រឿងតិចតួចទាំង ៥ យ៉ាងធ្វើឱ្យអ្នករីករាយជាមួយថ្ងៃថ្មី

2017-10-03 07:00:00
ចំនួនមតិ 0 | ចំនួនចែករំលែក 0

បញ្ហាគ្រប់សព្វបែបយ៉ាងទាំងតូចទាំងធំត្រូវកើតមានជារៀងរាល់ថ្ងៃ ដែលធ្វើឱ្យមនុស្សមិនអាចរក្សាភាពរីករាយនិងស្នាមញញឹមរបស់ខ្លួនបានឋិតឋេរ។ ប៉ុន្តែមិនបានន័យថា ជីវិតអ្នកកើតមកសម្រាប់តែដោះស្រាយភាពស្មុគស្មាញទាំងនោះទេ អ្នកត្រូវចេះពីវិធីសាស្ត្រសម្រាលទុក្ខខ្លះ ទើបជីវិតមានន័យ។

១. ប្រមូលស្មារតី៖ ចាំរឿងអាក្រក់ៗដែលកើតឡើងពីម្សិលមិញបានទេ? តើអ្នកបានដោះស្រាយវាអស់ ឬនៅ បើដោះស្រាយអស់ហើយបំភ្លេចវាទៅ។ ប៉ុន្តែបើមិនទាន់ចប់អស់ទេ គួរប្រមូលស្មារតីរកគន្លឹះដើម្បីបញ្ចប់វាឱ្យបានឆាប់បំផុត។

២. ក្តាប់ក្តីស្រមៃក្នុងចិត្ត៖ វិធីនេះនឹងជួយឱ្យអ្នកមានថាមពលក្នុងខ្លួនជានិច្ច ទោះជាអ្នកកំពុងពិបាកចិត្ត ឬតានតឹងយ៉ាងណាក៏ដោយ។ នៅពេលអ្នកមានក្តីស្រមៃណាមួយពិតប្រាកដ នោះអ្នកមិនងាយចុះចាញ់ព្រោះតែឧបសគ្គតូចតាចនៅចំពោះមុខទេ។

រូបតំណាង

**៣. ដកដង្ហើមវែងៗ៖** កុំមើលស្រាលវិធីសាមញ្ញនេះឱ្យសោះ វាជួយឱ្យដំណើរឈាមក្នុងខួរក្បាលដើរបានល្អ។

៤. រើសពណ៌សំលៀកបំពាក់៖ អ្នកគួរជ្រើសរើសពណ៌សំលៀកបំពាក់ស្រស់ៗបន្តិច ព្រោះវាក៏អាចជួយឱ្យអារម្មណ៍ស្រស់ថ្លាបានដែរ។ ពណ៌សំលៀកបំពាក់ស្រាលពេកគឺកាន់តែធ្វើឱ្យអ្នកមានអារម្មណ៍សោះកក្រោះ។

រូបតំណាង

៥. កុំនៅមួយកន្លែង៖ ដើរចុះដើរឡើងពីកន្លែងមួយទៅកន្លែងមួយ ធ្វើឱ្យអារម្មណ៍បានធូរស្បើយពីភាពតានតឹង។ ប្រសិនបើអ្នកមានពេលទំនេរដើរលេងតាមផ្លូវខ្លះរឹតតែប្រសើរ ជាពិសេសគឺកន្លែងមានខ្យល់បរិសុទ្ធ៕

ចុចអាន៖មកពី holiday វិញការងារគរដូចភ្នំគួរដោះស្រាយយ៉ាងណាល្អបំផុត?

ប្រភព៖ Careergirldaily ប្រែសម្រួល៖ អ៊ុង រ័ត្នបញ្ញា