មិនខុសគ្នាពីពាក្យដែលគេតែងនិយាយថា ឲ្យតែអ្នកមានភាគច្រើនមានការគិត ឬគម្រោងក្នុងជីវិតស្រដៀងគ្នាខ្លាំងណាស់។ ពួកគេមិនបណ្តោយឲ្យពេលវេលាកន្លងផុតទៅទទេៗ ដោយមិនបានគិតគូរខ្វាយខ្វល់ពីអ្វីទាល់តែសោះនោះទេ។ ការខិតខំប្រឹងប្រែងចាប់តាំងពីជំហានដំបូង គឺជាស្ពានដើម្បីចម្លងទៅកាន់ទីកន្លែងដែលអាចទទួលផលផ្លែផ្កាទៅថ្ងៃមុខ។ ទម្រាំអាចមានទ្រព្យសម្បត្តិស្តុកស្តម មានភាពសប្បាយរីករាយ មានលំនឹងនិងស្គាល់ភាពជោគជ័យទាំងវ័យក្មេង អ្នកមានតែងមានចំណុចគិតដូចគ្នាជាច្រើន។

- មិនអៀនខ្មាសពេលនិយាយទាក់ទងទៅដល់រឿងលុយកាក់

• ជ្រើសរើសវិធីសប្បាយរីករាយក្នុងការបង្កើតលុយ

• មានលុយតិចតួចដាក់ក្នុងហោប៉ៅ

• មិនរារែកនឹងរៀនអ្វីថ្មីៗ

• ហ៊ានចំណាយដើមទុនទៅវិនិយោគដើម្បីបង្កើតលុយ

• មានការកំណត់គោលដៅនៃចំណូលច្បាស់លាស់

• គិតពីការលូតលាស់អភិវឌ្ឍសមត្ថភាពជានិច្ច

• មិនដែលគិតថាពេលមានលុយច្រើន ធ្វើឲ្យខ្លួនឯងមិនសប្បាយចិត្តនោះឡើយ

• ផ្តល់រង្វាន់ឲ្យខ្លួនឯងរាល់ពេលសម្រេចកិច្ចការអ្វីមួយបានជោគជ័យ

• មិនចំណាយពេលទាំងស្រុងតែលើការងារមួយមុខ

• មិនមែនជាមនុស្សដែលចេះដឹងសព្វគ្រប់នោះទេ ប៉ុន្តែតែងចេះសង្កេតនិងព្យាយាមអនុវត្តបន្តិចម្តងៗ

• មានតិចនិកល្អក្នុងការគ្រប់គ្រងនិងបង្គាប់បញ្ជាអ្នកដទៃ

• មិនស្តាយលុយនឹងចំណាយលើអ្វីដែលអាចផ្តល់ផលប្រយោជន៍មកវិញ

• ស្រលាញ់និងគិតគូរដល់ក្រុមគ្រួសារគ្រប់ពេលវេលា

• ប្រកាន់អត្តចរិតបែបត្រួតត្រា រឹងរូស ហើយជួនកាលក៏ស្ងៀមស្ងាត់ដែរ

• ចូលចិត្តស្តាប់ច្រើនជាងនិយាយ

• តែងកោតស្ងប់ស្ងែងនិងចង់យកគំរូតាមអ្នកមានៗ

• មានការគិតធំជាងមនុស្សទូទៅ

• មិនខ្លាចក្នុងការធ្វើអ្វីដែលអ្នកផ្សេងគិតថាទៅមិនរួច

• ស្វះស្វែងរកឱកាសដោយខ្លួនឯង និងមិនចូលចិត្តប្រើពាក្យថា "ចាំ”

• យល់ច្បាស់ពីហានភ័យប៉ុន្តែនៅតែក្លាហានជានិច្ច

• បែងចែកចំណាយលុយមួយភាគតូចដើម្បីជួយអ្នកដទៃ

• ឲ្យតម្លៃពេលវេលាជាងអ្វីទាំងអស់

• ធ្វើការដោយមិនលាក់កម្លាំង មិនខ្លាចភាពនឿយហត់ មិនសូវខ្វល់ពីគំនិតអ្នកដទៃ និងមិនសូវចេះនៅស្ងៀមទំនេរឡើយ៕

ចុចអានបន្ត៖ ក្លាយ​ជា​មនុស្ស​ថ្មី​ម្នាក់​​ភ្លាម​ៗ ពេល​អ្នក​អាច​ធ្វើ​រឿង ៤ យ៉ាង​នេះ​បាន