គ្រោះថ្នាក់៤យ៉ាងឈានដល់ស្លាប់ ដោយសារទម្លាប់ហូបបាយខុសក្បួន

2019-10-07 07:50:00
ចំនួនមតិ 0 | ចំនួនចែករំលែក 0

បាយជាអាហារមួយប្រភេទផ្ដល់ជីវជាតិជួយទ្រទ្រង់រាងកាយយ៉ាងមានប្រសិទ្ធភាព។ ញ៉ាំបាយរាល់ថ្ងៃក៏ជួយការពារជំងឺមហារីក ការពារមិនឲ្យកើតជំងឺវង្វេងវង្វាន់ រួមទាំងគ្រប់គ្រងសម្ពាធឈាមឲ្យដើរល្អទៀតផង។ យ៉ាងណាក៏ដោយ មនុស្សជាច្រើនបង្កើតទម្លាប់ខុសក្នុងការទទួលទានបាយ ដែលធ្វើឲ្យជាហានិភ័យទៅវិញ។

១. ហូបបាយច្រើនពេក

លោកវេជ្ជបណ្ឌិតនៃវិទ្យាស្ថានជាតិផ្នែកជីវជាតិអាហារនិយាយថា មនុស្សជាច្រើនមានទម្លាប់ហូបបាយច្រើន ដោយពុំដឹងថាបាយផ្ទុកជាតិស្ករច្រើននោះទេ។ បើអ្នកញ៉ាំបាយច្រើនហួស កម្រិតជាតិស្ករក្នុងសម្ពាធឈាមនឹងឡើងខ្ពស់ហើយនឹងផ្ដល់គុណវិបត្តិដល់ជីវិតផងដែរ។

អ្នកក៏ប្រឈមនឹងការកើតជំងឺទឹកនោមផ្អែម រួមទាំងប្រព័ន្ធសរសៃឈាមបេះដូង ជំងឺបេះដូង ដាច់សរសៃឈាមខួរក្បាល ដែលបណ្ដាលឲ្យស្លាប់។ ដូចនេះ មនុស្សពេញវ័យគួរញ៉ាំបាយជាមធ្យម ២ចានគោមក្នុងរបបអាហារមួយពេលបានហើយ។

២. ញ៉ាំបាយក្លាស្សេ

ដោយសារអាកាសធាតុក្ដៅ អ្នកខ្លះយកបាយទៅក្លាស្សេឲ្យត្រជាក់។ ហូបបាយក្លាស្សេយូរទៅនឹងបណ្ដាលឲ្យកើតជំងឺបាន។ បើមើលទៅ ដូចមិនទំនងថាវាអាចឲ្យកើតជំងឺទេ តែវាបណ្ដាលឲ្យអ្នកទទួលទានទៅជាពុល ក្អួត រាគបានដែរ។ ដូច្នេះអ្នកជំនាញណែនាំថា អ្នកគួរហូបបាយដែលទុកក្នុងកម្រិតសីតុណ្ហភាពធម្មតា ហើយទុកបានមិនលើសពី២៤ម៉ោង។

៣. កម្ដៅបាយកក

ព្រោះស្ដាយបាយនៅសល់ពីយប់ មនុស្សជាច្រើនតែងកម្ដៅបាយទុកហូបនៅថ្ងៃបន្ទាប់។ ទម្លាប់នេះនឹងប៉ះពាល់ដល់ប្រព័ន្ធរំលាយអាហារ ពោះវៀន ឈឺក្រពះ ជាដើម។

៤. ផឹកទឹកតែអំឡុងពេលបាយ និងក្រោយបាយរួច

អ្នកខ្លះយល់ថា ផឹកតែអំឡុងពេលហូបបាយនិងក្រោយបាយរួច ធ្វើឲ្យជួយរំលាយអាហារបានល្អ ព្រមទាំងជួយបង្កើនរសជាតិ។ ប៉ុន្តែបើតាមវេជ្ជបណ្ឌិតអះអាងថា នេះជាកំហុសទៅវិញទេ។ ទឹកតែនឹងធ្វើឲ្យជីវជាតិក្នុងអាហារទៅជាសាប ប៉ះពាល់ក្រពះ ធ្វើឲ្យទឹកក្រពះបញ្ចេញ រួមទាំងប៉ះពាល់ដល់ប្រព័ន្ធរំលាយអាហារ ធ្វើឲ្យរាយកាយបាត់បង់ជាតិដែកថែមទៀត៕

ចុចអាន៖ មនុស្ស៤ប្រភេទ មិនគួរបរិភោគមីកញ្ចប់ឬកំប៉ុងឡើយ

ប្រភព៖ phunusuckhoe ប្រែសម្រួល៖ លឹម សុនា