តើមានហេតុផលអីខ្លះ បានជាប្រុសៗទាំងនោះ ចូលចិត្តទាក់ទងស្រីៗម្ល៉េះ? ខាងក្រោមនេះជាចំណុចមួយចំនួនអាចជាកត្តាសំខាន់បណ្ដាលឱ្យចិត្តបុរសចូលចិត្តស្រលាញ់ស្រីច្រើន៖

១.កម្សាន្តភ្នែក មនុស្សប្រុស ៩០ ភាគរយបើទោះជាមានសង្សារហើយក៏ដោយក៏នៅតែចូលចិត្តមើលស្រីផ្សេងដែរព្រោះដើម្បីជាការកម្សាន្តភ្នែក ដោយសារតែសម្រស់ស្រស់ស្អាតរបស់ស្រីដទៃ។ ប្រសិនបើឃើញមិត្តប្រុសអ្នកសម្លឹងស្រីផ្សេងមិនដាក់ភ្នែក សូមកុំបារម្ភពេកព្រោះនេះគ្រាន់តែជាចរិតរលាមរបស់បុរសគ្រប់រូបប៉ុណ្ណោះ។

២.ក្រុមហ៊ុនគាត់គួរឲ្យធុញពេក នៅកន្លែងធ្វើការខ្លះមិនសូវជាមានស្រីៗប៉ុន្មានទេ ដូចនេះហើយបើទោះជាស្រីៗនោះមិនជាស្អាតក៏ដោយក៏ត្រូវបានបុរសៗចោមរោម ញ៉ែងញ៉ងដែរ ដើម្បីកុំឱ្យស្ត្រេសខ្លាំងពេក។

៣.សង្សារចាស់គាបសង្កត់ពេក បុរសភាគច្រើនសង្ឃឹមថាគេមិនត្រូវបានការគ្រប់គ្រងរឹតបន្តឹងសេរីភាពពីសំណាក់នារីជាទីស្រលាញ់របស់គេឡើយ។ ដូចនេះពេលខាងស្រីៗគាបសង្កត់គាត់ពេក នោះពេលគេឃើញនារីម្នាក់ទៀតដែលមានអាកប្បកិរិយារមទម រួសរាយរាក់ទាក់ និងពូកែយល់ចិត្ត បុរសនោះនឹងបាក់ចិត្តលើនារីម្នាក់ទៀតភ្លាម។ ដូច្នេះត្រូវឲ្យពេលផ្ទាល់ខ្លួន និងគោរពភាពឯកជនរបស់ខាងបុរសផង។

៤.ជាមនុស្សចូលចិត្តកាមគុណ ប្រសិនបើនេះជាចំណុចមាននៅលើខ្លួនមិត្តប្រុសអ្នក គួរតែប្រយ័ត្នឲ្យមែនទែនទៅ ព្រោះបើគេល្បួងអ្នកឲ្យប្រព្រឹត្តរឿងលើគ្រែនេះមិនបាន គេនឹងទៅរកស្រីផ្សេងដែលអាចបំពេញបំណងគេបាន។ ប៉ុន្តែយកល្អគួរតែឆាប់ដកខ្លួនចេញពីទំនាក់ទំនងនេះឲ្យបានរហ័ស ព្រោះបុរសបែបនេះប្រហែលជាមិនមែនមនុស្សល្អទេ៕