ដើម្បីសុខភាព នារីៗគួរដឹងអាហារ ៦ ប្រភេទត្រូវទទួលទានអំឡុងពេលមករដូវ

2019-11-07 03:15:00
ចំនួនមតិ 0 | ចំនួនចែករំលែក 0

ស្ត្រីគ្រប់រូបគួរតែដឹងអំពីរបបអាហារសម្រាប់ទទួលទានអំឡុងពេលមករដូវ។ ការបរិភោគចំណីអាហារផ្តេសផ្តាសអាចបណ្តាលឲ្យអ្នកមានបញ្ហាផ្សេងៗក្នុងពេលអ្នកមិនស្រួលខ្លួនបាន។ មិនថានំចំណី បន្លែ ផ្លែឈើ និងភេសជ្ជៈទេអ្នកគួរដឹងថាអាហារណាគួរបរិភោគនិងអាហារណាមិនគួរ។ ដូច្នេះអាហារដែលអ្នកអាចបរិភោគបាននិងមិនបានរួមមាន៖

១. ផ្តាខាត់ណាខៀវ

ជាតិដែកជាសារធាតុរ៉ែដែលបាត់បង់ច្រើនជាងគេក្នុងពេលមករដូវ។ ដូច្នេះ ពេលអ្នកញុំាផ្កាខាត់ណាវានឹងជួយឲ្យអ្នកមានជាតិដែកគ្រប់គ្រាន់វិញ។ ក្រៅពីនេះ វាក៏សម្បូរទៅដោយជាតិសរសៃ ម៉ាញេស្យូមនិងប៉ូតាស្យូមដែលជួយកាត់បន្ថយការហើមពោះជួសជុលការរំលាយអាហារនិងបន្ធូរសាច់ដុំបានប្រសិនបើអ្នករមួលក្រពើ។

រូបតំណាង

**២. ផ្លែចេក**

ផ្លែចេកអាចជាជម្រើសដ៏ល្អបំផុតសម្រាប់អាហារសម្រន់ក្នុងអំឡុងពេលមករដូវ។ ផ្លែឈើទាំងនេះពោរពេញទៅដោយប៉ូតាស្យូម ម៉ាញ៉េស្យូម និងជាតិសរសៃ។ វានឹងជួយអ្នកឱ្យគ្រប់គ្រងចលនាពោះវៀនមិនទៀងទាត់ ការរាគ និងការឃ្លានអាហារសម្រន់ជាដើម។

រូបតំណាង

៣. សូកូឡាខ្មៅ

សូកូឡាខ្មៅផ្ទុកនូវសារធាតុរ៉ែដែលមានសុខភាពល្អជាច្រើនដូចជាជាតិដែក ម៉ាញ៉េស្យូម សារធាតុប្រឆាំងអុកស៊ីតកម្ម និងសារជាតិ flavanols ។ លើសពីនេះ វាអាចផ្តល់អត្ថប្រយោជន៍ដល់លំហូរឈាមនិងសម្រាកសរសៃឈាម។

រូបតំណាង

៤. ត្រីសាម៉ុន

ត្រីសាម៉ុនត្រូវបានគេចាត់ទុកថាគួរតែបន្ថែមសម្រាប់របបអាហារប្រចាំថ្ងៃ ព្រោះវាសម្បូរទៅដោយអាស៊ីតខ្លាញ់អូមេហ្គា ៣ ដែលមានសុខភាពល្អនិងជាប្រភពប្រូតេអ៊ីនដ៏សំបូរបែប។ បរិភោគត្រីសាម៉ុនក្នុងពេលមករដូវដើម្បីកាត់បន្ថយការរលាក កាត់បន្ថយការរមួលក្រពើ និងគ្រប់គ្រងវដ្តរដូវ។

រូបតំណាង

៥. ខ្ញី

ទឹកខ្ញីមានប្រសិទ្ធភាពល្អក្នុងការទប់ទល់ការហើមក៏ដូចជាការឈឺចាប់ពេលមករដូវ។ ងាយៗក្នុងការធ្វើនោះគឺបន្ថែមខ្ញីចូលទៅក្នុងទឹកក្តៅឬតែរបស់អ្នកដើម្បីបំបាត់ការឈឺចាប់ដោយសារមករដូវ។

រូបតំណាង

៦. ក្រូចនិងក្រូចឆ្មា

ទទួលទានផ្លែឈើដើម្បីបង្កើនវីតាមីននិងកាត់បន្ថយការឃ្លានជាតិស្ករក្នុងពេលមករដូវ។ ក្រៅពីវីតាមីន វាមានផ្ទុកជាតិសរសៃនិងជាតិទឹកច្រើនធ្វើឱ្យរាងកាយរបស់អ្នកមានជាតិទឹកនិងការរំលាយអាហាររបស់អ្នកមានដំណើរការល្អ។