ចង់ឲ្យមនុស្សខ្លួនលួចស្រឡាញ់ចាប់អារម្មណ៍វិញ វិធីសាស្ត្រទាំងនេះជាអ្វីដែលអ្នកត្រូវធ្វើ

2018-04-11 02:30:00
ចំនួនមតិ 0 | ចំនួនចែករំលែក 0

ជួបមនុស្សដែលខ្លួនពេញចិត្តហើយ ប៉ុន្តែបែរជាមិនមានសមត្ថភាពគ្រប់គ្រាន់ក្នុងការធ្វើឲ្យគេចាប់អារម្មណ៍វិញ នរណាដែលថាមិនខូចចិត្តនោះ។ អ្នកប្រហែលគិតថា មកពីខ្លួនមិនសូវស្អាត មិនសូវឆ្លាត មិនសូវពូកែដូចគេ ទើបគាត់មិនយកភ្នែកមើលសោះ។ ផ្ទុយស្រឡះ ការពិតអ្នកមិនចាំបាច់មានចំណុចពិសេសៗអ្វីច្រើនទេ ត្រឹមដឹងវិធីសាស្ត្រសាមញ្ញៗ ៣ យ៉ាងនេះ អ្នកប្រាកដជាអាចធ្វើឲ្យគាត់ចាប់អារម្មណ៍វិញភ្លាមៗតែម្ដង៖

១.បង្ហាញអារម្មណ៍រីករាយ ស្រស់ស្រាយជាប្រចាំ

មនុស្សដែលរីករាយ មិនចេះវាយឫក នរណាៗក៏ចង់នៅក្បែរដែរ។ អ្នកត្រូវតែញញឹម ឲ្យបានច្រើនជាប្រចាំថ្ងៃ។ អារម្មណ៍ល្អ មិនសូវចេះរៀបរាប់ទុក្ខសោក គិតតែក្នុងផ្លូវវិជ្ជមាន គឺជាចំណុចពិសេសដែលធ្វើឲ្យអ្នកដទៃចូលចិត្ត ចង់រាប់អាន ចង់ប្រាស្រ័យទាក់ទងជាមួយ ដូច្នេះអ្នកប្រាកដជាក្លាយខ្លួនជាមនុស្សលេចធ្លោម្នាក់ក្នុងក្រសែភ្នែកគាត់ក្នុងពេលឆាប់ៗ។

២.និយាយពីគោលគំនិត ដែលអ្នកទាំងពីរឲ្យតម្លៃខ្ពស់ដូចគ្នា

ដំបូងអ្នកត្រូវសិក្សាពីគាត់ឲ្យច្បាស់ជាមុនសិនថា តើគាត់ជាមនុស្សប្រភេទណា? ជាក់ស្ដែងមនុស្សដែលជឿលើអំពើល្អ និងស្រឡាញ់ពាក្យសច្ចៈ ប្រាកដជាមិនចង់ចំណាយពេលជាមួយអ្នកចូលចិត្តនិយាយកុហក និងមានគំនិតផ្ទុយពីខ្លួនឡើយ។ អ្នកត្រូវស្វែងរកចំណុចដូចគ្នារវាងគាត់ និងអ្នកឲ្យឃើញ ទើបអាចទាញការចាប់អារម្មណ៍បាន។ ប៉ុន្តែហាមដាច់ខាតកុំក្បត់ឧត្ដមគតិ ព្យាយាមសម្ដែងទាំងបង្ខំខ្លួនឯងស្របតាមគាត់មួយគ្រាសិនឲ្យសោះ។

រូបតំណាង

**៣.ហៅឈ្មោះរបស់គាត់**

តាមការសិក្សាមួយបញ្ជាក់ថា ការហៅឈ្មោះ គឺជាវិធីសាស្ត្រដ៏លឿនបំផុតក្នុងការធ្វើឲ្យបុគ្គលណាម្នាក់ចំណាំ និងស្គាល់យើងកាន់តែច្បាស់។ សូមកុំមានការភ័យខ្លាចឲ្យសោះ ហៅឈ្មោះរបស់គាត់ឲ្យបានញឹកញាប់ ជាមួយសម្ដីបែបសុភាពរាបសារ ទន់ភ្លន់ ផ្អែមល្ហែម នោះការផ្ដោតអារម្មណ៍របស់គាត់នឹងរត់មករកអ្នកខ្លាំងទៅៗជាក់ជាមិនខាន៕

ចុចអាន៖ស្រឡាញ់ខ្លាំងយ៉ាងណាក៏ដោយ តែកុំលះបង់របស់ផ្ទាល់ខ្លួនទាំងនេះទៅគេឲ្យសោះ

ប្រភព៖ powerofpositivity ប្រែសម្រួល៖ ទ្រី រ៉ាវី