មនុស្សដែលមានគំនិតលាក់ពុតក្នុងចិត្ត តែងតែត្រូវបានមនុស្សជុំវិញខ្លួនមិនសូវចូលចិត្តប៉ុន្មាននោះទេ ព្រោះមនុស្សប្រភេទនេះជាមនុស្សដែលគិតតែពីប្រយោជន៏ផ្ទាល់ខ្លួន គិតពីខ្លួនឯងជាធំ។ ខាងក្រោមនេះគឺជាទម្លាប់លាក់ពុតរបស់មនុស្សដែលមាន៥ចំណុច ធ្វើឲ្យមនុស្សជុំវិញខ្លួនពិបាកទទួលយក នោះគី៖

១ មនុស្សម្នាក់នោះ អាត្មានិយម និងមិនយកចិត្តទុកដាក់លើអារម្មណ៌អ្នកដទៃ

មនុស្សទាំងនេះភាគច្រើនគិតតែពីផលប្រយោជន៍ផ្ទាល់ខ្លួននៅពេលទំនាក់ទំនងជាមួយអ្នកដ៏ទៃ ដរាបណាពួកគេមានអារម្មណ៍ស្រួល ហើយពួកគេមិនខ្វល់ពីអ្នកដទៃ មនុស្សបែបនេះគឺអាត្មានិយមបំផុត។ ពេលអ្នកដទៃសុំគេធ្វើអ្វីមួយ អ្វីដែលគេគិតមុនគេគឺការចំណេញ និងការខាតរបស់ខ្លួន គេនឹងមិនដាក់ខ្លួនឯងក្នុងដៃអ្នកដទៃឡើយ។ ដូចនេះយើងគួរនៅឲ្យឆ្ងាយពីមនុស្សប្រភេទនេះ។

២ មនុស្សនៅពីមុខនិងពីក្រោយគឺជាមនុស្សពីរផ្សេងគ្នា

អ្នកខ្លះហៅគ្នាថាស្និទ្ធស្នាលនៅមុខគ្នាដូចបងប្អូន តែក្នុងចិត្តបែរជាគិតមិនល្អពីអ្នកដ៏ទៃ ហើយនិយាយបង្កាច់បង្ខូចគេ។ ពេលនៅពីមុខអ្នក មានអារម្មណ៍វិជ្ជមាន អាណិតអាសូរ សុភាព និងចិត្តល្អ ប៉ុន្តែនៅពីក្រោយខ្នងអ្នកជាមនុស្សចង្អៀត ហើយក្នុងចិត្តអ្នកតែងតែរិះគន់អ្នកដ៏ទៃ។ បើយើងជួបមនុស្សប្រភេទនេះ យើងត្រូវរក្សាចម្ងាយខ្លួនដើម្បីជៀសវាងបញ្ហា។

៣ មិនគោរពហើយគ្មានសីលធម៌

បុគ្គលមានពុតត្បុត មិនសូវមានភាពអៀនខ្មាស និងមិនមានសីលធម៌ក្នុងខ្លួន ដែលគេបានធ្វើនោះទេ ។ នៅពេលដែលអំពើអាក្រក់របស់ពួកគេត្រូវបានលាតត្រដាង ពួកគេនឹងប្រើលេស និងកុហកគ្រប់បែបយ៉ាងដើម្បីបិទបាំង និងការពារខ្លួន។

៤ មនុស្សម្នាក់នោះតែងមានមោទនភាពលើខ្លួនឯងពេក

មនុស្សដែលមានអំនួតពេក គេដឹងពីរបៀបដែលខ្លួនឯងធ្វើ ទោះក្នុងស្ថានភាពបែបណាក៏ដោយ ដោយមិនខ្វល់ពីអារម្មណ៌របស់អ្នកដ៏ទៃឡើយ។ ពួកគេតែងតែមានអារម្មណ៍ល្អលើសគេ ហើយឈ្លក់វង្វេងនឹងការទាក់ទាញចំណាប់អារម្មណ៍ពីអ្នកជុំវិញខ្លួន។ ពួកគេជាមនុស្សអត្មានិយម ព្យាយាមគ្រប់គ្រងអ្នកដទៃ មិនអើពើនឹងអារម្មណ៍អ្នកដទៃ មិនទទួលស្គាល់កំហុសរបស់ខ្លួន តែងតែគិតថាខ្លួនត្រូវ ពួកគេតែងតែត្រូវ។

៥ មនុស្សមានពុតតែងមាននិស្ស័យមិនល្អ

ដើម្បីវិនិច្ឆ័យថាមនុស្សលាក់ពុតឬអត់ ត្រូវតែស្តាប់នូវវិចារណញាណរបស់មនុស្សនោះ។ ការអន់ចិត្តជាញឹកញាប់ជាប្រតិកម្មរបស់មនុស្សតាមសភាវគតិនៅពេលដែលមនុស្សមានសុខភាពផ្លូវចិត្តជួបប្រទះនឹងការលាក់ពុត និងចរិតអាក្រក់។ ថាមពលដែលបញ្ចេញពីមនុស្សលាក់ពុត គឺពោរពេញទៅដោយការបោកបញ្ឆោត និងអំពើអាក្រក់ ធ្វើឱ្យមនុស្សមិនសប្បាយចិត្ត មិនចង់ធ្វើការជាមួយពួកគេ ហើយថែមទាំងមិនចង់សេពគប់ជាមួយពួកគេទៀតផង។

ប្រភព៖ phunutoday