ជំងឺស្បែកទាំង ៤ អាចត្រឹមតែទប់ស្កាត់ប៉ុន្តែមិនអាចព្យាបាលបាន

2017-10-11 04:49:10
ចំនួនមតិ 0 | ចំនួនចែករំលែក 0

វិទ្យាសាស្ត្រកាន់តែជឿនលឿន រឿងរ៉ាវប្លែកៗក៏ចេះតែកើតមាន ហើយបើនិយាយពីជំងឺវិញក៏រាតត្បាតសឹងតែរកថ្នាំព្យាបាលមិនទាន់ដែរ។ ដោយឡែក ចំពោះជំងឺស្បែកទាំង ៤ ខាងក្រោមនេះវិញ ត្រូវបានគេអះអាងថាប្រសិនវាកើតលើស្បែកអ្នកហើយ គឺមិនអាចព្យាបាលឱ្យជាដាច់បានទេ ប៉ុន្តែមានតែវិធីទប់ស្កាត់វាមិនឱ្យរីករាលដាលប៉ុណ្ណោះ៖

១. ជំងឺត្រអក ឬត្រឈាម (Eczema) វាអាចបណ្តាលមកពីការប្រតិកម្មជាមួយបរិយាកាសខាងក្រៅ ឬចំណីអាហារ ហើយសភាពស្បែកគឺមានលក្ខណៈពកៗដូចរលាក។ វិធីទប់ស្កាត់នោះគឺប្រើប្រាស់ថ្នាំ អង់ទីប៊ីយូទិក (Antibiotics)។

២. មុន យុវវ័យភាគច្រើនតែងតែជួបបញ្ហាកើតមុន ដែលបណ្តាលមកពីការស្ទះរន្ធញើស ជាតិខ្លាញ់ ឬបម្រែបម្រួលអ័រម៉ុនក្នុងរាងកាយ។ វិធីធម្មជាតិមួយចំនួនអាចធ្វើឱ្យអ្នកទប់ស្កាត់ការកើតមុនបានប៉ុន្តែមិនអាចហាមមិនឱ្យវាកើតឡើងម្តងទៀតបានទេ។ ចុចអាន៖វិធីព្យាបាលមុនងាយៗដោយប្រើគ្រឿងផ្សំនៅផ្ទះ

៣. ស្នាមសង្វា មិនកើតឡើងចំពោះអ្នកទើបសម្រាលកូនរួចទេ មនុស្សទូទៅក៏អាចមានវាដែរ។ មានតែការកែសម្ផស្សឬប្រើប្រាស់ផលិតផលប៉ុណ្ណោះទើបអាចធានាថាវារលុបបាន។

៤. រលាកស្បែក (Contact Dermatitis) កើតឡើងដោយសារការអាឡែស៊ី ដែលធ្វើឱ្យស្បែករមាស់ហើយទៅជារលាក។ ប្រើថ្នាំលាបអាចទប់ស្កាត់វាបានតែមិនប្រាកដថាវាមិនកើតឡើងវិញម្តងទៀតទេ៕