ចាប់បានអ្នកដឹកនាំរឿងប្រុសល្បីឈ្មោះ ចូលអូតែលជាមួយតារាប្រុស ហើយជួយជ្រោមជ្រែងទៀត

2021-04-09 03:30:00
ចំនួនមតិ 0 | ចំនួនចែករំលែក 0

ក្រោយពេលត្រូវបានគេរកឃើញថា បានជួយជ្រោមជ្រែងតារាសម្ដែងប្រុសថ្មីហើយ នៅពេលនេះ អ្នកនិពន្ធ និងដឹកនាំល្បីឈ្មោះ Guo Jing Ming ត្រូវបានប្រទះឃើញចូលសណ្ឋាគារ និងតារាទើបរះ He Chang Xi ទៀត។

កាលពីព្រឹកថ្ងៃទី ៧ ខែមេសាមុននេះ បណ្ដាញព័ត៌មាន Ifeng បានធ្វើឲ្យទស្សនិកជនស្ទើរទាំងប្រទេសកក្រើកមួយសារ ដោយសារតែប្រភពមួយនេះ បានរាយការណ៍ពីកម្រងរូបភាពចូលសណ្ឋាគាររបស់អ្នកនិពន្ធរឿងល្បីឈ្មោះ Guo Jing Ming និងតារាសម្ដែង-ចម្រៀងកំពុងឡើងកូដ He Chang Xi។

តាមនោះដែរ ក្រោយពេលទទួលទានអាហារពេលល្ងាចជាមួយគ្នា សិល្បករតារាទាំង២ បានបណ្ដើរគ្នាចូលសណ្ឋាគារលំដាប់ខ្ពស់មួយ។ ទោះបីជាបានពាក់ម៉ាសយ៉ាងជិតហើយមែនពិត តែគេនៅតែមើលដឹងថាជាតារាប្រុសល្បីឈ្មោះទាំង២នេះដដែរ។

អ្វីដែលរឹតតែគួរចាប់អារម្មណ៍នោះគឺ មុននោះបន្តិច នៅក្នុងកម្មវិធីប្រលងតារាសម្ដែង I am Actor ដែលប្រុសស្អាត២៤ឆ្នាំ សម្ដែងឈុតក្នុងរឿង The Untamed នោះ ត្រូវបានគេសង្កេតមានសមត្ថភាពខ្សោយនៅឡើយទេ តែអ្នកដឹកនាំរឿង ៣៧ឆ្នាំ បែរជាឲ្យកាត S (កាតរបស់ គណកម្មការដែលមានសិទ្ធិប្រើតែម្ដង ហើយអាចចូលដល់វគ្គជម្រុះតែម្ដង ទោះបីជាគណៈកម្មការផ្សេងឲ្យធ្លាក់ក៏ដោយ)។ នេះបង្ហាញឲ្យឃើញថា អ្នកដឹកនាំរឿងនេះ មានមនោសញ្ចេតនាពិសេសដល់តារាស្រករម្នាក់នេះយ៉ាងច្បាស់ក្រឡែត។ ដើម្បីសម្ដែងឈុតខាងលើ គេឃើញយ៉ាងច្បាស់ថា លោកបានប្រើថ្នាំបន្តក់ភ្នែក ព្រោះមិនអាចយំបាន។

ក្រោយពេលបែកធ្លាយរូបចូលសណ្ឋាគារជាមួយគ្នានេះទៀត គេជឿស្ទើតែ១០០%ថា ប្រុសស្អាតកើតឆ្នាំ ១៩៩៧ ពិតជាបានលះបង់មនោសញ្ចេតនា ដើម្បីភាពល្បីឈ្មោះយ៉ាងច្បាស់ក្រឡែត។ យ៉ាងណាក្ដី សាមីខ្លួនទាំង២មិនបានចេញមុខបកស្រាយអ្វីទាំងអស់៕