ទាយមើលស្រីៗវ័យ ៣០ ឆ្នាំឡើង តែមិនទាន់មានប្ដី មានអារម្មណ៍ម៉េចទៅ?

2017-03-26 05:00:00
ចំនួនមតិ 0 | ចំនួនចែករំលែក 0

តើក្នុងចិត្តស្ត្រីវ័យ ៣០ ហើយតែមិនទាន់រៀបការគេខ្វល់ពីរឿងនេះ ឬអត់ណ៎? តោះអានអត្ថបទខាងក្រោមនឹងច្បាស់ដូចថ្ងៃតែម្ដង៖

១.សុភ័ក្រ្តា៖ «ខ្ញុំ ៣២ ឆ្នាំហើយ មិនខ្វល់រឿងប្ដីសីអីនេះទេ មានក៏មាន គ្មានក៏ហី។ បច្ចេកទេសឥឡូវទំនើបណាស់ ទោះអត់ប្ដីក៏អាចមានកូនបាន មិនចាច់ខ្វល់រឿងនេះទេ»។

២.ទេវី៖ «មនុស្សស្រីសម័យនេះមិនគួរធ្វើខ្លួន ឬគិតតែរឿងប្ដីនោះទេ គួរគិតពីការរៀនសូត្រ និងរកការងារណាដែលល្អអាចចិញ្ចឹមខ្លួន និងគ្រួសារផងទៅ។ កុំទៅខ្វល់នឹងពាក្យ “ក្រមុំចាស់” នឹង បងអាយុ ៣០-៣១ ឆ្នាំដែរហើយនឹង តែបងមិនគិតរឿងនោះផង»។

រូបតំណាង

**៣.កញ្ចនា**៖ «ខិតខំតាមរកក្ដីស្រមៃខ្លួនឯងសិនទៅ ចាំទៅគិតរឿងប្ដី រឿងកូននឹងនោះ។ បងគិតថាធ្វើអ្វី ឬទៅកន្លែងណាដែលខ្លួនឯងចង់ទៅជាមុនសិន។ ដើរលេង, ជប់លៀង ស្គាល់អ្វីដែលជាពិភពលោកខាងក្រៅឲ្យអស់សិន ចាំមកខ្វល់រឿងនោះ»។

៤.ស្រីណាក់៖ «ពេលដែលមិនទាន់រៀបការ យើងអាចធ្វើការងារអស់ពីចិត្តពីចង់ គ្មានការបែងចែកអារម្មណ៍ពីបី និងព្យាយាមស្វែងរកក្ដីស្រមៃ។ តែពេលរៀបការហើយ អ្វីៗនឹងមិនដូចមុនទៀតឡើយ ចឹងហើយបង អត់ទាន់គិតរឿងគ្រួសារទេអូន។ បងគិតថាស្រីៗឥឡូវគួរធ្វើអ្វីមួយដ៏អស្ចារ្យសម្រាប់ប៉ាម៉ាក់,បងប្អូនសិនទៅ រឿងសង្សារ ឬប្ដីគង់តែដល់ពេលទេ»។

៥.ឡានី៖ «ប្រសិនបើយើងទម្លាប់រស់នៅម្នាក់ឯងរហូតដល់អាយុជាង ៣០ ហើយស្រាប់តែរៀបការភ្លាម នោះយើងនឹងមានអារម្មណ៍ថាជីវិតយើងដូចជាប់ចំណង, គ្មានសេរីភាព ចឹងបន្តយកសេរីភាពទៀតខ្ជិលខ្វល់រឿងស្នេហា»។

៦.យ៉ាយ៉ា៖ «ខ្ញុំគិតថាការរៀបការ សប្បាយតែពេលដំបូងៗទេ តែក្រោយមក វាអាចនាំមកនូវភាពតានតឹង, បន្ទុក និងទំនួលខុសត្រូវ»៕

ចុះមិត្តនារីដទៃគិតមិចវិញ

អត្ថបទ៖ ទ្រី រ៉ាវី