មិនចាំបាច់កែសម្ផស្ស ក៏អាចញញឹមដោយភាពជឿជាក់បានដែរ

2018-10-28 03:02:37
ចំនួនមតិ 0 | ចំនួនចែករំលែក 0

ស្នាមញញឹមជាអាវុធសំខាន់ដែលអាចធ្វើឱ្យមនុស្សមានសម្រស់ស្រស់ត្រកាល ដូចផ្កាត្រូវទឹកសន្សើមដូច្នោះដែរ។ ស្នាមញញឹមដ៏ជឿជាក់ពិតជាសំខាន់ក្នុងជីវិតរស់នៅរបស់មនុស្ស មិនថា អ្នកសិល្បៈ អ្នកជំនួញ ឬមនុស្សទូទៅនោះទេ វាអាចផ្លាស់ប្ដូរជីវិតរបស់អ្នក ក៏ដូចជាពិភពលោកទាំងមូលផងដែរ។ ចុះបើអ្នកមិនមានភាពជឿជាក់លើស្នាមញញឹមរបស់អ្នក តើអ្នកនឹងបាត់បង់អ្វីខ្លះ?

ដើម្បីទទួលបានស្នាមញញឹមស្រស់ស្អាត ១០០% មិនមែនត្រឹមតែមានធ្មេញស្អាតនោះទេ។ បើតាមទន្ដបណ្ឌិតប្រចាំមន្ទីរពេទ្យធ្មេញ សន្តិភាព លោកស្រី Kenzie Kheam បានប្រាប់មកវិបសាយកញ្ញាថា នៅមន្ទីរពេទ្យធ្មេញ សន្តិភាព មានការឌីហ្សាញស្នាមញញឹមរបស់អ្នកឲ្យកាន់តែស្រស់ស្អាតដោយប្រើប្រាស់បច្ចេកវិទ្យា Digital Smiling Design ប្រកបដោយគុណភាពខ្ពស់។

វេជ្ជបណ្ឌិត Kenzie Kheam (ឆ្វេង)

ទន្ដបណ្ឌិតជំនាញ១១ឆ្នាំរូបនេះបានបញ្ជាក់ថា Digital Smiling Design ជាការរចនាស្នាមញញឹមឲ្យស្រស់ស្អាតសមទៅតាមទម្រង់មុខរបស់មនុស្សម្នាក់ៗ ក្នុងនោះរួមមាន រូបរាងរបស់ធ្មេញ អញ្ចាញធ្មេញ និងពណ៌ធ្មេញ។ ដោយសារទម្រង់មុខរបស់មនុស្សមានច្រើនសណ្ឋាន ដូចនេះធ្មេញក៏ត្រូវមានច្រើនរូបរាងទៅ តាមនោះដែរ។ ក្នុង Software តាមប្រព័ន្ធកុំព្យូទ័រ អ្នកអាចជ្រើសរើសរូបរាងធ្មេញតាមចំណង់ចំណូលចិត្តក្រោមការប្រឹក្សាផ្ដល់យោបល់ពីទន្ដបណ្ឌិតជំនាញរបស់មន្ទីរពេទ្យធ្មេញសន្តិភាពដើម្បីដឹងពីលទ្ធផលមុននឹងសម្រេចចិត្តកែប្រែស្នាមញញឹមរបស់ខ្លួន។

ការរចនាស្នាមញញឹមនេះត្រូវធ្វើឡើងដោយប្រព័ន្ធកុំព្យូទ័រទំនើប ដែលមិនផ្ដល់ការឈឺចាប់នោះឡើយ។ ដំណាក់កាលសំខាន់ៗនៅក្នុងការរចនាស្នាមញញឹមនេះមាន ការពិនិត្យស្ថានភាពធ្មេញ រួចថតរូបធ្មេញ ហើយបញ្ចូលទៅក្នុងប្រព័ន្ធកុំព្យូទ័រ បន្ទាប់មកអ្នកជំនាញនឹងធ្វើការរចនារូបរាងធ្មេញឲ្យសមស្របស្រស់ស្អាតជាមួយទ្រង់មុខរបស់អ្នក។

ត្រៀមខ្លួនផ្លាស់ប្ដូរពិភពរបស់ខ្លួនឯង និងមនុស្សជាទីស្រលាញ់តាមរយៈស្នាមញញឹមដ៏ជឿជាក់នឹងស្រស់ស្អាតតាមទម្រង់មុខធម្មជាតិពិតៗរបស់អ្នក ដោយមិនចាំបាច់ប៉ះកាំបិតកែសម្ផស្សដោយរចនាស្នាមញញឹមរបស់អ្នកជាមួយមន្ទីព្យាបាលធ្មេញ នឹង សម្ភស្ស សន្តិភាព ។