ការធ្វើការងារនៅកន្លែងដែលមានការប្រកួតប្រជែងខ្លាំងគឺជារឿងដ៏ល្អសប្រាប់អ្នក ការខិតខំប្រឹងប្រែងធ្វើការងារដើម្បីបំពេញតម្រូវការរបស់ក្រុមហ៊ុនក៏ដូចជាបង្កើនមុខជំនាញរបស់ខ្លួនបានយ៉ាងប្រសើរ។ អ្នកបានខិតខំព្យាយាមបំពេញកាតព្វកិច្ចជាបុគ្គលិកល្អ និងចង់បង្ហាញខ្លួនឯងថាអ្នកគឺពូកែនឹងជាបុគ្គលិកឆ្នើមរបស់ក្រុមហ៊ុន។ ពាក្យថាការញៀននឹងការងារគឺមិនសំដៅទៅលើរឿងអាក្រក់នោះទេ តែវាអាចនាំអ្នកទៅរកបញ្ហាសុខភាពមួយចំនួនដោយមិនដឹងខ្លួនដូចជាការគេងមិនលក់ឬគេងមិនបានគ្រប់គ្រាន់ និងផលប៉ះពាល់មួយចំនួនទៀតទៅនឹងជីវិតរស់នៅប្រចាំថ្ងៃ។

តាមការសិក្សាស្រាវជ្រាវបានបង្ហាញថាអ្នកឈានដល់ការញៀននឹងការងារនោះ អាចមើលទៅលើចំណុចគោលៗទាំង ៥ នេះ៖

១. អ្នកតែងតែយកការងារមកបន្តឬបញ្ចប់វានៅឯផ្ទះ

២. អ្នកមានអារម្មណ៍ថាមិនស្រណុកចិត្ត ឬស្ត្រេសរាល់ពេលដែលអ្នកទំនេរមិនមានការងារធ្វើ

៣. សុខភាពរាងកាយរបស់អ្នកមិនល្អ ដោយសារការមិនហាត់ប្រាណ ការញ៉ាំអាហារដែលគ្មានសារធាតុចិញ្ចឹម និងការបោះចោលនូវទម្លាប់គេងតាមម៉ោងជាដើម

៤. នៅពេលដែលអ្នកគិតថាមានតែការងារទេដែលអាចបំបាត់ឬជួយព្យាបាលនៃការឈឺចាប់ កំហុសឆ្គង ស្ត្រេសដែលបណ្ដាលមកពីស្នេហា គ្រួសារ និងបញ្ហាជីវិត

៥. អ្នកតែងតែមកធ្វើការលឿននឹងនៅធ្វើការយូរជាងគេ ហើយអ្នកនៅតែបន្តចូលមើលអ៊ីម៉ែលឬការងារទៀតពេលទំនេរនៅឯផ្ទះ

អ្នកដែលឈានដល់ការញៀននៃការងារជាទូទៅគឺតែងតែចំណាយពេលតែម្នាក់ឯងជាមួយនឹងកុំព្យូទ័រដើម្បីបន្តធ្វើការ។ អ្នកនឹងគ្មានពេលជាមួយក្រុមគ្រួសារ មិត្តភក្ដិ គ្មានពេលហាត់ប្រាណ ឬមិនមានពេលចម្អិនម្ហូបសុខភាព ហើយអ្នកនឹងផ្ដាច់ចេញពីជីវិតបណ្តាញសង្គម និងនៅតែជាមួយការងារតែប៉ុណ្ណោះ៕

ប្រភពរូបភាព៖ Freepik

ចុចអានបន្ត៖

• សញ្ញាបញ្ជាក់ថាអ្នកត្រូវបានគេធ្វើបាបនៅកន្លែងការងារឬដោយសារមេរបស់អ្នក
• ចង់ក្លាយជាអ្នកគ្រប់គ្រងដែលល្អត្រូវមានចំណុចទាំងនេះ