បន្ទាប់ពីគ្រួសារមានតែ មិត្តភក្តិនេះហើយដែលជាអ្នកដែលចាំជួយអ្នក និង លើកទឹកចិត្តអ្នក តែមិនមែនមិត្តភក្តិទាំងអស់សុទ្ធតែមានចិត្តបែបនេះចំពោះអ្នកនោះទេ អាចល្អតែនៅនឹងមុខអ្នកតែប៉ុណ្ណោះ។ ទាំងនេះជាសញ្ញាទាំង ៨ យ៉ាងដែលគេអាចនឹងមិនមានបំណងល្អលើអ្នកនោះទេ៖

១. មើលស្រាលអ្នក

តែងយកចំនុចខ្វះខាតអ្នកមកលេងសើច អោយអ្នកមានអារម្មណ៏មិនសប្បាយចិត្តនឹងខ្លួនឯង មិនដែលសរសើរអ្នក ហើយអោយអ្នកមានអារម្មណ៏ថាខ្លួនអ្នកមិនមានសមត្ថភាពគ្រប់គ្រាន់ក្នុងការសម្រេចសាច់ការអ្វីបានជាពិសេសរឿងដែលអ្នកចូលចិត្តធ្វើបំផុតនោះ។

២. និយាយតែពីរឿងគេ មិនដែលចាប់អារម្មណ៏ចង់ដឹងពីអ្នក

ពួកគេមិនដែលចង់ស្តាប់នូវអ្វីដែលអ្នកត្រូវនិយាយឬគ្រប់ពេលមានតែរឿងផ្ទាល់ខ្លួនគេទេដែលសំខាន់ និងគួរតែលើកមកនិយាយនោះ ជាពិសេសនៅពេលអ្នកទុកចិត្ត និង ចង់បានយោបល់ពីពួកគេនោះ។ បើមិនអញ្ចឹងទេនោះអ្នកកាន់តែមានអារម្មណ៍មិនល្អលើសដើមក្រោយពេលបានជជែល ពិភាក្សាជាមួយពួកគេហើយនោះ។

៣. ហួសហេតុពេក

ពួកគេតែងតែធ្វើអ្វីដែលអ្នកមិនល្អ មិនទុកឱកាសអោយអ្នកបាននៅម្នាក់ឯងទោះជាអ្នកទទួចសុំយ៉ាងណាក្ដី។ ពួកគេក៏ធ្វើឱ្យអ្នកមានអារម្មណ៍ថាអ្នកជាមនុស្សខុសនៅពេលដែលអ្នកខឹងឬបង្ហាញអារម្មណ៍របស់អ្នកអំពីអ្វីដែលពួកគេបានធ្វើចំពោះអ្នក។

៤. ប្រាប់រឿងសំងាត់អ្នកអោយអ្នកដទៃបានដឹង

ពេលដែលអ្នកប្រាប់រឿងណាមួយទៅពួកគេ ហើយអោយគេលាក់ការនោះ ស្អែកឡើងមិនទាន់នោះទេ អ្នកដែលគេស្គាល់ទាំងប៉ុន្មានក៏ដឹងខ្ទេចខ្ទីគ្មានសល់។ នេះអាចជាចរិតមិនល្អបំផុតហើយ បើចៀសបានគួរតែកុំរាប់អានមនុស្សបែបនេះអី។

៥. មិនដែលទទួលកំហុស និង សុំទោសអ្នក

ពេលដែលគេធ្វើខុស ជ្រុលជ្រួសលើអ្នកម្ដងៗមិនដែលចេះសុំទោសទេ តែបើសុំទោសវិញតែធ្វើអ្នកមានអារម្មណ៏ថាអ្នកជាអ្នកខុសទៅវិញ។

៦. ពេលដែលអ្នកត្រូវការតែងតែបាត់មុខឈឹង

នៅពេលដែលគេមានបញ្ហា អ្នកមិនដែលថាមិនខ្វាយខ្វល់រឺចាត់ទុកវាដូចជារឿងផ្ទាល់ខ្លួនអ្នកនោះទេ តែបើដល់វេនអ្នកវិញសូម្បីតែស្រមោលគេក៏មិនឃើញដែរ។ វាមិនមានអ្វីទាស់ខុសនោះទេ បើសិនជាគេមានបញ្ហាត្រូវដោះស្រាយនោះ តែបើសិនជាអ្នកតែងមានអារម្មណ៏មានតែអ្នកតែម្នាក់ឯងដែលជាអ្នកលះបង់នោះ អ្នកប្រហែលជាគួរគិតពិចារណាមើលទៅថាគួររាប់អានគាត់ទៀតទេ។

៧. តែងអោយអ្នកមានអារម្មណ៏ថាអ្នកមិនល្អគ្រប់គ្រាន់

ធម្មតាពេលដែលមកពីជួបជុំគ្នាជាមួយមិត្តភក្តិហើយនោះ អ្នកអាចនឹងមានអារម្មណ៏ធូរស្បើយក្នុងចិត្ត ទុក្ខសោកទាំងឡាយក៏ភ្លេចបានមួយអន្លើ តែក្រោយពេលជួបមិត្តប្រភេទនេះហើយ ជូនកាលមិនមានរឿងអ្វីក៏ដោយ មកដល់ផ្ទះវិញក៏មានរឿងត្រូវពិបាកចិត្តភ្លាម។

៨. ធ្វើអោយអ្នកចាប់ផ្តើមគិតថាគួររាប់អានតទៅទៀតរឺអត់

ជារឿយៗអ្នកសួរខ្លួនឯងថាហេតុអ្វីបានជានៅតែធ្វើជាមិត្តភក្តិជាមួយពួកគេទៀត នេះហើយគឺជាសញ្ញាសំខាន់មួយទៀតដែលអ្នកមិនសប្បាយចិត្តជាមួយនឹងមិត្តភាពនេះនោះទេ។ ពួកគេប្រហែលជាធ្វើអ្វីដែលបានលើកឡើងនៅក្នុងចំណុចខាងលើដែលធ្វើឱ្យអ្នកឆ្ងល់ថាហេតុអ្វីបានជាអ្នកនៅតែជាមិត្តភក្តិជាមួយពួកគេ។