ភាពខុសគ្នារវាងមុន និងក្រោយពេលចិញ្ចឹមឆ្កែប្រេនៗ
- 2019-01-31 07:00:00
- ចំនួនមតិ 0 | ចំនួនចែករំលែក 0
ភាពខុសគ្នារវាងមុន និងក្រោយពេលចិញ្ចឹមឆ្កែប្រេនៗ
សម្រាប់អ្នកដែលស្រលាញ់ចូលចិត្តសត្វឆ្កែខ្លាំង ពេលទិញវាមកចិញ្ចឹម ប្រៀបដូចជាមានសមាជិកគ្រួសារថ្មីម្នាក់ទៀតនៅក្នុងផ្ទះដូច្នោះដែរ។ ទោះត្រូវចំណាយលុយច្រើនបន្តិចក៏មិនស្តាយ។ដំបូងៗអ្នកគិតថាពេលមានពួកវា ជីវិតនឹងលែងសូវអផ្សុកដូចមុន ព្រោះបានប្រលែងលេង បណ្តើរចេញក្រៅជាដើម។ យ៉ាងណា មិនត្រូវភ្លេចថា ពូជឆ្កែបរទេសប្រេនៗទាំងនោះ ទាមទារឲ្យអ្នកទំនួលខុសត្រូវខ្ពស់ ដែលខុសពីឆ្កែខ្មែរ មិនរើសចំណី មិនរើសកន្លែងស្នាក់នៅអីនោះឡើយ ។
ចង់ដឹងថា មុននិងក្រោយពេលចិញ្ចឹមឆ្កែប្រេនៗ មានភាពខុសគ្នាយ៉ាងណាខ្លះ តោះទៅមើលទាំងអស់គ្នា។
បន្ទប់គេងធ្លាប់តែមានរបៀបនិងស្ងាត់ស្ងៀម ឥលូវគ្រាន់តែបើកទ្វារភ្លាមមានអ្នកមកទទួលភ្លែត តែកុំមើលខាងក្នុង រប៉ាត់រប៉ាយគ្មានសល់។
កាលពីមុនពេលញ៉ាំអីម្តងៗមិនភ័យខ្លាចមានអ្នកដណ្តើម តែឥលូវហ៊ានតែប្រហែសគឺបាត់ខ្លួនមិនខាន ព្រោះឲ្យតែធុំក្លិន ដឹងមកអង្គុយសម្លឹង ធ្វើមុខគួរឲ្យអាណិត ស្រក់មាត់តក់ៗតែម្តង។
ចំណែកឯក្នុងទូរស័ព្ទវិញ សឹងតែលែងមានរូបខ្លួនឯង សុទ្ធតែរូបឆ្កែឡើងពេញ។
បើក្នុងឡានវិញ ស្នាមជើងផង ស្នាមឆ្កូតផង រាប់លែងអស់ហើយ។
ខ្លួនឯងសុខចិត្តញ៉ាំបាយផ្ទះ កាត់បន្ថយម្ហូបក្នុងហាង ព្រោះត្រូវទុកលុយទិញចំណីឆ្កែ។
មិនសូវមានពេលជប់លៀងជាមួយមិត្តភ័ក្តិទៀតទេ ត្រូវចំណាយពេលបណ្ដើរវាលេងនៅខាងក្រៅ។
របស់របរនៅក្នុងផ្ទះមួយចំនួនត្រូវវារើកកាយ អង្កៀមកម្សាន្តធ្មេញធ្វើព្រងើយ។
ដំបូងម៉ាក់ប៉ាមិនអនុញ្ញាតឲ្យចិញ្ចឹមហើយមិនចូលចិត្តសោះ តែយូរៗទៅអាចស្រលាញ់វាលើសពីអ្នកទៀត។
ខ្សែទូរសព្ទ បើមិនប្រយ័ត្នទេ ច្បាស់ជាដាច់ដោចអស់ហើយ។
ចុចអានបន្ត៖ សម្រាប់អ្នកស្រលាញ់សត្វឆ្កែ គួរដឹងពីអារម្មណ៍វាតាមរយៈកាយវិការទាំងនេះ