៦ យ៉ាងដែលមនុស្សស្រីមិនគួរបណ្ដោយខ្លួនឲ្យខុសឡើយនៅពេលមានសង្សារ

2018-01-19 03:08:32
ចំនួនមតិ 0 | ចំនួនចែករំលែក 0

ស្នេហាគឺជាអំណោយធម្មជាតិមួយដែលបានផ្ដល់ឲ្យមនុស្ស តែពេលខ្លះមនុស្សយើងបានយកវាមកប្រើក្នុងផ្លូវខុស។ យ៉ាងណាមិញអត្ថបទមួយចង់ដាស់តឿនរំលឹកទៅដល់មនុស្សស្រីគ្រប់គ្នានៅពេលទទួលយកនរណាម្នាក់មកទុកក្នងចិត្ត កុំឲ្យចេះតែបណ្ដោយខ្លួនឲ្យធ្លាក់ក្នុងកំហុស ៦យ៉ាងនេះ ៖

១. លែងស្រឡាញ់ខ្លួនឯង

ពេលដែលអ្នកចាប់ផ្ដើមស្រឡាញ់អ្នកណាម្នាក់ អ្នកក៏ចាប់ផ្ដើមឈប់ គិតពីខ្លួនឯង ហើយក៏លែងធ្វើអ្វីសម្រាប់ខ្លួនឯង គឺគ្រប់យ៉ាងដើម្បីគេ។ នេះគឺជាកំហុសមួយដែលអ្នកមាន ដូច្នេះអ្នកគួរតែគិតពីខ្លួនឯងសាជាថ្មី។

រូបតំណាង

**២. ផ្ញើសេចក្ដីសុខខ្លួនឯងទៅលើគេទាំងស្រុង**

អ្នកចាប់ផ្ដើមមានអារម្មណ៍រីករាយក៏ដោយសារគេ ឈឺចាប់ក៏ដោយសារគេ ហើយមិនអាចធ្វើជាខ្លួនឯងបាន ដូច្នេះភាពកក់ក្ដៅ និង សប្បាយចិត្តរបស់អ្នកគឺអ្នកបានទុកនៅលើមនុស្សម្នាក់ផ្សេងទៀត មិនមែនជាខ្លួនឯង។

៣. ចាប់ផ្ដើមមានទំនាក់ទំនងតិចជាមួយអ្នកដទៃ

ការប្រស្រ័យទាក់ទងរបស់អ្នកជាមួយអ្នកដទៃក៏កាន់តែឆ្ងាយទៅៗ ហើយក៏មិនសូវបានចូលខ្លួនទៅក្នុងសង្គមជាមួយអ្នកដទៃ ពីព្រោះអ្នកមិនចង់ទៅណាឆ្ងាយពីគេ ហើយពេលដែលមានមិត្តភក្តិច្រើនខ្លាចគ្មានពេលសម្រាប់គេ។ អាចនិយាយបានថាអ្នកមិនចង់ធ្វើអ្វីផ្សេងទៀតបើគ្មានគេនៅជាមួយ។

រូបតំណាង

៤. ផ្លាស់ប្ដូរគេ

ជាកំហុសមួយដែលមនុស្សភាគច្រើនតែងតែធ្វើ ការស្រឡាញ់មនុស្សម្នាក់មិនមែនផ្លាស់ប្ដូរធម្មជាតិរបស់គេឲ្យមកដូចអ្វីដែលអ្នកចង់បាននោះទេ។ បើគេជាមនុស្សមិនសូវខ្វល់ខ្វាយ ជាមនុស្សសោះកក្រោះ ទោះអ្នកចង់បានភាពផ្អែមល្ហែមពីគាត់ប៉ុណ្ណាក៏មិនអាចទទួលបានដែរ។

៥. ចង់ឲ្យគេនៅជាមួយអ្នកទាំងគេមិនចង់

ស្នេហាមិនគួរមានការបង្ខំនោះទេ ដូច្នេះអ្នកមិនចាំបាច់ចងគេឲ្យនៅជាមួយអ្នកឡើយ។ គេមានជម្រើសរបស់គេ ហើយបើគាត់ស្រឡាញ់អ្នកមែនគេនឹងមិនទៅណានោះទេ។ បើអាចកុំព្យាយាមប្រើភាពកម្សត់ ទន់េជ្រាយដើម្បីឲ្យគេនៅក្បែរអ្នកអីព្រោះអារម្មណ៍នោះគ្រាន់តែជាការទាល់ច្រកប៉ុណ្ណោះ។

៦. ទាក់ទងអ្នកផ្សេងទៀត ក្នុងពេលតែមួយ

ក្នុងទំនាក់ទំនងស្នេហាការក្បត់ជាកំហុសដ៏ធំមួយ បើសិនអ្នកមិនច្បាស់លាស់ ឬក៏មានចិត្តជាមួយអ្នកផ្សេងហើយនោះអ្នកគួរតែបែកពីគេសិន មិនគួរក្បត់គេនៅពេលដែលអ្នកមានគេនោះទេ។ បើអ្នកនៅតែបន្តកុហក បន្តលាក់បាំងថ្ងៃណាមួយគ្រប់យ៉ាងនឹងផ្ទុះឡើង។ ចុងក្រោយអ្នកកាន់តែអស់តម្លៃសម្រាប់មនុស្សប្រុស។