ពេលចូលឆ្នាំខ្មែរ បើស្រីៗចង់ដើរលេង គួរតែត្រៀមរបស់ទាំង ១០ នេះ

2017-04-10 07:28:37
ចំនួនមតិ 0 | ចំនួនចែករំលែក 0

ថ្ងៃចូលឆ្នាំប្រពៃណីខ្មែរ ក៏ខិតជិតមកដល់ ហើយប្រជាជនទាំងក្មេងចាស់ ប្រុសស្រីតែងតែរីករាយក្នុងការជួបជុំគ្រួសារ ហើយខ្លះទៀតក៏មានដំណើរកម្សាន្តទៅតាមទីកន្លែងផ្សេងៗ ជាពិសេសសម្រាប់មនុស្សស្រីតែម្ដង បើអ្នកមានដំណើរទៅណាអ្នកគួរតែត្រៀមនូវរបស់ទាំងនេះ ៖

១.Camera ៖ វាសំខាន់ណាស់ពេលដែលអ្នកដើរលេងម្ដងៗ ព្រោះវាអាចផ្ដិតយកការចងចាំ និង អនុស្សាវរីយ៍របស់អ្នក ហើយមនុស្សស្រីក៏ចូលចិត្តថតរូបណាស់ ដូច្នេះត្រូវតែមាន។

២.គ្រឿង Make up ៖ ប្រហែលជាស្រីៗមិនភ្លេចទេ ព្រោះវាសំខាន់ណាស់ ទៅដើរលេងម្ដងត្រូវតែតែងខ្លួនឲ្យស្អាតៗ។

៣.ប្រដាប់កៀបសក់ ៖ បើអ្នកទៅគេង អ្នកគួរតែមានវា ព្រោះវាក៏សំខាន់ដែរក្នុងការដែលយើងអ្នកចង់លេងម៉ូដសក់ ស្អាតៗ។

៤.ស្បែកជើង ៖ ពេលដើរឆ្ងាយ ពេលថ្ងៃ អ្នកគួរតែពាក់ ប៉ាត់តា ហើយបើដើរពេលយប់ ឬ ដើរតាមឆ្នេរអ្នកគួរតែមានស្បែកជើងផ្ទាត់ ឬក៏ស្បែកជើងណាដែលស្រួលពាក់ ស្រួលដើរ។

៥.ឆត្រ ៖ ដឹងហើយថាខែនេះជាខែក្ដៅ ដូច្នេះអ្នកគួរតែមានឆត្រមួយក្នុងដៃ ទុកបាំងកម្ដៅថ្ងៃកុំឲ្យខ្មៅស្បែក។

៦.កង្ហារតូច ៖ វាពិតជាជួយច្រើនណាស់បើអ្នកទៅកន្លែងដែលមានមនុស្សច្រើន ព្រោះពេលដែលក្ដៅ ពេលដែលហប់អ្នកអាចប្រើវាក្នុងការបន្ថយការក្ដៅស្អុះស្អាប់។

៧.Power Bank ៖ ពេលទៅណាឆ្ងាយវាពិបាកណាស់ក្នុងការរកកន្លែង បញ្ចូលថ្ម ដូច្នេះបើមានវាមួយអ្នកអាចសាកថ្មបានគ្រប់កន្លែង។

៨.កន្សែង ឬ ក្រម៉ា ៖ ពេលដែលអ្នកដើរឆ្ងាយ មនុស្សច្រើន ក្ដៅ ហើយហុយ នោះស្បែករបស់អ្នកនឹងមានដី ស្អិត អីចឹងហើយអ្នកអាចយកវាមកផ្សើមទឹក ជូតមុខ ជូតដៃ ជូតក ឲ្យស្រួលខ្លួនបន្តិច។

៩.មួក ៖ ពេលខ្លះ អ្នកពិបាកនឹងប្រើឆត្រ អ្នកត្រូវតែមានមួក ដើម្បីការពារមុខពីកម្ដៅថ្ងៃ ហើយម្យ៉ាងទៀតវាមើលទៅក៏ស្អាតដែរ។