាជម្រើសល្អ ព្រោះសាលានេះ មិនត្រឹមមានកម្មវិធីសិក្សាចំណេះដឹងទូទៅល្អប៉ុណ្ណោះទេ ថែមទាំងមានកម្មវិធីសិក្សាបន្ថែមលើ 7 Habits ពីអាមេរិក ដើម្បីបណ្ដុះសិស្សឲ្យមានជំនាញអភិវឌ្ឍខ្លួននាសតវត្សទី២១ ឲ្យមានភាពជាអ្នកដឹកនាំទៀតផង។ ក្នុងនោះ សាលាក៏មានបន្ថែមកម្មវិធីបង្រៀនពីរបៀបគ្រប់គ្រងហិរញ្ញវត្ថុមាន License ពីសិង្ហបុរី កម្មវិធីពិសោធវិទ្យាសាស្ត្រពីម៉ាឡេស៊ី និងកម្មវិធីសិក្សាបែបអនុវត្តផ្ទាល់ (Project-Based Learning) ដែលនាំឲ្យក្មេងឈ្លាសវៃ ចេះគ្រប់គ្រងចំណាយចំណូល មានគំនិតច្នៃប្រឌិត និងចេះធ្វើការងារជាក្រុម-ល-។
AppleTree ជាសាលាចំណេះទូទៅដែលផ្អែកតាមកម្មវិធីសិក្សាស្តង់ដារអាមេរិក ដែលបង្រៀន ៣ ភាសាក្នុងពេលតែមួយគឺ ខ្មែរ-ចិន-អង់គ្លេស មានទីតាំងនៅលើផ្លូវ២៧១ ទល់មុខមន្ទីរពេទ្យលោកសង្ឃ ឬអាចទាក់ទងតាមលេខ 095 234 168 / 087 999 168 ឬចូលវិបសាយ www.appletree.education ៕