ញ៉ាំពងទាកូនប៉ូវសុខភាព តែបើហ៊ានញ៉ាំខុសក្បួន ២ចំណុច នឹងគ្រោះថ្នាក់ដល់សុខភាពវិញ

2018-08-29 08:46:47
ចំនួនមតិ 0 | ចំនួនចែករំលែក 0

ពងទាកូនជាចំណីតាមផ្លូវដែលមានភាពពេញនិយមណាស់សម្រាប់ប្រជាជនកម្ពុជា។ ប៉ុន្តែសម្រាប់អ្នកចូលចិត្តនិងញ៉ាំពងទាកូនញឹកញាប់អាចប៉ះពាល់សុខភាព ដែលអ្នកគួរយល់ដឹងពីរបៀបនិងពេលវេលាញ៉ាំដើម្បីញ៉ាំទៅប៉ូវកម្លាំងនិងមិនប៉ះពាល់។ ខាងក្រោមនេះជារបៀបញ៉ាំពងទាកូនដែលល្អសម្រាប់អ្នកចូលចិត្តញ៉ាំពងទាកូន ជៀសវាងកុំឲ្យឈឺ៖

១. មិនត្រូវញ៉ាំពេលយប់នោះទេ

ពងទាកូនជាចំណីពេលល្ងាចនិងពេលយប់ដ៏ពេញនិយមមួយ។ ប៉ុន្តែញ៉ាំវានៅពេលយប់គឺអាចប៉ះពាល់ដល់សុខភាពធ្ងន់ធ្ងរ។ ក្នុងពងទាកូនមួយគ្រាប់មាន ថាមពល១៨២ កាឡូរី, ប្រូតេអ៊ីន ១៣,៦ក្រាម, លីពីត ១២,៤ ក្រាម, កាល់ស្យូម ៨២ មិល្លីក្រាម និង កូលេស្តេរ៉ល ៦០០។ ម៉្យាងទៀត ពងទាកូនអាចបណ្ដាលឲ្យមានជំងឺលើសឈាម និងអាការផ្សេងៗទៀតដូចជា តឹងពោះខ្លាំង និងប៉ះពាល់ដល់ប្រព័ន្ធរំលាយអាហារធ្វើឲ្យចុះខ្សោយ។ ម៉ោងដែលអ្នកគួរញ៉ាំគឺពេលព្រឹក ប៉ុន្តែមិនត្រូវញ៉ាំញឹកញាប់ពេកទេ។

២. កូនក្មេងមិនគួរឲ្យញ៉ាំពងទាកូនឡើយ

កូនក្មេងអាយុក្រោម ៥ ឆ្នាំមិនគួរញ៉ាំពងទាកូនច្រើនពេកទេ ព្រោះកូនក្មេង ប្រព័ន្ធរំលាយអាហារនៅខ្សោយ ដូច្នេះពេលញ៉ាំហើយនឹងធ្វើឲ្យមានអាការស្ទះពោះវៀន ឬឆ្អល់ពោះជាដើម។

កូនក្មេងអាយុលើ ៥ ឆ្នាំ ពងទាកូន១គ្រាប់អាចញ៉ាំបានពាក់កណ្ដាល ហើយ ១-២ ដងក្នុងមួយសប្ដាហ៍។ ការញ៉ាំហួសកម្រិតនឹងធ្វើឲ្យកូនក្មេងលើសវីតាមីន A និងមានបញ្ហាដល់ការលូតលាស់នៃឆ្អឹងផងដែរ។

លើសពីនេះទៅទៀតអ្នកធាត់ មនុស្សចាស់ អ្នកជំងឺដែលមានសម្ពាធឈាមខ្ពស់ ជំងឺទឹកនោមផ្អែម ជំងឺក្រិនថ្លើម ជំងឺស្ទះសរសៃឈាមបេះដូងគួរតែកំណត់ការញ៉ាំអាហារនេះ។ មានតែមនុស្សពេញវ័យដែលមានសុខភាពល្អប៉ុណ្ណោះដែលគួរតែទទួលទាន ពងទាកូនពីរក្បាលរៀងរាល់សប្ដាហ៍។

ញ៉ាំពងទាកូនជាមួយខ្ញីជួយសុខភាពច្រើន

ខ្ញីអាចជួយប្រព័ន្ធរំលាយអាហារដើរស្រូល និងជាគ្រឿងផ្សំដ៏ល្អមួយជួយបន្ថយអាការផ្ដាសាយ។ ដូច្នេះញ៉ាំខ្ញីជាមួយពងទាកូនជួយឲ្យអ្នកស្រួលខ្លួនដោយមិនបារម្ភរឿងមិនរំលាយអាហារ។ ប៉ុន្តែទោះយ៉ាងនេះក្តី ញ៉ាំអាហារនេះត្រឹម ១-២ ដង មួយដង ១-២ គ្រាប់ក្នុងមួយអាទិត្យ គឺគ្រប់គ្រាន់ហើយ៕

ចុចអាន៖របៀបរបបញ៉ាំអាហារដែលមិនបណ្ដាលឲ្យអ្នកធាត់ទោះបីជាចង់ញ៉ាំអីក៏ដោយ

ប្រភព៖ Eva ប្រែសម្រួល៖ Pencharm