រៀនធ្វើគ្រឿងក្លែម សាច់បីជាន់បំពងល្ងទឹកជ្រលក់ហឹរ ឆ្ងាញ់លិទ្ធដៃតែម្តង!

2019-11-19 10:40:00
ចំនួនមតិ 0 | ចំនួនចែករំលែក 0

កន្លងមក កញ្ញាតែងតែបង្ហាញពីវិធីធ្វើម្ហូបប្លែកៗសម្រាប់ជាគំនិតដល់ប្រិយមិត្ត ជាពិសេសស្ត្រីមេផ្ទះទាំងឡាយ ដែលពិបាករកនឹកថានឹងត្រូវធ្វើម្ហូបអ្វី។ ប៉ុន្តែថ្ងៃនេះ ប្លែកបន្តិចដែលយើងនឹងលើកយកវិធីធ្វើម្ហូបសម្រាប់ក្លែមវិញម្តង ដឹងថាឈ្មោះអ្វីទេ? នោះគឺ «សាច់បីជាន់បំពងល្អទឹកជ្រលក់ហឹរ»។

គ្រឿងផ្សំ៖

-សាច់ជ្រូកបីជាន់

-ល្ងស

-ម្ទេសម៉ដ្ឋ

-ស្ករត្នោត

-ម្រេច

-ម្សៅបំពង

-ទឹកស៊ីអ៊ីវខាប់

-អំបិល

គ្រឿងផ្សំសម្រាប់ទឹកជ្រលក់៖ ក្រូចឆ្មារ ស្លឹកខ្ទឹម ជីរណា ខ្ទឹមក្រហម ទឹកត្រី អង្ករលីង។

របៀបធ្វើ៖

១. ហាន់សាច់ជ្រូកបីជាន់ជាបន្ទះស្តើងល្មម រួចយកទៅប្រឡាក់ជាមួយអំបិល ល្ងស ទឹកស៊ីអ៊ីវខាប់ និងម្រេច។

២. លាយម្សៅបំពងជាមួយទឹកបន្តិចឲ្យខាប់ល្មម ហើយច្របល់ជាមួយសាច់ជ្រូកដែលប្រឡាក់គ្រឿងហើយ។

៣. បន្ទាប់មកដាក់ខ្លាញ់ឲ្យក្តៅបំពងសាច់ជ្រូកនោះឲ្យក្រៀម។

៤. ចូលដល់វិធីធ្វើទឹកជ្រលក់៖ ហាន់ជីរណា ស្លឹកខ្ទឹម និងខ្ទឹមក្រហម ហើយលាយជាមួយស្ករត្នោត ទឹកត្រី ម្ទេសម៉ដ្ឋ អង្ករលីង រួចច្របាច់ក្រូចឆ្មារ។ កូរឲ្យសព្វ ជាការស្រេច៕

ទស្សនាវីដេអូខាងក្រោម៖