អាកាសធាតុបច្ចុប្បន្ននេះ តែងតែប្រែប្រួល ថ្ងៃខ្លះត្រជាក់ ថ្ងៃខ្លះក្ដៅ ហើយក្តៅខ្លាំង​ ដែលអាចឲ្យសីតុណ្ហភាពឡើងដល់ ៤០ អង្សាសេ ក៏មានដែរ។ ដូច្នេះអ្នកប្រហែលជាត្រូវការត្រជាក់ ឬចង់នៅតែជាមួយម៉ាស៊ីនត្រជាក់ ២៤/៧ ឬនៅតែពីមុខកង្ហារពេញមួយថ្ងៃក៏អាចថាបាន។ តែទោះជាយ៉ាងណាក៏ដោយ ទង្វើទាំងនេះវាមិនល្អសម្រាប់សុខភាពឡើយ ហើយបើងាកមកកាន់ថ្លៃរអគ្គិសនីរបស់អ្នកក៏កើនឡើងច្រើនទ្វេរដងផងដែរ។

យ៉ាងណាមិញ អ្នកអាចជំនួសមកវិញ ដោយរួមបញ្ចូលគ្នានូវការអនុវត្តតិចនិចសាមញ្ញៗមួយចំនួន ដើម្បីកាត់បន្ថយកម្ដៅក្នុងកន្លែងរស់នៅរបស់អ្នក ដូចជាការផ្លាស់ប្តូរប្រភេទកម្រាលពូក ការរចនាដាក់បន្ថែមវាំងនននៅបង្អួច ឬធ្វើវីធីផ្សេងៗឲ្យមានភាពត្រជាក់ពីខាងក្នុងរាងកាយរបស់អ្នក។ ខាងក្រោមនេះ ជាតិចនិចងាយៗ អាចជួយអ្នកឲ្យត្រជាក់បាន ដោយមិនចាំបាច់មានម៉ាស៊ីនត្រជាក់៖

១.បិទ និង បើកទ្វារបន្ទប់នៅពេលវេលាណាមួយឲ្យសមស្រប ក្នុងអំឡុងពេលកម្ក្តៅនៃថ្ងៃ ការបិទទ្វារបន្ទប់ដែលមិនប្រើនៅក្នុងផ្ទះ នឹងការពារខ្យល់ត្រជាក់ពីការចូលទៅក្នុងកន្លែងនានា។ ហើយមក ដល់ ពេល យប់ ត្រជាក់ អ្នក អាច បើកទ្វារ ដើម្បី ទាញ យក ប្រយោជន៍ ពី ចរន្ត ខ្យល់ ធម្មជាតិបាន។

២.បិទវាំងនន នេះគឺជាគន្លឹះដ៏សាមញ្ញ ប៉ុន្តែមានប្រសិទ្ធភាព។ ការប្រើប្រាស់វាំងនន ឬរបាំងការពារស្រដៀងគ្នា អាចជួយកាត់បន្ថយសីតុណ្ហភាពនៅក្នុងផ្ទះរបស់អ្នក និងសន្សំសំចៃលើវិក្កយបត្រអគ្គិសនី។ ម្យ៉ាងវិញទៀត ការបិទវាំងនន នឹងជួយការពារផ្ទះរបស់អ្នកពីកត្តាផ្សេងៗ ជាពិសេសបើបង្អួចបែរមុខទៅទិសខាងត្បូង ឬខាងលិច។ គួរ ទិញវាំងនន ក្រាស់ និង ពណ៌ ស្រាល ឬ លាយ វាំងនន ២-៣ ប្រភេទចូលគ្នា ដើម្បី ទទួល បាន ឥទ្ធិពល អ៊ីសូឡង់ ល្អ បំផុត។

៣.ផ្លាស់ប្តូរកម្រាលពូក ការផ្លាស់ប្តូរគ្រែទៅតាមរដូវកាល មិនត្រឹមតែជួយធ្វើឲ្យបន្ទប់គេងរបស់អ្នកស្រស់ស្រាយប៉ុណ្ណោះទេ ថែមទាំងជាវិធីដ៏មានប្រសិទ្ធភាពក្នុងការធ្វើឲ្យត្រជាក់ផងដែរ។ ខណៈពេលដែលក្រណាត់វាធ្វើការសំយោគ ពូកកប្បាសនឹងធ្វើឲ្យអ្នកត្រជាក់ និងមានផាសុកភាពក្នុងសីតុណ្ហភាពក្តៅ។ ការប្តូរទៅជាការក្រាលកន្ទេល ឬប្រើខ្នើយ និងខ្នើយក្រណាត់ទន់ៗ ក៏ជាជម្រើសដ៏គួរឲ្យទាក់ទាញសម្រាប់រដូវក្តៅផងដែរ។ ទោះជាយ៉ាងនេះក្តី អ្នកត្រូវពិនិត្យ និងជ្រើសរើសទិញផលិតផលដែលមានគុណភាពល្អ ដើម្បីចៀសវាងការ បែកញើស និងជ្រាបទឹកនៅពេលប្រើប្រាស់។

៤.ទាញយកអត្ថប្រយោជន៍ពីការបំភាយ ជំនួសឲ្យការពឹងផ្អែកលើម៉ាស៊ីនត្រជាក់ អ្នកអាចយកទឹកកកដាក់ក្នុងចានធំមួយ ឬដាក់របស់ដែលត្រជាក់ផ្សេងៗនៅពីមុខកង្ហារ។ អ្នកនឹងអាចទទួលបានខ្យល់កាន់តែត្រជាក់ និងស្រស់ស្រាយជាងមុន។ លើសពីនេះទៅទៀត សូមបើកកង្ហារខ្យល់នៅក្នុងផ្ទះបាយ និងបន្ទប់ទឹក ប្រសិនបើមាន។ វានឹងជួយទាញខ្យល់ក្តៅបន្ទាប់ពីអ្នកចម្អិនអាហារ ឬសំណើមបន្ទប់ទឹកចេញទៅក្រៅផ្ទះបានលឿន។

៥.ធ្វើឲ្យរាងកាយត្រជាក់ពីខាងក្នុង ការធ្វើឲ្យរាងកាយត្រជាក់ពីខាងក្នុង អាចជួយបន្ថយកម្ដៅ ឬការក្ដៅរបស់អ្នក។ អ្នក អាច ពិសា ភេសជ្ជៈ ត្រជាក់ៗ ស្លៀក សម្លៀក បំពាក់ ត្រជាក់ៗ ល្ហើយៗ ឬ យក ក្រណាត់ ត្រជាក់ មក លាប ត្រង់ កន្លែងផ្សេងៗ ដូចជា ក និង ក ដៃជាដើម។ ម្យ៉ាងទៀត អ្នកអាចព្យាយាមរក្សាអាងទឹកត្រជាក់មួយនៅក្បែរអ្នក ដើម្បីត្រាំជើងរបស់អ្នកនៅពេលដែលមានអារម្មណ៍ក្តៅគួរឲ្យធុញ។