លុញទឹកកកក្រូចឆ្មាលើមុខ ១អាទិត្យ ២ដង អ្នកនឹងភ្ញាក់ផ្អើលនឹងលទ្ធផលក្រោយ ១ខែ
- 2020-09-25 02:00:00
- ចំនួនមតិ 0 | ចំនួនចែករំលែក 0
លុញទឹកកកក្រូចឆ្មាលើមុខ ១អាទិត្យ ២ដង អ្នកនឹងភ្ញាក់ផ្អើលនឹងលទ្ធផលក្រោយ ១ខែ
ទឹកក្រូចឆ្មា ច្របាច់ហើយ ដាក់ក្លាសេឲ្យកកបន្ទាប់មក យកមកលុញលើមុខ គឺមានប្រសិទ្ធិភាពខ្ពស់ខ្លាំងក្នុងការថែរក្សាសម្រស់ដែលមិនមែនអ្នកណាក៏ដឹង។
ក្រូចឆ្មាមិនមែនគ្រាន់តែជាប្រភេទគ្រឿងផ្សំ ឬភេសជ្ជៈនោះទេ វាថែមទាំងជាគ្រឿងសំអាងដ៏មានប្រសិទ្ធិភាពជាទីបំផុត ក្នុងការថែរក្សាសម្រស់។ អ្នកអាចព្យបាលបានបញ្ហាស្បែកមុខជាច្រើនដូចជា មុនមុខ ជាំ អេចម៍រុយ ឬស្នាមបានយ៉ាងឆាប់រហ័សជាមួយប្រភេទផ្លែនេះ។
នៅក្នុងក្រូចឆ្មាមានផ្ទុក អាស៊ីត L-ascorbic មានប្រសិទ្ធភាពក្នុងការបង្រួមរន្ធរោមញើស និងព្យាបាលមុនបានឆាប់រហ័ស។ មិនត្រឹមតែប៉ុណ្ណោះ ប្រភេទវីតាមីន C នៅក្នុងក្រូចឆ្មា ក៏ជាប្រភេទដែលអាចជួយបង្កើតខូឡាជែនឲ្យស្បែក ដែលជួយឲ្យស្បែកបានតឹងណែនល្អ មិនយារធ្លាក់។
បន្ថែមពីនោះ អាស៊ីត Citric នៅក្នុងក្រូចឆ្មាអាចជំរុះមុនខ្សាច់បានយ៉ាងមានប្រសិទ្ធិភាព។ ដោយសារសារជាតិនេះដែរ ស្នាមដែលបន្សល់ពីមុន ឬត្រូវថ្ងៃក្ដៅក៏អាចព្យាបាលបានដូចគ្នា ដោយសារជាតិនេះ។
វិធីអនុវត្ត៖
គ្រឿងផ្សំ៖
ក្រូចឆ្មា ៤ផ្លែ
ទឹកសុទ្ធ ១០០មល
ជីអង្កាមមួយស្លឹក
វិធីធ្វើ៖
កាត់ក្រូចឆ្មាជាចំណិត រួចច្របាចយកទឹក បន្ទាប់មកចាក់ចូលទឹកសុទ្ធ ១០០មល ដែលមានត្រាំជីអង្កាមស្រាប់។ បន្ទាប់មកចាក់រូបមន្តនេះចូលប្រដាប់ច្រកទឹកកក បន្ទាប់មកដាក់ឲ្យកកក្នុងរយៈពេលពី ៤ទៅ ៦ម៉ោង។
ក្រោយពេលលាងមុខ និងជូតឲ្យស្ងួត យកទឹកកកដាក់ចូលក្រណាត់ស្អាត ហើយមកលុញឲ្យសព្វលើផ្ទៃមុខ។ ប្រសិនបើត្រជាក់ខ្លាំងពេក អាចដកចេញ៣០វិនាទី ហើយបន្តលុញដល់រលាយទឹកកកអស់។ បន្ទាប់មក លាងមុខវិញដោយទឹកស្អាត។
ក្រោយ២ ទៅ៤សប្ដាហ៍ ស្បែកនឹងភ្លឺជាងមុន ហើយមុនតូចៗនឹងបាត់អស់។ អនុវត្ត២ដង ក្នុង១សប្ដាហ៍ដើម្បីទទួលបានលទ្ធផលឆាប់រហ័ស៕