ជ្រើសរូបដើម្បីទទួលបានដំបូន្មានដល់អ្នកឲ្យរឹងប៉ឹងជាងមុន ក្នុងខែមេសាខាងមុខនេះ

2021-03-29 04:05:00
ចំនួនមតិ 0 | ចំនួនចែករំលែក 0

តើក្នុងខែមេសាខាងមុខ អ្នកគួរពង្រឹងខ្លួនឯងលើចំណុចអ្វីខ្លះ?

រូបទី១

ជីវិតរបស់អ្នក ត្រូវបានគេកំណត់ដោយការលះបង់ និងទេពកោសល្យ

អ្នកជាមនុស្សដែលតែងមានជំនឿចិត្តយ៉ាងមុតមាំថា ការខំប្រឹងអស់ពីចិត្ត មិនយូរមិនឆាប់បុគ្គលនោះនឹងទទួលបានការតបស្នងមកវិញ។ យ៉ាងណាទោះមានជំនឿបែបនេះក៏ដោយ ពេលខ្លះអ្នកពិបាកដាក់ចិត្តរបស់អ្នកទាំងស្រុងឲ្យសម្រេចទៅតាមគម្រោង។ ហេតុផលគឺថា អ្នកនៅបារម្ភខ្លាចបរាជ័យ ហើយគិតថា បើអ្នកចុះចាញ់នោះអ្នកនឹងឈឺចាប់ រងទុក្ខវេទនា។ ដូច្នេះ អ្នកត្រលប់មកគិតវិញថា ប្រសិនបើអ្នកកាន់តែព្យាយាម នោះអ្នកនឹងទទួលបានលទ្ធផលមិនខាន។

ម្ល៉ោះហើយអ្នកត្រូវចាំថា សុភមង្គល សេចក្តីសុខ សុទ្ធតែបង្កើតឡើងដោយសារបុគ្គលខ្លួនឯង ដូច្នេះអ្នកគួរបំពេញអ្វីមួយដោយបេះដូង ក្តីស្រលាញ់ និងភាពជឿជាក់។

រូបទី២

ភាពសោកសៅ និងអារម្មណ៍ស្រពិចស្រពិលហាក់កើតឡើងម្តងហើយម្តងទៀតក្នុងជីវិតរបស់អ្នក

អ្នកចូលចិត្តប្រកាន់ភ្ជាប់រឿងពីអតីតដែលធ្លាប់ឆ្លងកាត់ច្រើនពេកហើយ។ ដូច្នេះ ដើម្បីកាត់បន្ថយចំណុចអវិជ្ជមាននេះ អ្នកត្រូវរៀនស្វែងយល់ថា រឿងរ៉ាវនៅពេលបច្ចុប្បន្នបានផ្លាស់ប្តូរហើយ។ ប្រសិនបើមានរឿងកាលពីអតីតកាលវានឹងមិនអាចរារាំងអ្នក ហើយវាក៏គ្មានសុពលភាពទៀតដែរ។

ដូចនេះ ដើម្បីពង្រឹងខ្សែជីវិតរបស់អ្នកឲ្យល្អប្រសើរ សូមកុំបារម្ភច្រើននិងគិតអ្វីអវិជ្ជមាន។ នេះជាពេលវេលារបស់អ្នកហើយ ដូច្នេះត្រូវចងចាំថា រឿងដែលកើតឡើងមានតែក្នុងបច្ចុប្បន្នកាល ឥលូវនេះ ពេលនេះ ប៉ុណ្ណោះ។

រូបទី៣

ពេលវេលានៃការចែករំលែក

រាល់សកម្មភាព វាតែងតែជះត្រលប់មកជាមួយនឹងការរិះគន់របស់អ្នកដទៃចៀសមិនផុត ហេតុនេះប្រសិនបើអ្នកធ្វើរឿងអ្វីមួយពេញដោយក្តីស្រលាញ់ នោះអ្នកនឹងទទួលបានភាពសប្បាយរីករាយពេញបរិបូរណ៍ និងភាពពេញលេញមួយ។

តាមពិតទៅ អ្នកជាមនុស្សចិត្តល្អហើយ តែពេលខ្លះអ្នកគ្រាន់តែកង្វះការបង្ហាញ និងការយល់ចិត្ត។ ដូច្នេះ សូមព្យាយាមយកចិត្តទុកដាក់ឲ្យបានខ្ពស់ជាងមុន ជាមួយមនុស្សនៅជុំវិញអ្នក។

រូបទី៤

រូបនេះបង្ហាញថា អ្នកដល់ពេលដែលត្រូវគិតគូ បង្កើត និងកំណត់ភាពពិតប្រាកដសម្រាប់ខ្លួនឯងហើយ គ្រប់សកម្មភាពរបស់អ្នក គួរតែមានគោលបំណងក្នុងការកសាងបច្ចុប្បន្ន និងអនាគត។ កន្លងមក អ្នកក៏ធ្លាប់ខ្សឹបប្រាប់ខ្លួនឯងដែរថា អ្នកចង់បានអ្វី តែអ្នកនៅមិនទាន់បានចាប់ផ្តើមធ្វើវាឲ្យអស់ពីចិត្ត អស់ពីកម្លាំងកាយនៅឡើយទេ។

អ្នកប្រហែលជានូវសង្ស័យពីសមត្ថភាពរបស់ខ្លួនឯង តែបើអ្នកក្លាហានហ៊ានជាងនេះតែបន្តិច នោះអ្នកនឹងឃើញច្បាស់ជាមិនខាន។ អ្នកអាចប្រើជំនាញទាំងនោះដើម្បីឲ្យសមិទ្ធិផលរបស់អ្នកទទួលបានផ្លែផ្កា។ ហេតុនេះ ត្រូវចាំថា ផ្លូវដើរទៅមុខ ថ្វីបើវាមិនល្អឥតខ្ចោះក៏ដោយ តែអ្វីដែលសំខាន់ អ្នកបានប្តូរខ្លួនឯងឲ្យឈានឆ្ពោះទៅមុខ។

អត្តចរិតបែបវិជ្ជមាននឹងជួយអ្នកឲ្យធំធាត់លូតលាស់ឡើង តែកុំភ្លេចកម្ចាត់ចោលនូវអារម្មណ៍មួលម៉ៅ និងកំហឹងរបស់អ្នកចោល៕