តិចនិកជ្រើសរើសឡេដើម្បីការពារស្បែកសម្រាប់ពេលចូលឆ្នាំខ្មែរខាងមុខ
- 2018-04-02 09:54:18
- ចំនួនមតិ 0 | ចំនួនចែករំលែក 0
តិចនិកជ្រើសរើសឡេដើម្បីការពារស្បែកសម្រាប់ពេលចូលឆ្នាំខ្មែរខាងមុខ
រាល់ពេលចេញទៅខាងក្រៅ ស្បែករបស់យើងនឹងទទួលរងការបំផ្លាញពីកម្តៅថ្ងៃ ពិសេសប៉ះរដូវកាលចូលឆ្នាំខ្មែរខាងមុខ កម្តៅថ្ងៃខែចែត្រជះមកពេញទំហឹងតែម្តង ដែលចាំបាច់ត្រូវតែមានអាវដៃវែងដើម្បីពាក់បិទបាំង។ ប៉ុន្តែទន្ទឹមនឹងនេះ យើងក៏ត្រូវការប្រើឡេការពារកម្តៅថ្ងៃបន្ថែមផងដែរ ព្រោះមិនប្រាកដថារាល់ពេលចេញទៅខាងក្រៅដើរលេង អ្នកត្រូវឃ្លុំជាមួយអាវដៃវែងរហូតទេ។ តិចនិកទាំង ៥ខាងក្រោម នឹងជួយអ្នកក្នុងការរើសប្រភេទឡេ និងរបៀបប្រើប្រាស់ឲ្យមានប្រសិទ្ធភាព៖
១. មើលលើកម្រិត SPF
SPF (Sun Protection Factor) គឺជាកម្រិតនៃការការពារពីកម្តៅព្រះអាទិត្យ ដោយវាមានបង្ហាញនៅលើសំបកដបស្រាប់។ កម្រិត SPF ដែលសមស្របសម្រាប់ប្រភេទស្បែកទូទៅ គឺមិនត្រូវទាបជាង ១៥ ឬលើសពី ៩០ឡើយ។
**២. រើសប្រភេទដែលធន់នឹងទឹក**
ប្រើឡេនេះតែមួយប្រភេទអាចចំណេញទាំងពេលចេញទៅខាងក្រៅ និងពេលទៅដើរលេងនៅសមុទ្រ។
៣. សម្រាប់ស្បែកដែលងាយប្រតិកម្ម
សម្រាប់ស្បែកដែលងាយប្រតិកម្ម គឺចាំបាច់ត្រូវតែប្រើជាដាច់ខាត ប៉ុន្តែគួរជ្រើសរើសឡេការពារកម្តៅថ្ងៃរបស់កូនក្មេងវិញ ព្រោះវាមានផ្ទុកធាតុគីមីតិចជាង។
៤. មើលលើ UVA និង UVB
ឡេការពារកម្តៅថ្ងៃមិនត្រឹមតែការពារស្បែកមិនឲ្យជាំខ្មៅដោយសារកម្តៅថ្ងៃប៉ុណ្ណោះទេ ប្រសិនបើវាមានផ្ទុក UVA និង UVB បន្ថែមទៀត នោះនឹងជួយការពារស្នាមជ្រួញផងដែរ។
៥. លាបពេលណាទើបមានប្រសិទ្ធភាព?
គួរលាបឡេពី ១៥ ទៅ ២០នាទីមុនពេលចេញទៅត្រូវកម្តៅថ្ងៃ ដើម្បីឲ្យវាជ្រាបចូលទៅក្នុងស្បែកអស់ ហើយត្រូវលាបរៀងរាល់ ២ម៉ោងម្តង៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
