Victoria Beckham ទម្លាយអាថ៍កំបាំងឲ្យក្មេងដូចស្រីក្រមុំ ទោះមានអាយុ៤៧ឆ្នាំហើយក៏ដោយ
- 2021-04-01 02:50:00
- ចំនួនមតិ 0 | ចំនួនចែករំលែក 0
Victoria Beckham ទម្លាយអាថ៍កំបាំងឲ្យក្មេងដូចស្រីក្រមុំ ទោះមានអាយុ៤៧ឆ្នាំហើយក៏ដោយ
ដើម្បីមានរាងស្អាត និងសម្រស់វ័យក្មេង សាច់ចាំបានយូរ តារាចម្រៀង និងអ្នកច្នៃម៉ូដល្បីឈ្មោះអង់គ្លេស Victoria Beckham ត្រូវមានរបបអាហារដែលវិទ្យាសាស្ត្រ និងសម្រិតសម្រាំងឡើងពិសេសសម្រាប់ខ្លួន។
មុននេះបន្តិច ទស្សនាវដ្ដី Hello Megazine បានទទួលចំណាប់អារម្មណ៍ជាខ្លាំង នៅពេលបង្ហោះរបបអាហារពេលថ្ងៃត្រង់របស់កំពូលតារាចម្រៀងស្រី Victoria Beckham ភរិយារបស់តារាបាល់ទាត់ David Beckham។ ប្រភពខាងលើ បានឲ្យដឹងថា សម្រាប់អាហារថ្ងៃត្រង់ អ្នកម្ដាយកូន៤ ទទួលទានតិចជាទីបំផុត ដោយនាងញ៉ាំត្រីសាម៉ុនបន្តិច និងផ្លែប័រកន្លះផ្លែ។
សមាជិកក្រុមចម្រៀង Spice Girls បានឲ្យដឹងថា ខ្លួនមិនញ៉ាំឈីស និងទឹកដោះគោជាដាច់ខាត ហើយផ្លែប័រគឺជាផ្លែដែលអ្នកច្នៃម៉ូដខោអាវរូបនេះ ប្រាប់អ្នកទាំងអស់គ្នាគួរតែទទួលទាន។
និយាយពីវិធីថែសម្រស់ឲ្យក្មេងជាងវ័យ ទោះមានវ័យ៤៧ឆ្នាំក៏ដោយ Victoria បានឲ្យដឹងថា ខ្លួនញ៉ាំផ្លែប័រពី ៣ ទៅ៤ផ្លែជារៀងរាល់ថ្ងៃ ដើម្បីឲ្យស្បែកនៅតែតឹងណែនល្អ។ ជាពិសេសត្រីសាម៉ុនឆៅ គឺជាម្ហូបដែលមិនអាចខ្វះជាប្រចាំថ្ងៃរបស់នាង។ បណ្ដាញព័ត៌មាន HuffPost បានឲ្យដឹងថា របបអាហាររបស់ប្រពន្ធ Beckham ញ៉ាំគឺល្អបំផុត ព្រោះវាបង្ការទាំងការឡើងមុន និងភាពចាស់ជ្រីវជ្រួញ។
សមាជិកក្នុងគ្រួសារសុទ្ធតែអត់នឹងមិនសរសើរចំពោះការញ៉ាំម្ហូបដដែលរបស់អ្នកម្ដាយរូបនេះ ត្បិតពួកគេមិនអាចធ្វើបាននោះឡើយ៕