មុននឹងទិញកាបូបប្រើ នារីៗគួរដឹងថាកាបូបណាស័ក្ដិសមនឹងរាងខ្លួនឯង

2019-12-04 02:40:00
ចំនួនមតិ 0 | ចំនួនចែករំលែក 0

ដើម្បីបង្កើនសម្រស់ខាងក្រៅ មិត្តនារីគួរដឹងពីរបៀបនៃការជ្រើសរើសកាបូបឲ្យស័ក្ដិសមនឹងរាងរបស់ខ្លួនទើបជាការល្អ។ កាលណាអ្នកចេះជ្រើសរើសឲ្យបានត្រឹមត្រូវហើយនោះ វានឹងជួយលើកសម្រស់របស់អ្នកមិនថាអ្នកមានរូបរាងបែបណាឡើយ។ ផ្ទុយទៅវិញ ការជ្រើសរើសកាបូបខុសនឹងរៀងរបស់អ្នក វាអាចមើលមកឆ្គងមិនសមនឹងរាងរបស់អ្នក។ ខាងក្រោមនេះជាវិធីនៃការជ្រើសរើសកាបូបឲ្យសមទៅនឹងរាងរបស់អ្នករួមមាន៖

រូបតំណាង

**មុនដំបូងអ្នកត្រូវដឹងពីដងខ្លួនរបស់អ្នកសិន ថាអ្នកមានរាងដូចមេ្តច?**

១. ប្រសិនបើអ្នកមានស្មាធំជាងត្រគៀក មានន័យថាអ្នកមានរាងដូចត្រីកោណបញ្រ្ចាស។

២. ប្រសិនបើអ្នកមានចង្កេះនិងស្មាតូចជាងត្រគៀក មានន័យថាអ្នកមានរាងដូចផ្លែស៊េរី។

៣. ប្រសិនបើអ្នកមានចង្កេះ ស្មានិងត្រគៀកស្មើគ្នា មានន័យថាអ្នកមានរាងដូចចតុកោណកែង។

រូបតំណាង

៤. ប្រសិនបើអ្នកមានចង្កេះធំជាងស្មានិងត្រគៀក មានន័យថាអ្នកមានរាងដូចផ្លែប៉ោម។

**៥**ប្រសិនបើអ្នកមានមានស្មានិងចង្កេះស្មើគ្នា តែតូចជាងត្រគៀក មានន័យថាអ្នកមានរាងដូចកែវកំណត់ពេលវេលា។

រូបតំណាង

**១.**ប្រសិនបើអ្នកមានរាងត្រីកោណបញ្រ្ចាស

អ្នកគួរតែយកចិត្តទុកដាក់នៅបរិវេណចង្កេះបន្តិច ដើម្បីឲ្យមើលមកស៊ីគ្នា។ តំបន់ដែលអ្នកគួរដឹងនោះគឺប្រវែងនិងទទឹងនៃខ្សែ។ ដូច្នេះអ្នកអាចប្រើកាបូបជាប្រភេទស្ពាយពាក់កណ្តាលខ្លួន កាបូបខ្សែក្រវ៉ាត់ កាបូបខ្សែវែងនិងកាបូបអត់ខ្សែ។

រូបតំណាង

២. ប្រសិនបើអ្នកមានរាងដូចផ្លែស៊េរី

អ្នកគួរដឹងពីប្រវែងខ្សែនៃកាបូប ខ្សែកាបូបរបស់អ្នកមិនគួរនៅក្រោមប្រវែងចង្កេះរបស់អ្នកឡើយ។ ដូច្នេះអ្នកអាចសាកប្រើកាបូបស្ពាយនៅស្មា កាបូបរាងជ្រុងៗ បើអ្នកចូលចិត្តកាបូបខ្សែក្រវ៉ាត់អ្នកក៏ប្រើដាក់នៅចង្កេះក៏បានដែរ។

រូបតំណាង

៣. ប្រសិនបើអ្នកមានរាងដូចចតុកោណកែង

អ្នកត្រូវបន្ថែមកាបូបមានខ្សែបន្តិចដើម្បីឲ្យស៊ីនឹងរាងរបស់អ្នក។ វាមានន័យថាអ្នកត្រូវរក្សាប្រវែងនៃខ្សែកាបូបដើម្បីកុំឲ្យធ្លាក់ក្រោមត្រគៀក។ អ្នកអាចជ្រើសរើសកាបូបស្បែកយួរដៃ កាបូបស្ពាយស្មាយាកៗបាន។

រូបតំណាង

៤. ប្រសិនបើអ្នកមានរាងដូចផ្លែប៉ោម

បើអ្នកមានរាងបែបនេះ អ្នកគួរតែចេះបំភ័ន្តភ្នែកបន្តិចចំពោះរូបរាងនៃដងខ្លួនរបស់អ្នក។ ការរចនានិងទំហំកាបូបអ្នកគួរតែចៀសវាងកាបូបប្រភេទ តូច ខ្សែខ្លីនិងកាបូបគ្មានការរចនាបានត្រឹមត្រូវ។ ផ្ទុយទៅវិញ អ្នកគប្បីប្រើកាបូបបែបធំៗដូចជា កាបូបស្បែកធំនិងកាបូបយួរដៃ។

រូបតំណាង

៥. ប្រសិនបើអ្នកមានរាងដូចកែវកំណត់ពេលវេលា

អ្នកដែលមានរាងនេះគឺពិតជាល្អតែម្តង។បើទោះបីជាកាបូបដៃគឺមិនបានឃាំងដងខ្លួនរបស់អ្នកតែអ្នកមិនគួរជ្រើសរើសកាបូបដែលបាំងដងខ្លួនអ្នកទាំងស្រុងឡើយ។ អ្នកគួរតែមានកាបូបដៃសម្រាប់ចូលរួមកម្មវិធីផ្សេងៗ៕