ហេតុអ្វីមនុស្សស្រីកាន់តែរឹងមាំកាន់តែពិបាករកបានស្នេហា?
- 2017-08-25 03:48:31
- ចំនួនមតិ 0 | ចំនួនចែករំលែក 0
ហេតុអ្វីមនុស្សស្រីកាន់តែរឹងមាំកាន់តែពិបាករកបានស្នេហា?
នៅពេលខ្លះមិនមែនឲ្យតែរឹងមាំដឹងតែល្អនោះទេ ជាពិសេសគឺនៅក្នុងរឿងមនោសញ្ចេតនា។
នៅពេលមនុស្សស្រីរឹងមាំរកមិនឃើញស្នេហារបស់ខ្លួន កុំទាន់បន្ទោសនឹងវាសនាអី ត្រូវមើលនឹងមូលហេតុខាងក្រោមទាំងនេះសិន។
១. មិនចូលចិត្តអារម្មណ៍ស្កប់ស្កល់
មនុស្សស្រីរឹងមាំជាប្រភេទមនុស្សដែលដឹងច្បាស់ពីតម្លៃរបស់ខ្លួនឯង និងលើកកម្ពស់សមត្ថភាពរបស់ខ្លួន ហើយមិនចូលចិត្តអារម្មណ៍ដែលស្កប់ស្កល់នោះឡើយ។ នៅក្នុងរឿងស្នេហា កុំឲ្យនាងត្រូវជ្រើសរើសឲ្យសោះ ព្រោះស្រលាញ់គឺស្រលាញ់ តែគោលដៅរបស់នាងគឺនាងនៅតែខំប្រឹងយកទាល់តែបាន មិនមែនដោយសារតែស្នេហាហើយលះបង់អាជីពនោះឡើយ។
២. ងាយស្រួលធ្វើឲ្យបុរសមានអារម្មណ៍មានសម្ពាធ
មនុស្សស្រីរឹងមាំនឹងគ្មានថ្ងៃធ្វើរំអួយដាក់បុរសនោះឡើយ ថែមទាំងគិតថាទង្វើនេះគឺគួរឲ្យអាម៉ាស់ទៀតផង។ ជំនួសឲ្យការរកខ្នងបង្អែកពីអ្នកដទៃ នាងនឹងធ្វើជាខ្នងបង្អែកសម្រាប់ខ្លួនឯង។ នោះក៏ជាមូលហេតុធ្វើឲ្យបុរសដែលចាប់ចិត្តលើនាងមានអារម្មណ៍ថានាងមានប្រៀបជាងដែរ។
៣. មិនជឿ និងមិនត្រូវការមនុស្សប្រុស
ខុសពីប្រភេទមនុស្សស្រីដទៃ មនុស្សស្រីរឹងមាំនឹងមិនជឿមនុស្សប្រុសទាំងស្រុងនោះឡើយ ហើយក៏មិនអនុញ្ញាតឲ្យខ្លួនឯងពឹងផ្អែកលើគេដែរ។ ព្រោះនាងដឹងច្បាស់ថារំពឹងកាន់តែខ្ពស់ ការអាក់អន់ចិត្តកាន់តែខ្លាំង។
៤. តែងតែចេះរៀបចំផ្លូវជីវិតរបស់ខ្លួន
កុំសង្ឃឹមថាអ្នកអាចផ្លាស់ប្ដូរវិថីជីវិតរបស់នាងឲ្យសោះ។ សម្រាប់មនុស្សស្រីប្រភេទនេះ បើសិនសង្សារមិនគាំទ្រនឹងគម្រោងការក្នុងជីវិតរបស់នាងទេ នោះអ្នកដែលនាងផ្លាស់ប្ដូរគឺជាសង្សារហើយមិនមែនជាផែនការជីវិតរបស់នាងឡើយ។
៥. ចេះប្រឈមមុខនឹងការបដិសេធ
ប្រសិនបើអ្នកបានមនុស្សស្រីរឹងមាំសុំស្រលាញ់ នោះគឺជាសំណាងរបស់អ្នក។ តែបើអ្នកបដិសេធនាង នាងនៅតែគោរពអ្នកហើយមិនទុកឲ្យរឿងនេះធ្វើទុក្ខនាងឡើយ។ ដោយសារតែនាងមិនទន់ខ្សោយ នាងអាចប្រឈមមុខនឹងការបដិសេធនេះដោយគ្មានបញ្ហា៕