មុនរៀបការធ្វើរឿងទាំង ៤ នេះជាមួយគ្នាឲ្យបានសិន ទើបមិនស្ដាយក្រោយ

2018-06-15 01:00:00
ចំនួនមតិ 0 | ចំនួនចែករំលែក 0

បានរៀបការតែមួយមុខ មិនមែនហៅថាជីវិតជោគជ័យទេ បើរៀបការហើយរស់នៅមិនចុះសម្រុងគ្នាដដែលនោះ។ ដូចនេះបើមិនចង់ស្ដាយក្រោយ មុនរៀបការអ្នកទាំងពីរធ្វើរឿង ៤ យ៉ាងនេះឲ្យបានសិនទៅ ទើបល្អចំពោះជីវិតគូ៖

១.គ្មានជម្លោះ

ប្រសិនបើអ្នកមិនឈ្លោះប្រកែកគ្នា ប៉ុន្តែទាំងពីរនាក់ត្រូវតែធ្លាប់ជជែកគ្នា។ ការជជែកវែកញែករកខុសត្រូវ មិនដូចឈ្លោះទេ ដូចនេះសញ្ញាទី ១ ច្បាស់ណាស់ថាអ្នក និងគាត់ពិតជាអាចរស់នៅចុះសម្រុងគ្នាបាន។ ទោះជាការជជែកនោះរៀងតឹងសរសៃកបន្តិចមែន តែអ្នកទាំងពីរគ្រាន់តែរកដំណោះស្រាយប៉ុណ្ណោះ។ ប៉ុន្តែបើជាសង្សារនឹងគ្នា អ្នកទាំងពីរតែងតែឈ្លោះប្រកែកគ្នាមិនឈរ នោះទោះរៀបការហើយក៏នៅតែប៉ុណ្ណឹងដដែល យកល្អកុំទាន់រៀបការអីល្អជាង។

២.ដើរលេងតែពីរនាក់

ការដើរលេងតែពីរនាក់ មុនក្លាយជាប្ដីប្រពន្ធ ពិតជាសំខាន់ខ្លាំងណាស់ ព្រោះវាជួយឲ្យអ្នកដឹងពីគាត់កាន់តែច្បាស់។ អ្នកអាចសង្កេតមើលថា ពេលទៅឆ្ងាយតែពីរនាក់ គាត់មានទំនួលខុសត្រូវសមជាកូនប្រុសដែរឬទេ ដូចជាការកក់បន្ទប់សណ្ឋាគារ រកកន្លែងញ៉ាំអាហារ ពេលដើរលេងវង្វេងផ្លូវ និងកាលៈទេសៈជាច្រើនទៀត។

៣.ចុះសម្រុងជាមួយឪពុកម្ដាយគេ

អ្នកទាំងពីរគួរតែនាំគ្នាទៅលេងគ្រួសារម្ខាងៗ ដើម្បីចង់ដឹងពីភាពចុះសម្រុង និងឫកពាអ្វីខ្លះដែលត្រូវកែ។ បើសម្រេចចិត្តទៅលេងគ្រួសារដៃគូ ក្រោយរៀបការ អ្នកអាចនឹងខកខ្លួន ព្រោះពេលខ្លះមិនប្រាកដថាសាច់ញាតិគាត់ ឬសាច់ញាតិអ្នកចូលចិត្តឡើយ។ តែនៅពេលអ្នកទាំងពីរក្លាយជាមនុស្សសំណព្វរបស់ចាស់ទុំ វានឹងធ្វើឲ្យអាពាហ៍ពិពាហ៍កាន់តែសប្បាយរីករាយ។

៤.ធ្វើអាហារញ៉ាំរួមគ្នា

មិនមែនមានន័យថា រៀបការរួចអ្នកត្រូវតែនៅផ្ទះធ្វើម្ហូបឡើយ តែធ្វើដើម្បីឲ្យដឹងថាដៃគូចូលចិត្តអាហារបែបណា ហើយអ្នកក៏អាចបង្ហាញទៅគាត់វិញពីចំណីដែលចង់ញ៉ាំបំផុតដូចគ្នា។ ការចម្អិនអាហាររួមគ្នា អាចអ្នកទាំងពីរដឹងពីស្វែងយល់ និងសម្របខ្លួនពីរឿងញ៉ាំ៕

ចុចអាន៖ជាស្រីស្អាតក៏ដោយ ឲ្យតែមានចរិតនេះកុំសង្ឃឹមបានបុរសល្អរៀបការជាមួយ

ប្រភព៖ Mthai ប្រែសម្រួល៖ ទ្រី រ៉ាវី